dialogues for cast: Himesh Reshammiya

Zid pe aamada hamara humsafar hai ... aas paas gundey, goliyan, gutter hai ... dil unke aage surrender hai ... jeena us hi ke saath umar bhar hai

Apne sabra aur yakeen ko roz badana padta hai ... cholay ko basanti aur iraadon ko faulaad banana padta hai ... yoon hi nahi hoti tirange ki hifazat ... desh bhakton ko apna khoon bahana padta hai

Sher ke pair mein kaanta chub jaane se jungle kutton ka nahi ho jaata

Saale tujh jaise kameene hi ulti ganga bahate hai ... neeyat khud ki kharab hoti hai aur ghunghat auraton se karvate hai

Anjaam ki fikr nahi karte woh joh doobe rehte hai aashiqon ki jannat mein ... janbaaz hote hai woh aashiq joh tabah ho jaate hai ishq, pyar, aur mohabbat mein

(Jaanta nahi kiske samne khada hai?) - Bhagwan tum ho nahi sakte ... insaan tum lagte nahi ... aur shaitaan se main nahi darta

Ravikumar aadmi nahi aandhi hai ... teri sultanat udda ke rakh dega

Sheeshay ke gharon mein rehne wale, chataano ko chunautiyan nahi diya karte ... nishaana chahe kitna bhi pakka kyun na ho, gulel se baaz kabhi mara nahi karte

(Yeh tum har baat pe dialogue kyun maarte ho?) - Kyun ki har superhit action se pehle ... superhit dialogue zaroori hota hai

Zehar ke asardaar hone se kya farak padta hai ... maut aane ke liye khuda ki marzi bhi shamil honi chahiye

Joh Ravikumar se ulajhta hai uski photo pe haar latakta hai

Mere sanskaaron mein mujhe marne ki izaazat hai ... darne ki nahi

(Aa raha hoon main) - Immigration ke baad seedha tera cremation hoga

Sudhar ja nahi toh guzar jayega

(Chuhoon aur Hindustaniyon mein farak kya hai?) - Sirf ek border ka

Tu bura hai toh main bure logon ka nawab hoon ... tu bada hoke bighda hoga ... main bachpan se kharaab hoon

Maana ki daulat mein bahut taqat hoti hai ... magar paisa hi sab kuch nahi hota ... maana ki tumne zameer khareede honge bahut ... magar har imaan bikau nahi hota

Main Hindustan ki mitti se jhuda hua woh desh bhakt hoon, joh apne desh ke dushmano ko mitti mein mila dega ... I am the son of the soil

Tere shareer mein itna khoon nahi hoga ... jitna Ravikumar ek baar mein moot deta hai

Kisi khwaab ki itni aukaat nahi hai ki Ravikumar usse dekhe aur woh poora na ho

Upar wale ka karm aur duaon ka saaya jiske saath hai ... koi khatra kya bhigadega us bete ka, jis bete ke sar pe maa ka haath hai

Pehli mulaqat mein hi hum kitne kareeb the ... kabhi ajnabi ban jayenge yeh socha na tha ... mohabbat mein dooriyan bhi maza deti hai yeh suna tha magar ... itne faasle ho jayenge yeh kabhi socha na tha

Kundli mein shani, ghee ke saath honey, aur Ravikumar se dushmani ... sehat ke liye hanikarak ho sakti hai

Dushman chahe jitna khatarnak kyun na ho ... Ravikumar jaisa dhurandar ho nahi sakta ... talaab chahe jitna gehra kyun na ho ... woh kabhi samundar ho nahi sakta

Jab apne hi shamil ho dushman ki chaal mein ... toh sher bhi phas jaata hai kutton ki jaal mein

Mujrimon ko joh saaza de usse sarkar kehte hai ... mujrimon ko joh udda de usse Ravikumar kehte hai

Jin toofano mein tum jaiso ke jhopde udh jaaya karte hai ... hum unhi toofano mein apne kapde sukaya karte hai

Keh rahi hai nazdeekiyan faasle hai ab bhi darmiyan ... teri mohabbat mein awara hua hai dil, dhoond raha hai teri galiyan

Dil chhune wali kahaniyan kabhi dil cheer bhi deti hai

Dil mera pehli baar zor se dhadka hai ... unki ek jhalak milte hi life mein chha gaya filmy romance ka tadka hai

Osama ko pakadne ke liye mulk, mazhab, maal aur military lag jaati hai ... ask the neighbouring country ... magar ek General Dyer ko maarne ke liye sirf ek Hindustani jigra aur yeh desi tamancha hi kaafi hai ... ask the world

Joh insaan apni zid ko iraade mein badal de ... us insaan ko apni manzil tak pahunchne se koi nahi rok sakta