dialogues for cast: Manoj Kumar

Kharbuja, kharbuje ko dekh kar rang badalta hai

Zindagi ek paheli hai ... kabhi dushman, kabhi saheli hai

Deshwasi ke seene se goli paar nahi hoti ... vapas jaati hai

Zulm aur jhoot ki dhaali par ek baar phal lagta hai ... dobara nahi

Science ka har ek naya experiment, har ek naya tajurba ... ek chamatkar hota hai

Joh Baba ki taraf ek kadam badata hai na ... Baba uski taraf dus kadam badate hai

Meri janam patri, meri kundli, yeh degree hai ... aur iski kismat mein kitne rahu hai kitne ketu, yeh koi jyotshi nahi jaanta

Khushi ke mauke par dard bhara geet chedna ... badi manhoos si baat hoti hai

Pyar ki kahani ek aisa pinjra hai jis mein mann ka panchi pharphara toh sakta hai ... magar nikal nahi sakta

Apne yahan ki mitti ki khushboo hai na ... woh toh ajnabi logo ki saanson mein bhi sanskar bhar deti hai

Saari ka kaam khoobsurati ko chupana nahi ... ubhaarna hai

Insaan is duniya mein chaar din ki zindagi guzaarne aata hai ... lekin chaalis din ka gham usse gehre rakhta hai

Aap hamare paseene se logon ka khoon chooste hai

Vishvas toh ek aaisa bandhan hai ... joh ek insaan ko doosre insaan ke kareeb lata hai

Zameen toh maa hoti hai ... aur maa ke tukde nahi kiye jaate

Kasam lelo joh mehfil mein tumhe danista dekha ho ... nazar aakhir nazar hai beirrada uth gayi hogi ... tajub kya lagi agar aa gaye Meena ji seene mein ... hazaron dil mein angaray bhare the, dab gayi hogi

Jab aap chalti hai toh raaste ke patthar bhi phool ban jaate hai

Ameeri aur gareebi ke darmiyan yeh joh fasla hai na ... yeh sadiyon se badta hi ja raha hai ... isse koi kam na kar saka

Sach joh kisi ki jaan lele ... usse kahin achcha hai woh jhoot joh kisi ko maut ke mooh se bacha le

Naukri milne ke baad kaam rahe na rahe ... lekin naukri dhoondna bahut bada kaam hai

Humko toh gardish-e-haalat pe rona aaya ... rone waale tujhe kis baat pe rona aaya?

Kahin sher aur nagma bankar, kahin aasoonyon mein dhalkar ... woh mile mujhe toh e-dil, kahin sooratein badalkar

Joh insaan ki maut marna nahi jaanta ... yeh duniya usse insaan ki zindagi jeene nahi deti

Duniya ke barbaadi ki jadh hai ... ek insaan ka doosre insaan pe hukumat karne ka shauk

Jab jab insaan ke haath nek kaam karte hai ... unhe jalna padta hai, chaale padte hai ... phir aaise hi haathon par pyar ka marham lagta hai

Duniya abhi tak woh bandook nahi bana saki joh sachai ka khoon kar sake, nekki ko khatam kar sake

Ek achche hospital ke liye sirf pakki imaarat aur chamakte hue furniture ki zaroorat nahi ... zaroorat hai to kaam karne waale haathon ki aur mehsoos karne waale dil ki

Raat mein soote hue joh sapne aate hai, woh sache nahi hote ... lekin din mein jaagte hue joh sapne dekhe jaate hai, woh hamesha sache hote hai ... kyun ki unka doosra naam hai irrada

Ab hamare darmiyan sirf ek parda hai joh saaya banke haqeeqat ko chupaye huye hai ... aur woh parda tum ho ... tum ho, tum ho, tum ho

Sab cheezein intezaar kar sakti hai ... magar ek khoobsurat ladki ko kisi ka intezaar nahi karna chahiye

Lipat jaate hai woh bijli ki darr se ... ilahi yeh ghata do din toh barse