dialogues for cast: Mukesh Khanna

Cancer ke mareez ka ilaaj ho sakta hai magar ... mohabbat ke maare ka nahi

Mahabharat ho yah Ramayan ... har jung ki buniyaad mein aurat hai

Mohabbat aisa cancer hai joh ... achche khase aadmi ko tadpa tadpa kar maar dalta hai

Agar maarna chahte ho toh che ki che goli humri khopadiya mein utaar do ... kyun ki agar humre jism mein thodi bhi jaan reh gayi ... toh hum tujhko jaan se maar daalonga

Apne maqsad mein kamyaabi haasil karne ke liye ... taqat se zyada himmat ki zaroorat hoti hai

Yeh upar waala hai na hamesha chuhe billi ka khel khelta hai ... kabhi itna sukh deta hai ki sambhala nahi jaata ... kabhi itna dukh de deta hai ki dil se nikala nahi jaata

Hamare hausalon ka sar kat toh sakta hai ... lekin tere aage jhuk nahi sakta

Tu zulm badhata ja hum sabrr badha lenge ... mitt jayenge hum lekin tujhko bhi mitaa denge

Yeh na samajhna ki samne koi murdaar khada hai ... kehte hai jisse Chauhan yeh tumhara baap khada hai

Duty nibhate hai hum issi liye hum hum hai, varna haramkhor kehlate ... rishvat khate mujrimon se aur rishvatkhor kehlate

Watan pe mitne waalon ki yun khatam nahi hoti kahaniyan ... hum mein toh phir bhi yaad rakhegi duniya, nahi rahengi tumhari nishaaniyan

Joh pyar karte hai woh sar jhukakar nahi sar uthakar baat karte hai

Meri teen baatein yaad rakhna bete ... sachai se kabhi mooh modna nahi, zulm ke aage kabhi jhukna nahi, dil ki pehli awaaz sunna ... kyun ki pehli awaaz parmatma ki hoti hai ... bad mein shaitan bolta hai

Pyar jab bagawat par utar aata hai ... toh koi taqat usse nahi rok sakti ... na insaan ki, na kudrat ki

Tum ek achche khandan ki bigdi hui nasamajh aulad ho

Woh us chaand ki tarah hai jismein gareebi ka daag toh hai magar ... bahut sari khoobiyon ki chamak bhi hai

Girre hue aasunyon ke katre ... vapas nahi uthaye ja sakte

Majboori mein daya ki bheekh maangi jaati hai ... koi shart nahi rakhi jaati

Aulad ke aasoon baap ke dil pe tezaab ke boond ki tarah girte hai ... aur usse challi kar dete hai

Jung mein pyar nahi hota ... lekin pyar mein jung hua karti hai

Bade se bade zaalimon ke zulm se bada hota hai ... ek gareeb ka inteqam

Main janta hoon ki tumhare haath bahut lambe hai, bahut upar tak jaate hai ... lekin khaki ke samne khadi ki taqat dikhane ki koshish mat karo ... kyun ki main yeh khaki utarkar khadi pehan sakta hoon ... lekin tumhare neta khadi utarkar khaki nahi pehen sakte

Syahi sasti hai, khoon mehenga hai ... ek mamuli si tankha par apni syahi baha dena koi mushkil kaam nahi ... lekin ek mamuli si tankha par apna khoon baha dena sirf dilari hi nahi ... deewangi hai

Sirf paise ke liye jaan ka sauda toh chor, daku, smuggler aur badmash bhi karte hai ... lekin ek jhande ke liye jaan ka sauda sirf ek sipahi karta hai

Jab jab koi Dong jaisa kamina apne napaak irradon ke liye ... aatankwad ki talwar lekar Hindustan mein tahalka machayega ... toh Hindustani sipahi bhi uske mulk mein jakar ... uske tahalke ka jawab ussi tahalke se denge

Apne matlab ke vaaste humne aasmano se kuch nahi maanga ... humne gulshan ki khair maangi hai koi takht-o-taj nahi maanga

Badalne waali hum cheez nahi ... arre hum mard hai, koi kameez nahi

Jisne dil pe zakhm khaye ho, woh is zakhm se kya gabrayega ... peeye ho jisne khoon ke aasoon, kya woh is khoon se mar jayega

Maana ki kismat ne hara diya hai dost, par itne toh gunehgar nahi hum ... mare ek sipahi ki maut, kya iske bhi haqdar nahi hum

Sarang tedi nazar kabhi bardaash kar bhi leta hai ... magar gandi nazar kabhi bardaash nahi kar sakta

Apni izzat bachane ke liye joh log apni jaan na de sake ... aaise log agar hamari zameen par paon rakh de ... toh hamari zameen banjar ho jaye

Zabaan aaisi tawaif hoti hai joh mujra karna band nahi karti ... kabhi hamare samne, kabhi doosron ke samne