dialogues for cast: Rajesh Khanna

Jiska dil gham ki tanhaiyon mein ujadh gaya ho ... woh bahar se kitna hi sehatmand lagta ho, lekin andar se toh bimaar hi rehta hai

Aap aadmi bhale baade hain ... lekin insaan bahut chote hain

Agar tumhare jaise dost is duniya mein hue ... toh kya zaroorat hai dushmano ki

Paapi pet ka sawaal do dhari talwar hota hai ... joh dono taraf kaatta hai

Maut zindagi ki har tasveer ka doosra rukh hai ... karam ache kiye ho toh maut achi milti hai ... pani ki tarah gale se utar jaati hai ... aur agar tumhare jaise karam bure kiye ho toh maut bhi buri hi milti hai ... ek sookhi roti ke tukde ki tarah gale mein atak jaati hai ... neeche nahi utarti

Yeh duniya khel madari ka, chalaki ka, hoshyari ka ... jeevan ki bansi par dukh ka dumroo dekho deta kaisi taal hai ... bol madari kiske liye yeh behroopiye ka haal hai ... paapi pet ka sawaal hai

Ishwar hazar gunah karne ke baad maaf kar deta hai ... lekin ek baar maa ka dil dukhao toh woh kabhi maaf nahi karta

Hamare desh mein samajwad kahan hai ... hamare desh mein toh afsarwad hai, jaat-paatwad hai, kursiwad hai ... arre samajwad toh tab aayega jab aap apne vote ki taqat mehsoos karenge

Yeh joh vote hai na yeh kagaz ka tukda nahi hai ... ki dabbe mein daala aur chal diye ... yeh vote tumhare parivar, tumhare desh, uski unnati ki parchi hai ... yeh toh do dhaari talwar hai joh dono taraf se kaatti hai ... theek jagah pade toh desh khushal aur galat jagah pade toh desh ka satyanash

Pati ke liye patni punya ka saathi hoti hai

Doosro ki daulat ke pankh logon ko gharon se dur le jaate hai ... aur yeh pankh jinhe lag jaate hai ... woh wapis ghar lautkar kabhi nahi aate

Kanoon ki koi bhi kitaab zindagi ki kitaab se badhkar nahi ho sakti

Main woh bala hoon joh jooton se tum jaise kutton ke sarr phodta hoon

Main is jhoot ko itne bade sach mein badal doonga ... ki woh sach ke sivah aur kuch nahi rahega

Yaaron utho, chalo, bhaago, daudo ... marne se pehle jeena na chhodo

Bada aadmi toh woh hota hai joh doosron ko chota nahi samajhta

Retire toh aadmi ko us din hona chahiye ... jab upar waale ka bulava aa jaye

Kisi ka fayda, kisi ka nuksaan ... kisi ka nuksaan, kisi ka fayda ... issi ka naam duniya hai

Milna bichadna jeevan ki reet hai ... do pehlu hai ... ek gham ka doosra khushi ka

Kabhi kabhi sambhalkar chalne mein bhi thokar lag hi jaati hai

Dard toh tab hota hai jab koi zakhm ke baare mein yaad kare ... bhool jao toh dard ka ehsaas bhi nahi hota

Jis tarah insaan purane kapde phekkar naye kapde pehan leta hai ... us hi tarah aatma bhi purane jism ko chhodkar naya jism dharan kar leti hai

Kanoon jurm ko dekhta hai, insaan ko nahi dekhta ... uske samne raja aur runk, ameer aur gareeb, maalik aur ghulam ... sab barabar hai

Duniya ki koi bhi sazaa khooni ko nahi badal sakti ... khooni hamesha khooni hi rehta hai

Pyar toh bhagwan ka vardaan hai aur paisa insaan ka banaya hua zehar ... zaada ho jaane par usse maar dalta hai

Pyar paise se nahi khareeda ja sakta ... usse paane ke liye toh puja karni padti hai

Pehle jab tum baat karti thi tumhari zubaan se shahad tapkata tha ... aur aaj tumhari zubaan ka shahad tumhari behen ki makkhiyon ne choos liya hai

Main jis raaste se tumhari taraf aane ki koshish karta hoon ... tum us raaste ko mitta dena chahti ho ... tumhara yeh bartav sari duniya se kaatkar tumhe alag kar dega, bilkul alag ... na koi tumhari taraf aayega, aur na hi kal tum meri taraf aaneka raasta pehchaan sakogi

Woh pyar hi kya joh faulaadi dil mein band ghut-ghutkar mar jaye ... pyar ko izhaar chahiye

Agar bhoolne se rishtey naate toot sakte hai ... toh is duniya mein na pyar hota, na nafrat hoti aur na dard hota

Pati ke ghar ka dukh bhi maikay ke sukh se meetha hota hai

Aaj hum joh kuch bhi hai na, yeh aap hi ke wajah se hai ... is liye jitna hum yeh charan thame rahenge na ... utna hi dharam aur badega