dialogues for cast: Shashi Kapoor

Jal se shareer ka snaan hota hai aur aasoon se atma ka

Jise humdum banaya ho, jise humkadam banaya ho ... usse humraaz nahi banaya ja sakta

Sneh aasman se tapki hui sharaab ki ek boond hai ... joh insaani jism mein dhalkar zameen ka sabse khoobsurat phool ban gayi

Har din ki kismat mein aftab nahi hota ... lekin phir bhi har din zindagi ka ek naya daur shuru hota hai

Aaisi choti aur ghatiya baat karke aap hamare samne chote aur ghatiya nazar aane lage hai

Lagta hai tumhara napaak khoon mere hi haathon hona likha hai

Yeh prem rog hai ... shuru mein dukh deta hai ... bad mein bahut dukh deta hai

Hum gayab hone waalo mein se nahi hai ... jahan jahan se guzharte hai jalwe dikhate hai ... dost toh kya, dushman bhi yaad rakhte hai

Hum police waale jis din yeh vardi pehen lete hai na ... us hi din se police waalon aur maut ka rishta kuch aas paas ka hi ho jaata hai

Duniya mein aaisa mujrim koi pehda nahi hua ... jiska anth kanoon ne na likha ho

Jab dil par bhoj ho aur dimag mein pareshani ... toh nishana kabhi fit nahi behatta

Apna toh ek hi usool hai ... jeeyo toh apne liye, socho toh doosron ke liye

Zulm aur paap ka khel toh hamesha zaalimo aur paapiyo ki zindagi ke saath hi khatam hota hai

Aaj se tum hamare dost ho, saathi ho, bhai ho

Sangeet woh daulat hai jisse duniya ka koi chor chura nahi sakta, koi daaku loot nahi sakta ... sangeet woh jadoo hai jiske samne duniya ka har jadoo beqaboo ho jaata hai

Tumhari mohabbat ek phuljadi ki tarah hai mere dost ... joh ek hi minute mein saikado taare bikherti hai aur bujh jaati hai ... magar hamara pyar toh umar bhar ka sauda hai

Khwab zindagi se kai zyada khoobsurat hote hai

Main zara romantic kisam ka aadmi hoon ... shaadi ke baad ishq karna toh chhod diya hai ... is liye biwi se romance karke kaam chala leta hoon

Is duniya mein aadmi insaan ban jaye ... toh bahut badi baat hai

Upar waala aaj tak jise na pehchan paya usse main kya pehchanuga

Yahan joh bhi aata hai ... hamari marzi ki bagair bahar nahin jaata hai

Tu sarkar aur janta ko lootta hai ... aur main tujh jaise looteron ko

Car se aane waale aksar derr se aate hai

Bhai, tum sign karoge ya nahin?

Jis raaste par main chal raha hoon uska anjaam shayad bura bhi ho sakta hai ... lekin jis raaste pe tum chal rahe ho uska anjaam sirf bura hi hota hai bhai

Yeh duniya ek third class ka dibba ban gayi hai ... jagah bahut kam hai, musafir zyada

Jab tak ek bhai bol raha hai, ek bhai sun raha hai ... jab ek mujrim bolega, ek police officer sunega

Zyada paisa aaye toh neend nahi aati ... neend aaye toh zyada paisa nahi aata

Mere paas maa hai

Do pyar karne waale jab phir se mil jaaye ... toh teesra pyar karne waala kabhi dukhi nahi hota

Yeh mat socho ke desh tumhe kya deta hai ... socho yeh ke tum desh ko kya de sakte ho

Ishq cheez hi aisi hai ... joh lagaye na lage, aur bhujaye na bane