dialogues for cast: Vinod Mehra

Jawaani ki pasand ko tajurba aur dil ki pasand ko dimaag agar tol le ... toh thokar nahi lagti

Joh kachche dhaago ki tarah toot jaaye ... woh ussool nahi, kamzor iraadein hote hai

Aadmi pahad se girkar toh uth sakta hai ... magar apni nazaron se girkar nahi

Mujrim nishaano ka nishaana ban jaata hai ... ya de jaata hai, ya le jaata hai

Sachai woh diya hai, jisse agar pahad par jala do ... toh roshni toh bahut kam door tak karta hai ... magar dikhta bahut door se hai

Zameen hamesha uski hoti hai ... joh uska seena cheerkar us mein apne paseene ke beej bohta hai

Hamare mulk mein ek aadmi ko dus rupaiya ko gyarah rupaiya banane mein zindagi khap jaati hai ... lekin dus lakh ko gyarah lakh banana baayen haath ka khel hai

Samay woh pal hai jis mein ek ajnabi se modh par ... udhar se aata ajnabi, idhar se aate ajnabi ko dekhkar ruk jaye ... aur sochne lage ki hum kabhi na kabhi, kahin na kahin pehle bhi mil chuke hai

Maine aapko devi jankar puja ... par aap devi nahi, devi ki murti nikli ... joh na kuch dekh sake, na mehsoos kar sake

Jeene waala kisi ki jaan bankar bhi jeeta hai ... aur kisi ko jaan banakar bhi jeeta hai

Maa ka matlab joh mujhe kisi dictionary ne nahi, balki zindagi ne sikhaya hai ... woh hai ek aaisi aurat jiski aankhon se bacha dekhna seekhta hai, jiski zabaan se bacha bolna seekhta hai aur jiske pairon se bacha chalna seekhta hai

Marte marte main itna mar chuka hoon ... ki mujhe toh apne jeene par bhi shaq hone laga hai

Aadmi ki achchai, uska character tab puja jaata hai jab uske paas rupaiya ho ... jab rupaiya paas na rahe toh aam logon ki nazar badal jaati hai

Insaan ki sabse badi daulat hai uski insaaniyat, uska character

Dhan daulat ko chalti phirti chaya kaha gaya hai ... aaj hai toh kal nahi ... fakr toh us daulat pe kiya jaye joh kabhi insaan ka saath na chhode ... aur woh hai sachai aur imaan ki daulat ... insaaniyat, daya aur dharam ki daulat

Pyar ki maar bahut buri maar hoti hai ... aadmi jeete jee mar jaata hai

Aurat ko apni jaan se zyada apni aabru azeez hoti hai ... aur apni pavitrata ki raksha ke liye aurat jaan de sakti hai aur jaan le sakti hai