dialogues for cast: Amitabh Bachchan

Jiska koi nahi hota uska yorker hota hai ... iske samne malik bhi naukar hota hai

Copyright ka matlab hai copy karna sabka right hai

Aapke shabd aapke actions se mel nahi kha rahe hai ... aur aapke actions aapke shabdon ke saath mel nahi kha rahe hai

Mausam aur insaan jab milkar galati karte hai na ... toh it's a sure shot recipe for disaster

Apne shabd aur samay ko bahut hi soch samajhkar karchiyega ... yeh dobara lautkar nahi aate

Galatiyan sabse hoti hai, mujhse bhi hoti hai ... lekin galatiyon ko na maanna aapka character darshata hai

Galati karne ke baad aap sirf teen cheezein kar sakte hai ... galati ko maanna, galati se seekhna, aur doobara us galati ko na karna

Hona ek din sabka hisaab hai ... zindagi karamo si likhi ek kitaab hai

Nyay agar jeevan ka adarsh hai ... insaaf agar hamare samvidhan ka maulik adhikar hai ... toh phir usse vyavastha, parampara aur paristithiyon ka ghulam mat banaiye

Insaaf kagaz ke tukdon par nahi hota hai ... aapke kitaabon mein nahi hota hai ... adalati kalam ki siyahi se woh nahi hota hai ... insaaf hota hai insaano ke dil par, unke zehan par, unki rooh par

Kanoon sirf kanoon hai ... ya toh toda jayega, ya paala jayega ... lekin har surat mein maana jayega

Mehfil mein jalate hai diya doosre log ... lete hai ujalon ka maza doosre log ... mujrim kabhi pakde nahi jaate ... lekin paate hai adalat se saza doosre log

Gunah jitna bhi sangeen ho, saza bhi utni hi sangeen honi chahiye ... gunehgar jitna bereham ho, insaaf bhi utna hi bereham hona chahiye

Hamara kanoon andha hai ... issi liye hamara insaaf bhi andha hai ... hum sochte kuch aur hai aur hum karte kuch aur hai ... kanoon sunta kuch aur hai aur insaaf karta kuch aur hai

Vyavastha se gunehgar bante honge ... lekin gunahon ko vyavastha ki pratishtha dene ka kanoon ko koi haq nahi hai ... gunah ki vyavastha nahi ho sakti

Hamari adalaton mein justice nahi, judgement hota hai ... insaaf nahi, faisla hota hai

Sabka sach alag alag hota hai

Woh moorkh hota hai joh sirf sach ko hi jaanta hai ... aur sach aur jhooth ke fark ko nahi jaanta hai

Badla lena har baar sahi nahi hota ... lekin maaf kar dena bhi har baar sahi nahi hota

Har insaan ki zindagi mein kam se kam ek mauka aisa milta hai jab woh apni kamzoriyo, apni qabiliyat aur apni fitrat se upar uth sakta hai ... apni pechaan badal sakta hai ... apne aap se behtar ban sakta hai

Dhai din ki dophari ... shaam raat amavas ki ... sheesham ke ghode par hoke savaar ... aayegi shaamat gunehgaron ki

Aazadi hai gunah toh kubool hai saza ... ab toh hoga wohi joh hai manzoor-e-khuda

Puruskar mile ya na mile ... aavishkar chalta rehna chahiye

America ke paas Superman hai, Batman hai, Spiderman hai ... lekin India ke paas Padman hai

India should not be seen as a country of 1 billion people ... it should be seen as a country of 1 billion minds

Agar hum apni jansankhya ko jan ki sankhya nahi balki zehan ki sankhya ki tarah dekhe ... toh duniya mein humse badi taqat aur koi ho nahi sakti

Maut aaye na toh woh pariyon ki tarah aani chahiye ... lekin zindagi mein joh karna chahiye ... woh sab kar liya ho toh hi pari aati hai

Thakela, pakela, boring, nirutsahi log ... cigarette se bhi zyada hanikarak hote hai

Aulaad nalayak nikle toh usse bhool jaana chahiye ... sirf uska bachpan yaad rakhna chahiye

Agar ek haath mein mala hai, toh doosre haath mein bhala hai

Achha kaam karoge toh us hi tarah uska swagat hoga ... nahi karoge toh hum apne tareeke se uska swagat karenge

Kitne bhi chuhe ek saath mil jaaye ... sher ko toh chhodo, ek billi ko bhi kuch nahi kar sakte