dialogues for cast: Rekha

Jaam-e-mohabbat aankhon se hi pee lete hai dilwale ... ek nazar mein mujhko padhkar jee lete hai dilwale

Falsafi ko bahas ke andar khuda milta nahi ... dor ko suljha raha hoon aur sirah milta nahi

Yakeen aaye na aaye tumko lekin yeh haqeeqat hai ... mile ho jabse tum mujhko yeh duniya khoobsurat hai

Pyar kabhi kabhi aadat ban jaata hai ... lekin tum sirf ek aadat nahi ab meri zaroorat ban chuke ho

Romance time dekh karke todhi na aata hai ... romance bhi divorce ki tarah ho jaata hai bas

Badhe bachon jaise baatein tab karte hai ... jab bache badhon jaise kaam karte hai

Hamare naseeb mein champagne nahi ... sirf pain hai

Duniya har nayi baat ko pehle thukrati hai ... baad mein maan leti hai

Prem ke do hi roop hote hai ... kisi ko apna kar lena ya kisi ka ho jaana

Hamari zindagi ke do pehlu hai ... ek adhikar ka doosra kartavya ka ... ek ke bina doosra mumkin nahi

Prem ki aag dono taraf lagi ho toh jalti rehti hai ... varna bhuj jaati hai

Kabhi kabhi ek jhoot bhi insaan ko tabaah kar sakta hai ... aur kabhi ek sach bhi

Maa apni kokh se bachche janam toh de sakti hai ... lekin usse apna naam nahi de sakti ... baap ke naam ki mohar chahiye hoti hai usse zindagi ki har kadam pe

Jab bhi hamari kismat hum mein muskurata hua dekhti hai ... toh usse jalan hone lagti hai

Jis tarah yamraj ko sirf yamlok hi dekh sakta hai ... ussi tarah Madam X ki shakal bhi sirf uska apna samraj hi dekh sakta hai ... joh bhi hamari jhalak dekhne ki jurrat karta hai ... woh jalkar aaise dhuan ho jaata hai ki na zameen ko uski khaak milti hai, na hawaon ko uski raakh

Dimaag ki aankh se dekhne waale ... chehre ki aankhon ka bahut kam istamal karte hai

Yeh maut bhi kitni ajeeb cheez hai ... insaan usse mehsoos karte hi, zindagi ke aanchal mein chanchal balak ki tarah tadapne lagta hai

Jab bhi hamare samne koi bewakoof akalmandi ka taj pehenne ki jurrat karta hai ... toh taj toh uske haathon mein hota hai magar pehenne ke liye uska sar nahi hota

Hamare paas duniya par nazar rakhne waali itni aankhen hai ... jitni shayad aasman par sitaare bhi na ho

Hamari saanson ki awaaz sunkar toh maut ke farishtay bhi gabrakar bhaag jaate hai

Kanoon hamari giraftari ka plan baad mein banata hai ... hum usse todne ke raaste pehle hi bana lete hai

Shikaar ke waqt sherni jis zameen par apne khunkhar panje rakhti hai ... us zameen ko bhi uske chalne ka ehsaas nahi hota ... ehsaas tab hota hai jab shikaar kiya hua khoon zameen par bikhar jaata hai

Koi hum mein maarkar hamara anth kya karega ... mitne waale nahi hai hum, koi hamara khaatma kya karega ... zindagi ko apni qaid mein liye ghoomte hai hum ... koi zindagi se hum mein juda kya karega

Humse dushmani modh lekar tumne zehareelay bichhoo ka dank apne shareer mein gaadh liya hai ... aur bichhoo ke dank se aadmi marta nahi hai ... zindagi bhar tadapta aur sisakta rehta hai ... tum bhi jab tak jeeoge tadapte aur sisakte hi rahoge

Hum hai maut ki woh express ... duniya jise kehti hai Madam X

Galatfahmi mein jeene waale ... asliyat mein mar jaate hai

Vasuli mein hum rupaye nahi ... samne waale ke maathe par pasine ki boondein ginte hai

Aaj agar samaaj se apradh ko khatam karna hai toh usse jadh se mitana hoga ... us pedh ko hi kaatna hoga jispar apradh ke phal pehda hote hai ... aur woh pedh tu hai

Jis shaadi ka aadhaar prem na ho, maan samaan na ho ... woh shaadi shaadi nahi ... balki hamari sanskriti ka apmaan hai

Betiyan baap ki pagdi mein lipti hoti hai ... pagdi utar jaye toh woh nangi ho jaati hai

Aurat ki jab haai lagti hai na ... joh ek janam toh kya, saat janam bighad deti hai

Maut ke badhte hue saaye ko zindagi rok nahi sakti ... aur zindagi ke badhte hue kaaravan ko maut rok nahi sakti