dialogues for cast: Asrani

Ache waqt ki kadhar ... burre waqt ke baad hi hoti hai

Muscular, popular, spectacular and ... bachelor

Haathi chale bazar ... kutte bhaunke hazar

Utho, muqabla karo aur jeeto ... jeetne ke liye tumhe na kisi ijazat ki zaroorat hai, na kisi sifarish ki

Sapne poore karna chahte ho toh jaagna seekho

Share bazar mein lute huye vyapari ki tarah roiye ... club mein haare huye juari ki tarah roiye ... signal pe bheek maangte huye bikhari ki tarah roiye ... magar roiye, please roiye

Guzarta hua waqt bade se bade masle ko suljha deta hai

Cheena jhapti, loot-mar, atyachar, brashtachar, balatkar ... aaisa koi paap nahi joh is manav ne nah kiya ho

Kabhi kabhi joh aankhon se dekha jaata hai woh sach nahi hota ... aur joh kaano se suna jaata hai woh bhi sach nahi hota ... sach woh hota hai joh tehkikaat aur jaanch partal karke jaana jaata hai

Bambai mein kaam kam hota hai hartaalein zyada hoti hai ... kabhi taxi waalon ki hartaal, kabhi bus waalon ki hartaal, kabhi mill waalon ki hartaal ... aur kabhi hartaal ka kaaran na milne par hartaal ko practice karne ki hartaal

Lambe lambe baal Bengal ke, sudol jism UP ka, gora rang Kashmir ka, kali kali aankhen Madras ki ... aaisa lagta hai jaisa pura Hindustan ek hi soorat mein sama gaya ho

Agar kabhi phir se shaadi karoonga toh aaisi khubsoorat ladki se ... joh hotel mein entry kare toh lage Sridevi, drawing room mein behti ho toh Madhuri Dixit, aur andar ke room mein ho toh Kimi Khaatpar ... matlab Katkar

Lagta hai tum aasman se tapki ho ... upar se neeche aakar zameen par chamki ho ... uparwaale ne kya super kaam kiya hai ... tujhe fursat mein bana diya hai

Pati patni ki narazgi garmiyon ki barsaat ki tarah hoti hai ... joh hamesha nahi rehti

Ladki hai ya naram naram double roti ... isko dekhte hi mohabbat ke pet mein bhook lag jaati hai

Woh roj raat ko naye ghat ka pani peeti hai

Woh toh aaise chipak gaye hai ... ki agar censor dekhle toh kainchi chala de

Mohabbat mein chirag-e-gul zamane ki hawa thandi ... chahe jitni bhi aag jale ishq ki, hawa thandi ki thandi

Bus mein tel jalta hai aur taange mein janavar ka khoon jalta hai

Tan dubla dubla, baal bikhare bikhare, aankhon ke neeche kaalik ... tumhari yeh haalat kisne ki balak?

Pyar ki shuruvat hai rota hai kya ... aage aage dekhiye hota hai kya

Bhool jao sab taaron ko, phoolon ko, bahaaron ko, aur yaad karo pehla chumban joh aag bhi tha aur sheetal bhi ... ab toh bas tum ho, roop tera, yowan tera, masti teri ... ab toh bas meri saansein hai teri palkon ko sek rahi ... bas do shareer ho jaye ek, dil itni baat manata hai ... is beautiful manzar ke aage kiska bas chal pata hai

Tere nainon ki khidki se yeh mujhko kaun bulata hai ... chandni ishara karti hai aur chand sitaar bajata hai ... pagalpan mein kuch kar baithun toh doshi mujhko mat kehna ... is beautiful manzar ke aage kiska bas chal pata hai

Bhagwan bahut acha hai tu, naari kya cheez banayi hai ... isko koi samajh na paya hai, sab duniya chakkar khayi hai ... arre yeh chakkar hi toh sab kuch hai, baki toh aata jaata hai ... woh yowan chullu mein layi, yeh ullu sher sunata hai ... is beautiful manzar ke aage kiska bas chal pata hai

Teri aankhon mein doobun, ya teri palkon se khel karun ... ya kho jaun teri zulfon ke jungle mein, ya apna dil rakh doon tere komal pairon ke neeche ... ab shuru kahan se ho jaun, yeh nahi samjh mein aata hai ... is beautiful manzar ke aage kiska bas chal pata hai

Hamare jasoos is jail mein charon taraf failay hue hai

Hamari jail mein surang?

Hum angrezon ke zamaane ke jailor hai

Aadhe idhar jao ... aadhe idhar jao ... aur baaki hamare saath aao