dialogues for show: Bajirao Mastani

Surya kirano ke bina, khushboo hawa ke bina aur raja pradhaan ke bina adhoora hai

Dhakhan mein agar koi bahadur hai toh woh Nizam hi Nizam hai ... baaki toh bina guthli ke aam hai

Dushman ki chaati mein talwar pironha aasaan hai ... par rishton ke motiyon mein dhaaga pironha bahut hi mushkil

Har yudh ka nateeja talwaron se nahi hota ... talwar se zyada dhaar chalane waale ki soch mein honi chahiye

Lagaam dikhti nahi hai par zubaan par honi chahiye ... samajhla

Marathaon ke paas dushman jitni daulat ho na ho ... yudh mein bahane ke liye khoon kayi zyada hai

Woh veer hi kya jiske samne shrungaar apni palkein na jhuka de ... woh shrungaar hi kya jiske samne veer apni talwar na daal de

Yeh sach hai ki har dharam ne ek rang ko chun liya hai, par rang ka toh koi dharam nahi hota ... haan kabhi kabhi insaan ka mann kaala zaroor ho jaata hai joh usse rang mein bhi dharam dikhai deta hai

Jab deewaron se zyada doori dilon mein ho jaye ... toh chatt nahi tikti

Maratha sultanat mein agar Chhatrapati Shivaji aur Shambhuraje ke baad koi hai, toh woh sirf Baji hi Baji hai ... baaki toh sab bajhi hai

Har dharam mohabbat sikhata hai ... par mohabbat ka toh koi dharam nahi hota ... woh khud apne aap mein ek dharam hai

Jag mein kho jaane waale toh kabhi kabhi mil bhi jaate hai ... lekin joh apne hi ghar ke aangan mein kho jaaye ... woh itni aasaani se nahi milte

Heere mein heera ho toh usse kehte hai Kohinoor ... Rao ka naam lete hi Kashi ke chehre par aata hai noor

Hamare dil ek saath dhadakte hai ... aur ek saath rukte bhi hai

Aap humse hamari zindagi maang lete hum aapko khushi khushi de dete ... par aapne toh humse hamara guroor cheen liya

Ishq ... joh toofani dariya se bagavat kar jaaye woh ishq ... bhare darbar mein joh duniya se ladh jaaye woh ishq ... joh mehboob ko dekhe toh khuda ko bhool jaaye woh ishq

Cheeteh ki chaal, baaz ki nazar aur Bajirao ki talvar par sandeh nahi karte ... kabhi bhi maat de sakti hai

Bajirao ne Mastani se mohabbat ki hai ... ayyashi nahi

Kiski talvar par sar rakhon yeh bata do mujhe ... ishq karna agar khata hai toh saza do mujhe

Bajirao ki raftaar hi Bajirao ki pehchaan hai

Apni dharti, apna raaj ... Chhatrapati Shivaji ka ek hi sapna ... Hindu swaraj

Tujhe yaad kar liya hai aayat ki tarah ... ab tera zikr hoga ibadat ki tarah

Adhoori mulaqat hi toh phir se milne ka vaada hota hai

Aandhi roke toh hum toofan ... toofan roke toh hum aag ka dariya

Putra agar pita ki paghdi pehan le toh usmein pita ki buddhi toh nahi aa jaati ... chandan ke vrush ko bhi sugandh dene ke liye ek umar ki avashakta hoti hai