dialogues for show: Amar Deep

Maangne waala maangkar dene waale ko maan hi toh deta hai

Duniya mein joh apni hasti bhool jaata hai ... duniya bhi uski hasti bhool jaati hai

Bahar se dikhne mein toh hum jagmaga rahe hai ek deep ki tarah ... lekin andar se sirf ek jali hui kaali baati ki tarah hai

Hum vyapar aur pyar ko kabhi ek saath nahi milate

Paise kamane ke do tareeke hai ... ek toh zabardast mehnat, lekin uske liye bahut samay ka intezar karna padta hai ... aur doosra bagair mehnat ke insaan amir ban sakta hai, lekin uske liye hausle ki zaroorat hai

Duniya mein sadaa rehne ko aata nahi koi ... tum jaise gaye aaise bhi jaata nahi koi ... kyun marke bhi honthon pe hassi khel rahi hai ... sab jaante hai aur batata nahi koi ... dil pehle hi darta tha ki jal jayega daaman ... daaman se amar deep bhujata nahi koi

Duniya ek bahut badi mandi hai, bazar hai ... jahan pe har cheez ka bhaav hai, mol hai ... jahan pe har cheez ek bikau maal hai

Kisi kisi dukh ke peeche ek bada sukh chupa hota hai

Aadmi apni buraiyon ke liye doosron ko dosh deta hai ... par sach toh yeh hai ... ki aadmi ke bheetar chupi apni hi koi kamzori hoti hai jiske kaaran woh bura banta hai

Pyar toh na bikne ki cheez hai, na khareedne ki cheez hai ... pyar toh sirf karne ki cheez hai