dialogues for show: Jeene Nahi Doonga

Tum Shaka ko zanjeeron ka jaal toh pehna sakte ho ... magar hamesha ke liye usse bandkar rakh nahi sakte

Aaj jee bharke mandir ke samne sar tek le ... iske baad yeh magroor sar na uthne ka kabil rahega na jhukne ke kabil

Likhne waalon ke kalam toot gaye lekin meri kahaniyan phir bhi poori na ho saki

Mujhe iska itna lahu bahana hai ... ki yeh safed ho jaye aur dharti laal

Zakhm teri chaati mein hoga ... aur khoon mere dil se bahega

Yahi toh kamaal hai mohabbat ka ... woh insaan ko zulm ke andhere kuye se nikalkar aasman ki us chaukhat tak pahuncha deti hai ... jahan suraj bhi roshni ki bheek mangne aata hai

Upar waale se dua maango ki duniya mein joh bhi toofan aaye sar se guzar jaye tumhare ... lekin is aandhi se tumhara paala kabhi na padhe

Waqt ki chakki mein ek din zameen aur aasman pis jayenge ... lekin mohabbat ka nagma goonjta rahega ... hamesha goonjta rahega

Hum yahan se door aur kahin upar behte hue taqdeer ke likhne waale ko nahi maante ... hum uska likhne waala kalam todh bhi sakte hai ... aur kalam se likhi hui taqdeer badal bhi sakte hai

Yeh toofan toh soo raha tha aman ke badalon ko apna takiya banakar ... isse jagaya bhi tumne hai aur uthaya bhi tumne

Tum bahut khush kismat ho ... joh aaj tumne Shaka ki sirf muskurahat dekhi hai ... maathe pe padhe huye woh bal nahi dekhe ... joh zindagi ke khet mein maut ke hal chala dete hai

Is ghar ko aag lag gayi ghar ke chirag se ... baat teri meri ban gayi tere dimaag se

Zindagi band ghar ka diya banke reh gayi hai ... joh na achchi tarah se jal sakta hai aur na hi poori tarah se bhujne mein aata hai

Laundiya bhi garam hai aur malai ki tarah naram hai

Insaaniyat inteqam nahi ... insaaf chahti hai, aman chahti hai

Pyar woh sachai hai jiski dor mein sari duniya bandhi hui hai

Duniya mein jeene ke sirf do hi tareeke hai ... ya toh aadmi deewaron ke neeche dab jaye ... ya phir deewaron se upar uth jaye

Barood tumhare andhar bhi bhara hai ... bomb mere seene mein bhi sulag rahe hai ... dhamaka jab hoga bade zor ka hoga

Aag se aag nahi bujhti ... naa hi zulm se zulm ka khatma ho sakta hai

Aaisi bahut si aandhiyan aayi aur chali gayi ... lekin koi is pahad ke seene mein chhed nahi kar saka

Aandhiyon ke darr se log apne hi diyon ko apni hi phoonkon se bhujane lagenge ... toh mohabbat ki duniya mein sirf andhera reh jayega

Zulm ki talwar jab bhi mayaan se bahar nikalti hai ... toh pehla khoon insaaniyat ka behta hai ... fasaad ki aag jahan bhi lagti hai ... usmein saare ghar begunahon ke jalte hai ... khoon ki Holi khelte toh hai dushman ... lekin rang mazloomon ke lahu ka bahaya jaata hai

Isaaniyat ka dhood pilane se saanpon ka zehar aur badhta hai

Is ghar mein us waqt tak koi khushi nahi ho sakti ... jab tak hum dushman ke ghar mein khushiyon ke chiragon ko gham ke andheron mein na badal de

Mere andhar joh toofan uth raha hai is waqt ... jee chahta hai duniya ke saare diye bhuja doon ... mere dil ke andhar joh chitta jal rahi hai is waqt ... usmein sirf tumhari hi nahi, iski laash bhi chahiye

Mohabbat ke sailaab ke samne har deewar toot jaati hai

Main teri itni botiyan karoonga ... ki aaj gaon ka koi bhi kutta bhookha nahi soyega