dialogues for Tag: Politics

Teen cheezein hamesha badalti hai ... jeevan ki paristithi, calendar ki tithi, aur rajneeti

Doosra gaal neta dikhate hai ... hum fauji nahi

Itni popularity toh hai ... PM, CM ka pata nahi ... MLA, MP toh ban hi jaunga

Bahut sare police wale jail gaye hai ... neta aur abhineta bhi ... nobody is above the law

IPS ka exam dekar police ban jaunga aur bina koi exam diye neta ... vikas karne par majboor mat kar beta ... aav jo

Aadhi roti khayenge, Indira ko layenge

Rajneeti mein sirf ek hi baat galat hai ... aur woh hai haar jaana

Desh ki taqdeer wohi badal sakta hai jiske paas yeh power hai ... political power

Politics ka bas ek hi anth hai ... vinaash ... maut

Izzat se jeene ka, kisi se darne ka nahi ... na police se, na MLA se, na mantri se, na bhadwon se, kisi ke baap se nahi darne ka

Politics mein rishtey nahi faiyde zaroori hote hai

Janta party nahi, leader follow karti hai

Gareeb ke liye upar aane ke sirf do hi raaste hai ... jurm ya politics

Aaj sabse badi power, muscle power nahi hai ... political power hai

Politics bhi pyar ki tarah hai ... dikhana aasaan hai magar nibhana mushkil

Politics bahut kuch deti hai ... paise, power, position, pehchaan ... magar bahut kuch le bhi leti hai ... aur issi lein dein mein insaan kabhi kabhi bahut door nikal jaata hai ... kabhi khud se aur kabhi apno se

Raajneeti mein seat jeetna joh hai woh bas pehla kadam hai ... bada aur mushkil kaam hai dil jeetna

Rajneeti mein jab apno ka samarthan khone lago ... toh padh tyaag dene mein hi bhalai hai

Yeh woh pradesh hai jahan joh metro banata hai woh chunaav haarta hai ... aur joh mandir banwata hai wohi jeet'ta hai

Kisaan beejh issi liye boohta hai taaki ek din fasal kaat sake ... aur rajneeti mein bhi bakra issi liye paala jaata hai taaki samay aane par uski qurbaani di jaa sake

Politics mein itna keechad hai ki us mein kamal nahi khilte ... sirf keede rhengte hai

Raajneeti mein jeetna bahut zaroori hai ... kyun ki haare huye log desh ki taqdeer nahi badal sakte

Rajneeti mein kuch sach nahi hota ... yehi iska sach hai

Power ka ek hi center hota hai ... aur woh center hota hai party president

Politics sher ki sawari hai ... ek baar utar gaye toh jaan se bhi haath dho behetoge

Politics mein ek cheez yaad rakhna ... sikka uchle ya na uchle ... keechad zaroor uchalta hai

Politicians aur diapers ko badalna chahiye ... nahi toh gandagi phail jayegi

Rajneeti bolo toh ek second ... socho toh ek minute ... seekh lo toh kuch din ... lekin rajneeti samajhne ke liye poori zindagi nikal jaati hai

Police aur neta is system ka woh hissa hai jinhe chheda nahi jaata ... lekin agar baat hadh se aage badh jaaye toh chhoda bhi nahi jaata

Modi ek insaan nahi ... ek soch hai

Har kisi ki khamoshi ke peeche zyada tar darr hota hai ... ya phir politics

Ek achhe neta ki apni bhasha hoti hai ... doosron ki zubaan nahi