dialogues for Tag: Shayari

Sari duniya ke gham humare hai ... aur sitam yeh hai ki hum tumhare hai

Chaman mein ikhtilat-e-rangoboo se baat banti hai ... hum hi hum hai toh kya hum hai ... tum hi tum ho toh kya tum ho

Naav toofan mein hai paar utarne ke liye ... hausla shart hai duniya se guzarne ke liye

Rakh liya kaleja chaaku ki dhaar par ... uff kaise jiye, aa gaya dil Sardar par

Mujhe tasalli de de joh, woh shabd udhaara dhoondh raha hai ... ek sitaara dhoondh raha hai .. dil saiyaara dhoondh raha hai

Hum yunhi zindagi bhar udna chahte the bharpoor ... par ghar walo ko hamari azaadi kahan thi manzoor

Yahan kisi ka kisi pe haq nahi hota ... jahan mohabbat hoti hai wahan shaq nahi hota

Hai koi jisse teri yaari na ho ... aadmi itna bhi bazaari na ho ... mujhse bhi hokar woh aage badh chuka ho ... dost bachke, ab teri baari na ho

Mehakte lafzon ko ghazalon mein dhaal sakta hoon ... main kagazon se bhi khushboo nikaal sakta hoon ... tu meri jeb mein rakhe huye kalam pe na jaa ... main waqt aane pe chaaku bhi nikaal sakta hoon

Zeest ke pech-o-kham, yeh gham uff kam nahi hote ... woh toh ho jaate hai woh, hum, hum nahi hote

Batwa ya aashiq hai, usse khwaish nahi noton ki ... is tijori mein jagah hai bas mehboob ke photo ki

Kisi bemulk riyasat ke nawab lag rahe hai aap ... khasir kharaab lag rahe hai aap

Dost, kareebi thi wajah, badnaseebi thi wajah ... woh joh aaj aake tere mere beech aa gayi ... tang haali haaye, meri gareebi thi wajah

Le liya jugnuo taaro se karza maine ... magar apne chaand ko hargiz nahi kharcha maine

Dard ne kuch aisa mujhe jinjoda, ki woh gali, woh mahulla, woh shehar chhoot gaya ... khatta yeh huyi ke toda ek masoom sa dil ... saza yeh mili ke rishta sabhi se toot gaya

Udaasi mein haste hai, khush ho toh rote hai ... yeh musafir mohabbat ke bade ajeeb hote hai

Bade ehtiyaad se rafta-rafta nikaalna hai ... bacha hai joh tujh mein mera hissa nikaalna hai ... nikaal laya hoon pinjre se ek parinda ... ab us parinde ke dil se pinjra nikaalna hai

Yeh khoon, yeh wafa, yeh dua khandaan ki ... keemat bahut badi hai purane makaan ki

Daur-e-ishq mein judaai ka gumaan bhi na tha ... uske haath ki mere paas koi tehreer bhi na thi ... sab poochte hai ke dikhne mein kaisi lagti hai woh ... uske saath meri koi tasveer bhi na thi

Main samundaron ka mijaaz hoon ... abhi us nadi ko pata nahi ... sabhi mujhse aake lipat gayi ... main kisi se jaake mila nahi

Tujhse mohabbat karna ae sanam meri zaroorat hai ... aur yeh tere is badnaseeb deewane ki deewaniyat hai

Tera pyar, pyar nahi teri zid hai ... jisse tu paar kar raha hai woh har hadh ki hadh hai ... mere dil mein tere liye mohabbat nahi, sirf nafrat hai ... tujhe tabaah joh kar degi woh is deewani ki deewaniyat hai

Agar tu dil todh bhi degi mera, toh har toota tukda tere liye dhadkega ... mera yeh ishq sirf chingaari nahi, aag bankar bhadkega

Tere liye mera pyar, tera bhi mohtaaj nahi ... yeh marte dum tak rahega, sirf aaj nahi

Is qadar vakif hai meri kalam mere jazbaaton se ... agar main ishq bhi likhna chahun, toh inquilaab likha jata hai

Kavi mann ke meet anek, phool panchi prakriti samet, woh har kisi ko apnata hai ... sangat ka woh swarthi nahi joh har mehfil ko sajata hai

Haathi, ghode, top, talwarein, fauj toh teri saari hai ... par zanjeer mein jakda raja mera ab bhi sab pe bhaari hai

Zid pe aamada hamara humsafar hai ... aas paas gundey, goliyan, gutter hai ... dil unke aage surrender hai ... jeena us hi ke saath umar bhar hai

Apne sabra aur yakeen ko roz badana padta hai ... cholay ko basanti aur iraadon ko faulaad banana padta hai ... yoon hi nahi hoti tirange ki hifazat ... desh bhakton ko apna khoon bahana padta hai

Anjaam ki fikr nahi karte woh joh doobe rehte hai aashiqon ki jannat mein ... janbaaz hote hai woh aashiq joh tabah ho jaate hai ishq, pyar, aur mohabbat mein

Sheeshay ke gharon mein rehne wale, chataano ko chunautiyan nahi diya karte ... nishaana chahe kitna bhi pakka kyun na ho, gulel se baaz kabhi mara nahi karte

Tu bura hai toh main bure logon ka nawab hoon ... tu bada hoke bighda hoga ... main bachpan se kharaab hoon