Dialogues from Movies for Parties

Apni hadh mein rehna seekh lo ... varna na toh yeh sarhad rahegi, na tum

Jab shareer kaakdi jaisa ho na, toh baatein Bheem wali nahi karni chahiye

Dushman te jeetan te badi veerta hai, apne mann ne jeetna

Tum ek maaroge toh hazar aayenge ... tum hazar maaroge toh poora Hindustan aayega

Ab hum sirf border paar nahi karenge ... hum border hi badal denge

Sari duniya ke gham humare hai ... aur sitam yeh hai ki hum tumhare hai

Josh agar galat jagah istemaal kiya jaaye toh bewakoofi hoti hai ... sahi jagah kiya jaaye toh bahaduri

Chaman mein ikhtilat-e-rangoboo se baat banti hai ... hum hi hum hai toh kya hum hai ... tum hi tum ho toh kya tum ho

Saheedon ke naam se darr nahi, josh aata hai

Training mein paseena jitna zyada bahega, jung mein khoon utna hi kam bahega

Naav toofan mein hai paar utarne ke liye ... hausla shart hai duniya se guzarne ke liye

Ek acha fauji banne ke liye sabse zaroori hota hai apne saathiyon se rishta ... koi bhi fauji kitna bhi kabil kyun na ho, woh akele jung nahi jeet sakta ... jung mein fauji ka sabse bada hathyar uski rifle ya tank nahi hota ... uska sabse bada hathyar hota hai pyar ... uske bhaiyon ke liye, apno ke liye, uske desh ke liye ... we do not fight for kings, we do not fight for leaders, we fight for our brothers, next to us ... jung mein jab dushman ki rifle tumhare seene pe tadi hogi ... us waqt jab tum peeche mudkar dekhoge ... toh tumhara saaya saath ho ya na ho, lekin tumhare yeh brothers saath mein honge ... we live as brothers, we bloody die as brothers

Taqatwar ko farak na padta ki pehla vaar kisne kiya hai ... kyun ki woh jaanta hai ki aakhri vaar wohi karega

Duniya ka koi bhi fauji jab jung mein jaata hai, toh apni bandook mein goli aur jeb mein barood rakhta hai ... lekin Hindustan ka fauji jab jung mein jaata hai, toh apne sar pe kafan aur dil mein tiranga rakhta hai

Awaaz kahan tak jaani chahiye ... Lahore tak!

Tum jahan se bhi ghusne ki koshish karoge ... aasmaan se, zameen se, samundar se ... samne ek Hindustani fauji khada paoge ... joh aankhon mein aankhen daalkar, seena thok ke kahega ... himmat hai toh aa, yeh khada hai Hindustan

Jung hathyaaro se nahi, jurrat se jeeti jaati hai

Hum puja bhale hi Ram ki kare, lekin tevar Parshuram ke rakhte hai

Bhale hi hamari tadaat kam ho sir, lekin taqat kisi se kam nahi hai ... yeh aasmaan hamara hai ... hamara hi rahega

Fauji ke liye border sirf nakshe par kheenchi huyi ek lakeer nahi hai ... balki ek vaada hai apne desh se ... ke jahan woh khada hai uske aage koi nahi jayega ... na hi koi dushman, na uski goli, aur na hi uska iraada

Tum humein kya haraoge ... arre tumhare Pakistan mein itne log nahi, jitne hamare yahan Eid par bakre kaate jaate hai

Fauji hoon, vapas toh aana hi hai ... ya toh jeetkar ya yaad bankar ... lekin aana zaroor hai

Bhaago, chupo, joh karna hai karo ... par main tum sabko dhoond nikalunga ... aur ek ek karke itminan se khatam karunga

Tum mujhe naam do main tumhe laash doonga

Death before dishonour ... service before self ... India first

Desh ke liye qurbaan hona ehsaan nahi ... ek haq hai

Agar ball mere paas hai aur main goal ki taraf daudunga ... aas paas koi hai jiske paas better shot hai, I promise I'll pass ... lekin goal ke paas pahunchkar main kisi ka intezaar nahi karta

Joh mard apni pasandeeda aurat ke liye qurbani na de ... woh mard, mard nahi hota

Koi bolta hai think about the future ... koi kehta hai past ke hisaab se chalo ... main maanta hoon, be in the moment

Maa baap ke saath aur aashirwad ke bina, koi bhi love story poori ho hi nahi sakti

Yeh ladkiyon ko laddu bahut pasand hote hai kya ... vaise tum log har jagah feminism ke jhande gaadhte rehte ho ... mardon se kandhon se kandha mila kar chalne ki baat karte rehte ho ... par chivalry ki expectations phir bhi rakhte ho ... ladies first, pulling out chairs, opening doors ... dono haathon mein laddu chahiye kya

Jab baat apno aur sapno mein chun'ne ki ho ... toh jeet hamesha apno ki hi honi chahiye