dialogues for cast:

Prem is prithvi ki amar bhavna hai ... prem jeevan deta hai aur jeevan is hi prem ki agni mein jalkar bhasma ho jaata hai

Zindagi ke ek modh par jaakar log aksar yehi sochte hai kaash ... zindagi phir se jeene mil jaati

Paisa, paisa ... sote ko jagaye paisa, rote ko hasaye paisa, kanoon banaye paisa, dharam ko nachaye paisa, barood bichaye paisa, sheharon ko jalaye paisa

Kisi bhi kahani mein ya upanyas mein ... apni zindagi ka anubhav aur tajurbe ka reflection dikhta zaroor hai

Yaadein anth mein kiska haath pakadkar jaati hai maloom? ... maut ka

Saala khud marna hai toh marr na ... doosre ki kaiko vaat lagata hai

Har koi subah nikalta hai soochke ki aaj kuch achcha hoga ... raat tak bas booch achcha beheta hai

Tu apne crore pe, main apne road pe ... maaze karenge

Saale teri aankhen bahut bolti hai ... gaali de rahi hai

Trailer aksar achcha hota hai ... film bakwas nikalti hai

Duniya mein sabse zyada respect karta hoon main apni ... aarti utaarta hoon roz khud ki

Aye chal aye Preity ... Zinta ho ja yahan se chal

Paanch dus pandrah crore paise ki koi fikar nahi hai ... image ... image ka falooda kar diya, vaat lagayi tune

Bhai mat bol ... emotional ho jaata hoon main

Tum log society ka kachra hai ... main society ka jamadar

Senior officers hai na mausam ki tarah hote hain ... badalte rehte hai

Hum sab system ka hissa hai ... system decide karta hai, apun follow karta hai

Hamere baad mehfil mein afsane bayan honge ... baharen humko dhoondengi, na jaane hum kahan honge

Is desh ke gaddaron ko anjaam tak pahunchana ... yahi meri zindagi ka maqsad hai

Pichle pachaas saalo mein hamare desh ne sirf mantri aur minister paida kiye hai ... ek neta paida nahi kiya

Hamare haathon mein itni hararat hai ... ki kisi bhi jism ko tarashkar Taj Mahal bana de ... aur unhi haathon mein itna barood thoosa hai ... ke mazboot se mazboot killay ko bhi todh de

Kaise bataon main tumhe mere liye tum kaun ho ... kaise bataon main tumhe mere liye tum dharam ho, mere liye imaan ho ... tum hi ibaadat ho meri, tum hi to chaahat ho meri ... tum hi mera armaan ho, takta hoon main har pal jisse tum hi to voh tasveer ho, tum hi meri taqdeer ho ... tum hi sitaara ho mera, tum hi nazaara ho mera ... yudhyan mein mere ho tum, jaise mujhe ghere ho tum ... purab mein tum, paschim mein tum, uttar mein tum, dakshin mein tum, saare mere jeevan mein tum, har pal mein tum, har chin mein tum ... mere liye rasta bhi tum, mere liye manzil bhi tum, mere liye saagar bhi tum, mere liye saahil bhi tum ... main dekhta bas tumko hoon, main sochta bas tumko hoon, main jaanta bas tumko hoon, main maanta bas tumko hoon, tum hi meri pehchaan ho ... kaise bataon main tumhe, devi ho tum mere liye, mere liye bhagwaan ho ... kaise bataon main tumhe mere liye tum kaun ho

Har koi degree diploma le, engineer banne koi zaroori nahi ... Gavaskar, Tendulkar, Zakir Hussain ko koi nahi poochta ... tumhari degree kya hai?

Ek fauji ke liye har lamha, har samna ... ek ladai hai

Auraton par kabhi yakeen mat karna ... mardon ke liye woh maut hoti hai ... kubool kare toh shohar banakar maarti hai ... thukra de toh deewana banakar

Chal lekar apni naav chale, chandan chandani ke gaon chale ... indradhanush ki behti dhara, uske paar teesra kinara ... is safar mein aur koi nahi, yeh safar hai bas mera tumhara ... ab kis dastak ka hai intezar, jab tumhe pukarta ho pyar aur samne ho sapnon ka sansar ... chal lekar sapnon ki naav chale, chandan chandani ke gaon chale

Kaise bataon main tumhe mere liye tum kaun ho ... yeh joh tumhara roop hai, yeh zindagi ki dhoop hai ... chandan se tarsha hai badan, behti hai jis mein ek agan ... yeh shokhiyan, yeh mastiyan, tumko hawaon se mili, zulfein ghataon se mili ... hooton mein kaliyan khil gayi, aankhon ko jheele mil gayi ... chehre mein simti chandni, awaaz mein hai ragini ... sheeshe ke jaisa ang hai, phoolon ke jaisa rang hai, nadiyon ke jaisi chaal hai, kya husn hai, kya haal hai ... yeh jism ki rangeeniyan, jaise hazaaron titliyan, baahon ki yeh golaiyan, aanchal mein yeh parchaiyan ... yeh nagriyan hai khwaab ki, kaise bataon main tumhe haalat dil-e-betaab ki ... kaise bataon main tumhe mere liye tum kaun ho

Destiny bahut beraham hoti hai ... yeh apne doston se mooh pherne par aur dushmanon se baat karne par majboor kar deti hai

Kaise bataon main tumhe mere liye tum kaun ho ... kaise bataon main tumhe tum dhadkanon ka geet ho, jeevan ka tum sangeet ho, tum zindagi, tum bandagi, tum roshni, tum taazgi, tum har khushi, tum pyar ho, tum preet ho, manmeet ho ... aankhon mein tum, yaadon mein tum, saanson mein tum, aahon mein tum, neendon mein tum, khwaabon mein tum ... tum ho meri har baat mein, tum ho mere din raat mein, tum subaah mein, tum shyaam mein, tum soch mein, tum kaam mein ... mere liye paana bhi tum, mere liye khona bhi tum, mere liye hasna bhi tum, mere liye rona bhi tum aur jaagna sona bhi tum ... jaaon kahin, dekhon kahin, tum ho wahan, tum ho wahin ... kaise bataon main tumhe tum bin toh main kuch bhi nahi ... kaise bataon main tumhe mere liye tum kaun ho

Yeh mera pasina nahi mera khoon hai joh pani bankar behta hai mere badan se

Ek khatmal poori raat ko apahij kar deta hai

Sau mein se assi beimaan ... phir bhi mera desh mahaan