dialogues for cast:

Keechri uttare huye zeharilay saanp ko dekhkar reham khana ... aur paschatap ka dhong rachane waale zalim ko maaf karna jurm hai

Jis tarah vidhata ka likha taqdeer koi nahi badal sakta ... us hi tarah suhagan ka mangalsutra bhi koi nahi todh sakta

Aapke chehre ko dekhne ke baad aate hue idea vapas chale jaate hai

Maa bhi bhagwan ne duniya mein ek nirali hi cheez banayi hai ... janam dene se lekar bete ki aakhri saans tak, har gadhi yeh hi kehti hai ... "jug jug jiyo beta, jug jug jiyo"

Daulat waalon se kabhi dil lagana nahi chahiye ... woh kapde aur gadiyon ki tarah dil bhi badalte rehte hai

Jeevan ek sapna hai, duniya ek maya hai ... yeh main nahi kehta hoon, yeh vedon ne bataya hai

Bhagwan sab kuch maaf kar sakta hai ... lekin ghamand maaf nahi kar sakta

Tumhare paas na sharm hai na sharmane waala dil hai

Tum insaan nahin balki ek chalti phirti tijori ho ... tumhare seene mein dil ki jagah noton ka bundle rakha hua hai

Main tumhe Kashmir se baghakar, Jammu mein girakar, Delhi mein uthakar, Bhopal mein ghumakar, Madras mein nachakar, Kanyakumari mein thokar maarkar ... Lanka ke samundar mein phek doonga

Maine jitni bhi taleem haasil ki, jitni bhi kitabein padhi hai ... un kitabon ki likhayi meri maa ki mehnat ke pasine se likhi hui hai

Kabhi kabhi toh lagta hai bhagwan bhi dhanwanon ki tarah gareebon ka saath nahi deta

Noton ki seedi par chadkar aakash ko choone ki koshish mat karna, warna gir jaoge ... itni chotein lagegi, ki agla janam lene ke baad bhi shareer zakhmi hoga

Do mithiyan galaan kar kudiye haske sadde naal ... arre saath khade hum dono lagte hai Sohni Mahiwal

Apne aadmiyon se kaho ke bandookein phenk de ... nahi toh goli chalegi Naagraj ... aur teri khopdi mein itna bada suraag ban jayega ... jiske andar naag apna bil banayega

Duniya mein sirf ek hi sambandh hai ... pati patni ka sambandh, joh jeete jee toot nahi sakta ... baki saare rishtey toh aasmaan mein badalon ki tarah hote hai ... joh hawa ek jhaunke se toot jaate hai

Bachpan mein baap ke kahe huye kadve shabd ... aane waali zindagi mein shakkar ghol dete hai

Main daulat ke maidaan mein gareeb zaroor hoon ... lekin imaandari aur sharafat ke maindaan mein bahut zyada amir hoon

Sher ke mooh ko jab insaan ka khoon lag jaata hai ... tab usse kisi aur janwar ke shikaar mein mazaa hi nahi aata hai ... issi tarah ek baar jurm ki kamai khoon mein utar jaaye ... toh halaal ki kamai khane mein mazaa hi nahi aata hai

Dukh aur sukh ki tarah galatiyan bhi aadmi ke muqadar mein likhi hoti hai ... galatiyan karke joh pachtata hai wohi insaan kehlata hai

Yeh rishtey toh pehda hone se pehle hi uparwaala muqadar ki kitaab mein likh deta hai ... us likhai ko badalna hamare bas ki baat nahi hai

(Kaun ho tum?) ... Zulm ke andhere mein kanoon ki roshni ko jalakar ... masoomon ko zindagi dekar ... zaalimon ko maut ki neend sulaane waala ... inspector Ranjit Kumar

Upar wala har kisi ki jodi duniya mein bhejne se pehle bana deta hai ... sirf yeh nahi batata ke kaun, kab, aur kahan milega

Swatantra Bharat ka nagrik hoon, krantiveer hoon, tanashahi ke liye talwar hoon, yam lok mazdooron ka sardar hoon

Tum jaisi patni pakar apni taqdeer ki aarti utaarne ko dil chahta hai

Aashiq ko apni mehbooba ki sab adayein pasand hoti hai ... aur mard ko apni biwi ki saadgi

Yeh botal hai na botal ... yeh duniya ki har sundar ladki se zyada khoobsurat hai ... poocho kyun ... kyun ki yeh dhoka nahi deti, chaalbaazi nahi karti

Nasha-e-meh maange ki cheez, iski bhi koi hasti hai ... josh-e-jawani kya kehna, masti apni masti hai

Aapke chehre par aaya hua gussa, jaise chand pe chahe huye chote se badal ki tarah ... aapka mann jal ki tarah nirmal ... aapka dil phool ki tarah komal ... aur aapka swabhav "aaahhhh"

Yeh mere do haath jab bhi uthenge pattharon ko tarashne ... yeh goonj har baar milan ka geet bankar sunai degi ... tumhe vishvas dilane ki tum mere paas ho, mere dil mein

Do akele mil gaye toh ek sansar ban jayega