dialogues for cast:

Jab do sher aamne saamne khade hoon ... toh bhediye unke aas paas nahin rehte

Ab hua malum aahon ka dhuan hota hai kya ... apne daaman mein lagi aag toh rota hai kya?

Ameeron se gareebon ki haddiyan toh chabayi ja sakti hai ... unke ghar ki roti nahi

Jis tarah se bomb mein aag lagte hi saat second ke andar barood phatke bahar nikal jaata hai ... ussi tarah se Shambu saat dino ke andar jail ki char deewari se bahar nikal jayega

Doosron ko maarkar jeena koi gaurav ki baat nahi ... magar khud ko maarkar kisi aur ke liye jeena hi jeena hai

Hazar bura aadmi burai ka rasta akhtyar kare toh itna khatarnak nahi ... lekin jab ek achcha aadmi burai ka rasta akhtyar karta hai na ... toh burai ka seena bhi kaanp uthta hai

Marne waala chahe apne aap ko lohe ki deewaron mein bhi band karle ... bach nahi sakta ... aur jeene waala chahe lakhon goliyon ki bauchaar se guzar gaye ... mar nahi sakta

Aaj ke baad main tujhe kahin bhi, kabhi bhi, kissi bhi waqt maar daloonga

Insaan ko insaan ka hi kaam karna chahiye ... bhagwan ka nahi

Tere gande shareer se ... teri paapi aatma ko mukt kar doonga

Daulat aapke is ghar ke nizaam ko zaroor badal sakti hai ... lekin vidhi ke vidhan ko nahi badal sakti

Mohabbat ke liye mahalon ki nahi ... dilon ki zaroorat hoti hai

Main tumhare jism ke har ang ko apni mohabbat ke sone se sajja doonga

Gareeb sapne zaroor sajja sakta hai ... magar usse poora nahi kar sakta

Maine tumhari tarah dikhave ke liye sharafat ka chola nahi audh rakha hai ... balki farz ki vardi pehani hui hai aur is vardi ka daaman saaf rakhne ke liye main apna khoon tak baha sakta hoon

Zehar ko amrit banaya jaa sakta hai ... lekin aaise insaan ko dus janam tak insaaniyat ka sabak sikhane ke bawajood ... insaan nahi banaya jaa sakta

Kanoon saboot ki nazaron se dekhta hai ... aur gawah ki zubaan ko samajhta hai aur sunta hai

Main tujhe apne nange haathon se maaronga aur woh anjaam doonga ... ki marne se pehle tera dil phat jayega ... aankhen pathrane se pehle bahar nikal aayengi ... cheekte cheekte tere halak ki awaaz sookh jayegi

Kisi ka maara hua shikaar khana mera usool nahi ... aur maal ko baantkar lena mera pesha nahi

Main aandhi hoon joh ek hi saans mein hawa ka rukh badal deti hai ... yehi aandhi tumhe tinke ki tarah udhake maut ke ghat tak pahuncha degi ... aur woh ghat itna sookha hoga ki marte waqt joh tum pani maangoge ... toh tumhe pani ki boond bhi naseeb nahi hogi

Aaj ke baad humri bahen ko aaisa ungli se bhi chua na ... toh saala maar maarke, maar maarke tumra pura hadi pasli hum todh doonga ... aur aaisa todhonga saala ki duniya ka kauno haspatal mein tumra ilaaj nahi ho sakega

Kuch baatein patthar ke lakeer se zyada gehri hoti hai ... patthar toot jaata hai lekin lakeerein nahi mitne paati

Aaj humne tarakki ka pehla seedhi par kadam rakh liya hoon ... aur bahut jaldi itna oonchai pe pahunch jaonga ... ke humko dekhne ke liye tumko aakash ka baadal hatana padega

Aaj hum iska boti ka tukda tukda karke ... iska khoon ka ek ek boond choos loonga

Aankh se kajal wohi nikaal sakta hai ... joh aankhon mein basa ho

Kamal keechad mein rehta hai ... lekin chadaya bhagwan ke charano mein hi jaata hai

Pehli galati maaf kar deta hoon ... doosri bardaash nahi karta

Aaj kal joh jitni zyada namak khata hai ... utni hi zyada namak haraami karta hai

Insaan ke yeh do haath sirf do haath nahi hote balki uski poori zindagi hoti hai ... inhi do haathon se woh roti kamata hai, roti pakata hai aur roti khata hai

Jab tak yeh daulat sirf chand mutthi bhar logon ke haathon mein talwar bankar rahegi ... tab tak khudgarzi zinda rahegi

Samundar ko reghistan mein badalna aur inquilab ki samadhi banana ... kisi ke bas mein nahi hai

Agar baazuon mein imaan ki taqat, dilon mein sachai aur zubaan pe "Inquilab Zindabad" ka naara hai ... toh zindagi ki har maqsad hamare kadamon mein hoga