dialogues for cast:

Sone ka bhav bhi biwiyon ke mijaaz ki tarah chadta jaa raha hai

Main aadmi ke dimag ko bhi kaabu mein kar sakta hoon ... uske baad koi bhi aadmi kutte ki tarah dum hilakar mere ishaaron par chalne lagta hai

Apne dushman ko maarna hai toh usse ussi ke hathyaar se maaroo

Aurat ki zindagi doodh ki tarah hoti hai ... jisko ek zara se namak ki dali bhi bekaar kar deti hai

Yehi ache aadmi ki nishaani hai ... ke duniya chahe usse kaanton mein dhakel de ... woh wahan bhi phool hi khilata hai

Koi bhi insaan janam se bura nahi hota ... pyar ki kami, galat saathi aur bura mahool insaan ko gumrah kar dete hai

Pati par shak karna bhagwan par shak karne ke samaan hai

Kisi ke sar par tel ki handi phoote ... magar kisi ki kismat na phoote

Jab ek policeman khada ho jaata hai ... toh sau chor chup jaate hai

Jab pyar milta hai na ... toh koi bhi bandhan bura nahi lagta

Jab miya bibi raazi, toh kya karengi maaji?

Ishwar sab ko dhokha de sakta hai lekin maa ke dil ko nahi

Gadhi ki sui aur juae ki baazi ... kabhi nahi rukni chahiye

Aurat ke gusse aur khoobsurati mein kamaal ka connection hai

Tumhari mehfil se agar jaan bach bhi gayi, toh hum kisi doosri bazm mein shikaar honge ... is liye humne tay kiya hai, ki hum tumhari hi khatir jaan denge

Apne haathon se sawara hai tumhe kudrat ne, dekhkar dekhte reh jaane ko jee chahta hai ... noor hi noor chalakta hai haseen chehre se, bas yahi sajde mein gir jaane ko jee chahta hai ... mere daaman ko koi aur na chhu payega, tumko chhukar yeh kasam khane ko jee chahta hai

Duniya ek circus hai aur insaan ek kalabaaz hai

Duniya mein sadaa rehne ko aata nahi koi ... tum jaise gaye aaise bhi jaata nahi koi ... kyun marke bhi honthon pe hassi khel rahi hai ... sab jaante hai aur batata nahi koi ... dil pehle hi darta tha ki jal jayega daaman ... daaman se amar deep bhujata nahi koi

Mere bahadur saathiyon ... nikal aao bahar aur laashon se bhar do is shehar ko ... jala do, raakh kardo, ek bhi zinda na rahe

Apun ke dhande mein aadmi ko dhande se nahi pehchanta ... lekin uska kaam karne ke style se pehchanta hai

Main tumhari parchai nahi ke halaat ke andhere mein tumhe chhodkar ... roshni dhoondti hui kahin aur chali jaon

Bade log badtameezi bhi karte hai toh badi hi ... choti nahi

Lala ka byaz ... paapi ki umar ki tarah badhta hi chala ja raha hai

Agar mera beta marr gaya ... toh teri is dharti par mere bete ki maut nahi ... sachchai aur nyay ki maut hogi

Ek hi saf mein khade ho gaye mahmood-o-ayaz ... na koi banda raha aur na koi banda-nawaz

Is pistol ki goli se tumhare maathe par ek teesre aankh bana doonga

Arre kha le na yaar, kha le ... khali pet toh bhagwan ka naam bhi pet mein dard karta hai

Main zindagi mein kadve se kadva sach bardaash kar sakta hoon ... lekin meethe se meetha jhoot nahi

Yaad rakhna bahut aasaan hai ... lekin bhoolna bahut bahut mushkil hai

Kanoon ke raaste mein agar koi aaye toh kanoon nahi tootna chahiye ... chahe rishtey toot jaye

Sache insaan ko aag jala nahi sakti ... talwar kaat nahi sakti ... aur sache insaan ko zindagi ki takleefein rula nahi sakti

Jab ek musalman apni haan par utar aata hai ... toh bade se bade shaitan ka muqabla kar leta hai