Dialogues from Movies for Parties

Aan ke samne jaan ki keemat kuch bhi nahi

Jis tarah reghistaan mein pyasa, ek ek boond pani ke liye tadap tadapkar apna dum todhta hai ... ussi tarah Fateh Khan hamare inteqam se tadap tadapkar apni ek ek saans todega

Sher Khan woh heera hai, joh gale se lag jaaye toh haar hai ... aur gale se utar jaaye toh talwar hai

Duniya hum mein kehti hai Salman Khan ... hum aapko kis naam se pukarein meri jaan?

Beti ke rishtey kaanch ka khilona nahi hote ... jinse dil bahel gaya aur todkar ghar ke bahar phek diya

Jab hamari tarah pachpan ke ho jaoge ... toh aaisa bachpan ka sawaal nahi karoge

Sabse pehle apni akad aur apni zid ki jhadon ko aag laga ... varna dukhon ke aaise badal mandrayenge ... ke is ghar mein aasoonyon ke sailaab aa jayenge

Talwaron se khelne waale motiyon se khelne lage ... toh unki taqaton ko zung lag jaata hai

Hamare dil mein chupe nafrat ke angaaron aur hawa na de ... varna tu is aag mein jalkar raakh ho jayega

Joh khoon peena jaante hai ... woh aasoon bhi pee jaate hai

Ek pahaad ka naam hai Sher Khan ... aur pahaad na kisi ke samne chalkar jaate hai ... na kisi ke samne jhukte hai

Ek baar aasman se giri hui bijliyan vapas laut sakti hai ... toofan apna rukh badal sakta hai ... lekin is Sher Khan ka faisla kabhi nahi badal sakta

Apne guroor ko zinda rakhne ke liye ... hamari masoom mohabbat par apni dushmani ka aaisa koi kila mat bandiye ... jiski buniyaad aapko khoon ki nadiyon par rakhni padhe

Awaaz toh teri ek din main neechi karoonga ... sher ki tarah garajne waala ... billi ki zabaan bolega

Anjaam unka wahi hoga joh tu chahta hai ... lekin hoga vaise jaise hum chahte hai

Apan jab se pehda hua hai ... tab se yeh sadak hi apna ghar hai aur yeh footpath hi apna bistar

Main wapas zaroor aaonga ... aur uss din aakhri baar teri photo chapegi ... zinda nahi murda

Dil mein jab dard zyada bhad jaata hai ... insaan kabhi kabhi us hi mein doobkar marr jaata hai

Taqdeer banane waale tune kami na ki ... ab kisko kya mila yeh muqaddar ki baat hai

Falak ke teer ka kya dekh nishana tha, udhar thi bijli idhar mera aashiana tha ... pahunch rahi thi kinare pe kashti-e-umeed, us hi waqt is toofan ko bhi aana tha

Kabhi kabhi dil ke paimane mein khushi itni badh jati hai ... ki khud ba khud aasoon ke cheetay bankar jhalak jati hai

Badi muddat se mere dil mein ek tasveer behti hai ... teri zulfon ke chao mein meri taqdeer behti hai

Woh log bhi is duniya mein nahi rahe ... joh dharm ki deewar khadi karke pyar ke aade aaye

Zindagi complications ka combination hai

Bhagwan ke prasad ko na karna paap hai

Agar pati achcha na ho, toh aulad ke bharose jee sakte hai ... aur agar aulad galat raaste par chalne lage, toh pati ke bharose jee sakte hai

Kutte ko darwaaze ke bahar hi baithna chahiye ... aur aadmi ko ghar ke andar hi

Gussa karne wali maa se gumrah karne wala baap kabhi bada nahi hota

Gareeb ko sirf roti ka sapna dekhna chahiye ... pyar ka nahi

Pyar puja ke barabar hota hai

Wafaadari ke liye bhale hi kutta paal lo ... magar policewaalon se rishta mat jodo

Suspended police officer ki position ... izzat looti aurat ki tarah ho jaati hai