Dialogues from Movies for Parties

Din ke waqt toh phool achche lagte hi hai ... magar chandni mein dekhiye toh yun lagta hai ... jaise nanne nanne shokh farishtey door ke dariya mein tairte phir rahe ho

Main kisi se nahi darta ... main zindagi se nahi darta, maut se nahi darta, andheron se nahi darta ... darta hoon toh sirf khoobsurati se

Jab dil se dil ki shaadi hoti hai na ... toh us mein na baraatiyon ki zaroorat hoti hai na kisi aur cheez ki ... us mein tamannao ki baraat nikalti hai aur khushiyon ki

Jab kashti jawani ke kinare par aa jaye ... toh wahan aadmi nayi awaazon se pyar karne lag jaata hai ... wahan usse shaadi ke baaje sunai dete hai ... phir usse pichle kinare ki awaazon ka khayal nahi karna chahiye

Zindagi aur waqt ka dariya aaisa hai ... aadmi ek baar usse laang jaye toh phir kabhi vapas nahi aa sakta

Duniya mein asli shanti kisi ke sache pyar mein hi mil sakti hai ... uske bagair duniya jise shanti kehti hai, woh shanti ek thakan hai ... shakast ya maut ka doosra naam hai

Bastiyan aur khazane lootne waale ... dilon ko nahi loot sakte

Aag se aag thandi nahi hoti, pani se hoti hai ... andhere se andhera door nahi hota, ujaale se hota hai ... bhair, bhair se nahi mitta, prem se mitta hai

Sangeet hridhay se hridhay ka sambandhit hota hai ... atma ko ooncha uthata hai ... bhair ko prem mein badal deta hai

Tumhare bagair meri sargam adhoori hai, mere geet adhoore hai ... tum hi mera sangeet ho

Tansen ki shikast mein sangeet ki jeet chupi hui hai

Sangeet seekhne ke liye hridhay mein prem paida kar ... doosron ka dil dukhane ke badle, apne dil mein dard pehda kar

Beete dino ki yaad khud hi mitt jaati hai ... usse mitane ki zaroorat nahi padti

Meri nazaron ki gehraiyon mein tumhe wohi aankhen dikhai degi ... jinhe dekhne ke liye tum taras rahe ho

Aaj abhi chand nahi nikla ... lekin is waqt aapne meri amavas ki raat ko poonam ki raat bana diya

Mitti ka gaar toot ke judh sakta hai ... par yaad rakhna stree ki laaj ka seecha ek baar toot jaaye, toh kabhi nahi judh sakta

Dil kanoon ko nahi maanta ... kisi kanoon ko nahi maanta

Joh ek baar apradhi ban jaye woh phir kabhi sharif nahi ban sakta ... chahe kitna hi bhes kyun na badle

Qatal karne ke liye bhi himmat chahiye

Sharifon ki aulad hamesha sharif hoti hai ... aur chor daaku ki aulad hamesha chor daaku hoti hai

Import export ka matlab hai idhar ka maal udhar aur udhar ka maal idhar

Insaaf karte waqt har doosre rishtey ko bhool jaana padta hai

Bas yahi toh hamare naye samaaj ka kamaal hai ... joh chor ho, doosron ke jeb kaatte hai, public ki aankhon mein dhool daalte hai, mere jaisa patla suit pant pehente hai ... unhe hum sharif samajhte hai ... aur joh imandaari se, mehnat mazdoori karke pet paalte hai, phate purane kapde pehente hai ... unhe chor daaku awaara samajhkar dhar liya jaata hai

Naukri nahi milti bas, varna do time khana khane ki fursat nahi hai

Ghazab ki neend hai, zalim shabaab soya hai ... chaman ki godh mein jaise gulaab soya hai

Duniya mein sab kuch ho sakta hai ... bani huyi kismatein bighadti hai ... aur bighadi huyi kismatein ban jaati hai

Bhook se aadmi mar jaata hai ... lekin bheek se aadmi ki izzat mar jaati hai

Prem ke phal ka mazaa kadva zaroor hota hai ... lekin tazir meethi hoti hai

Judai teri kisko manzoor hai ... zameen sakht hai, aasman door hai

Neend uski hai, dimaag uska hai, raatein uski hai ... jiske baazu par teri zulfein pareshan ho gayi ... dil dhoondta hai phir wohi fursat ke raat din ... behte rahen tasawur-e-jana liye hue

Baazi haar dene ka naam haar nahi hota ... himmat haar behetneka naam haar hota hai

Ameeri aur gareebi toh jeevan ki dhoop chhaon ka naam hai