dialogues for Tag: Romance

Kuch adayein ho, kuch tevar ho, kuch jalwe ho, kuch toofan ho ... jis mein tum ho aur hum ho, hum ho aur tum ho

Mohabbat sirf ek se hoti hai

Mohabbat mein kabhi aisi bhi halat paayi jaati hai ... tabiyat aur ghabrati hai jab behlayi jaati hai

Jab pyar kisise hota hai toh dil ki uljhane aur bhi badh jaati hai

Maqsad-e-ishq ka dekha hai nirala dastoor ... ki hum fail huye, jab humne sabak yaad kiya

Mohabbat karne waalo ka bas itna hi hai afsana ... tadapna chupke chupke, aah bharna, ghutke marr jana

Main tumhari aankhon mein apni mohabbat ka ikraar dekhna chahta hoon

Phool toh murjha jaate hain ... lekin kaante daaman thaam lete hain

Mohabbat humne maana zindagi barbad kar deti hai ... yeh kya kam hai ki marr jaane pe duniya yaad karti hai

Mohabbat joh darti ho woh mohabbat nahin ... ayyashi hai, gunaah hai

Taqdeerein badal jaati hai, zamana badal jaata hai, mulkon ki tarikh badal jaati hai, Shahenshah badal jaate hai ... magar is badalti hui duniya mein mohabbat jis insaan ka daaman thaam leti hai ... woh insaan nahi badalta

Pyar duniya ki sabse khoobsurat sachai hai

Pyar ek jazbe ka naam hai joh insaan ke mann mein hota hai

Kahan hai woh ladki jiske daaman mein mooh chupakar insaan sari duniya ko bhool sake ... kahan hai woh ladki jise dekhkar mann bol uthe, is paar yeh madhu hai, tum ho, us paar na jaane kya hoga ... kahan hai woh ladki jise dekhte hi yeh mehsoos ho, ki jise main janam janam se dhoond raha hoon woh yahi hai ... kahan hai woh ladki jiske baare mein Tagore ne kaha tha, teri neeli aankhen ek gehri jheel ki tarah hai, jee chahta hai main un mein doob doob jaon ... kahan hai woh ladki joh mere saath sagar ki machalti lehron mein kood padegi, kahan hai woh ladki joh mere saath jayegi

Mohabbat kisi ke kehne se nahi ki jaati aur na kisi ke hukum se todi ja sakti hai

Aa dil se dil mila le, is dil mein ghar basa le, aaja gale laga le ... o rasiya, mann basiya, dil mila le, dil mila le

Dil ki chupi umangon ko mat band rakho kabhi taalon mein ... lo hothon ki pyaas bhuja lo, nasha jhalakta pyaalon mein

Nasha hai angoori aankhon mein ... nasha gulaabi gaalon mein ... arri haseena, nasha kahan hai in mitti ke pyaalon mein

Khoob parda hai ke chilman se lage baithe hai ... saaf chupte bhi nahi, samne aate bhi nahi

Akhiyan bhool gayi hai sona ... dil par hua hai jadoo tona

Tum aa rahi ho zamane ki aankh se bachkar ... nazar jhukaye hue aur badan churaye hue ... khud apne kadamon ki aahat se jhebti, darti ... khud apne saaye ki jumbish se khauf khaye hue

Yahi hai zindagi apni, yahi hai bandagi apni ... ki unka naam aaya aur gardan jhuk gayi apni ... na bhut khane ko jaate hai, na kaabe mein bhatakte hai ... jahan tum paon rakhte ho, vahan hum sar patakte hai ... hum ishq ke maaron ka itna hi fasana hai ... rone ko nahi koi, hasne ko zamana hai

Tareef us khuda ki jisne jahan banaya ... unko haseen banakar mujhko jawan banaya

Is waqt agar duniya bhar ki sab khoobsurat ladkiyan milkar bulaye ... toh bhi main tumhe chhodkar jaane ke liye tayaar nahi hoon

Jab hum chale toh saaya bhi apna na saath de ... jab tum chalo zameen chale, aasmaan chale ... jab hum ruke toh saath ruke shaam-e-bekasi ... jab tum ruko bahaar ruke, chandni ruke

Tumhari chhaya mein main kadi se kadi dhoop sehan kar loongi

Duniya bahut bada hai ghera ... kahin na kahin toh hoga mera

Mohabbat ki ek manzil nahi hoti

Tere golden face ki beauty ne mere gentle heart ko loot liya ... teri zulfon ke net mein faskar maine night sleeping chhod diya

Duniya ki har jagah mohabbat ki nigahon mein pyari hoti hai

Aankh jhukakar baithne waale, aankh uthakar dekh zara ... hum bhi hai tere chahne waale, teer chalakar dekh zara

Kabhi tera dar, kabhi darbadar, kabhi arsh par, kabhi farsh par ... arre gham-e-aashiqui tera shukriya, main kahan kahan se guzar gaya