dialogues for cast:

Sabse pehle apni akad aur apni zid ki jhadon ko aag laga ... varna dukhon ke aaise badal mandrayenge ... ke is ghar mein aasoonyon ke sailaab aa jayenge

Talwaron se khelne waale motiyon se khelne lage ... toh unki taqaton ko zung lag jaata hai

Joh khoon peena jaante hai ... woh aasoon bhi pee jaate hai

Ek pahaad ka naam hai Sher Khan ... aur pahaad na kisi ke samne chalkar jaate hai ... na kisi ke samne jhukte hai

Ek baar aasman se giri hui bijliyan vapas laut sakti hai ... toofan apna rukh badal sakta hai ... lekin is Sher Khan ka faisla kabhi nahi badal sakta

Yahan gaddari ki sazaa sirf maut hoti hai ... maut

Chinta aur chitta mein sirf ek bindu ka farak hai

Maut sabse halki sazaa hoti hai

Maut aur badnaseebi do hi aisi cheezein hai ... joh bagair khabar kiye aate hai

Yeh woh danda hai joh badan pe pade toh chamdi phatti nahi hai ... dard haddiyon tak ghus jaata hai

Iski laash ke itne tukde banenge ... ki rone waala yeh bhi samajh nahi payega ki kis tukde ko pakadkar roye

Mohabbat ho ya jung ... do hi cheezein jeeta sakti hai ... ek rokda aur doosra danda

Har daulat ke peeche koi na koi jurm hota hai ... aur jab tak jurm nahi karta na koi lakhpati banta hai, na crorepati

Apna ussool kehta hai ... daayen haath se jurm karo ... baayen haath ko pata bhi na chale

Apna ussool kehta hai ... har galati ki saza maut hai ... sirf maut!

Apna ussool kehta hai ... jab dushman ki umar badh jaaye toh usse dosti karlo ... apni umar badh jaati hai

Kamzor ki dosti ... taqatwar ke vaar ko kam kar deti hai

Agar aaisa ho gaya toh apna khopdi phir jayega ... aur tumhara mundi kat jayega

Apna ussool kehta hai ... agar fayda ho toh jhoot ko sach maan lo ... dushman ko dost bana lo

Galati toh har insaan se hoti hai ... par maafi ka asli haqdar wohi hota hai joh galati karke pachtaye

Chahe insaan ki gardan ho ya telephone ka taar ... katne mein zyada waqt nahi lagta

Mera naam hai Mahakaal ... Kali ka pujari hoon main ... libaz bhi kaala, dhanda bhi kaala aur dushmanon ko joh kafan pehnata hoon uska rang bhi kaala

Tum mujhe giraftar toh kar sakte ho magar sazaa nahi de sakte ... jis din maine tujhe giraftar kar liya na ... us din kanoon bhi mera hoga aur sazaa bhi meri

Jaise sher ki aankhon mein dekhkar uska shikaar apni jagah se hil nahi sakta ... waise hi mere dushman meri izaazat ke bagair kahin nahi jaa sakta

Rishte sirf teen hote hai ... ek roti ka bhook se, doosra dosti ka dushmani se aur teesra zindagi ka maut se

Hum khatron ko paalte nahi, khatam kar dete hai

Joh kaam rishwat se na ho ... daan punya se ho jaata hai

Jab doosra koi kaam kar raha ho toh beech mein dhakal dena badtameezi hoti hai

Business mein main dosti nahi paala karta

Duniya mein joh aadmi jitna zyada chanda deta hai ... log usse utna hi sharif aur imaandar samajhte hai

Jis tarah cigarette peene ke baad tukde ko phek diya jaata hai ... uss hi tarah kaam khatam ho jaane ke baad chamcho ko khatam kar deta hai Shera

Zameen aur aasman ke beech jitni bhi cheezein hai ... mujhe dekh kar unki rooh fanaa ho jaati hai ... aag ghabrakar baraf ho jaati hai ... aur baraf ghabrakar pani