dialogues for cast:

Ram se bacha na Ravan, Krishna se bacha na Kans ... mujhse kya bachega Thakur, tu aur tera vansh

Hamare ek ishare par hawa bhi rukh badalti hai ... mere tinke bhikere joh, jahan mein kiski hasti hai

Tum jaise gaddaron ka anth ek alag andaz se hoga

Joh markar zinda hote hai ... unki zindagi haramzadi ho jaati hai ... joh na aasani se marti hai aur na hi kisiko aasan maut maarti hai

Maut ka sadma toh insaan bardasht kar leta hai ... lekin jab koi apna kho jaata hai toh usse paane ki tadap ko bardasht nahi kar paata

Woh khudgarz joh jung chahte hai unka kuch nahi jaata ... tabah toh woh log hote hai ... jinki subah roti ki talash mein shuru hoti hai aur raat thakaan ke bistar par

Koi bhi apni jagah se ek kadam bhi nahi hilega ... varna kadam baad mein rakhoge jaan pehle jayegi

Apne aadmiyon se kaho bandookein phek de ... varna tumhari arthi par rone ke liye koi bachega nahi

Is daari ki safedi pe mat jao janam ... tel toh abhi itna baki hai is dil ke andhar ... ki Bambai ka samundar sharma jaye

Tum is desh ke un naujawan mein se ho ... joh uthe toh aasman ko muthi mein lele

Surya purab ke bajaye paschim se nikal sakta hai ... reghistaan mein phool khil sakte hai lekin woh ... kabhi nahi hoga joh tum chahte ho, understand!

Kisi bhi desh ki suraksha bandookon aur topon se nahi ki jati ... aur nahi atom bomb aur machine gunon se jung jeeti jati hai ... jung jeetta hai insaan mazbood iraadon se

Tumhari territory sirf char foot ki hai, joh is shehar se shuru ho karke issi shehar mein dum todh deti hai ... lekin hum army waalon ki territory Himalaya ki bulandi se shuru hokar Ganga sagar ki kok tak jati hai

Main chahta hoon Hindustan ka har aadmi jiye toh sher ki tarah jiye ... varna pehda hote hi marr jaye

Khuda ke karam se, ishwar ki krupa se aur public ki demand se

Kauva agar Kashi bhi ho aaye toh bhi "kav-kav" hi karega ... "Ram-Ram" nahi

Joh log apna pasina bahakar desh ka muqadar banate hai ... unke bachche toh rotiyon ke liye taraste hai ... aur tum log joh kursiyon par behetkar desh ke muqadar ka faisla karte ho ... apne aulad ki shaadiyon mein karodon rupai lutate ho ... kahan se aati hai daulat?

Sachai dimaag ka darwaza khat-khatati toh hai magar uski dastak sunai nahi deti

Zabaan kabu mein rahe toh zabaan rehti hai ... bekabu ho jaye toh kataar bankar ki masoom begunah ka seena cheer sakti hai

Raajneeti ka zehar, dharam, jaati aur basha ka glucose bana karke do kaumon ki ragon mein bhar dete ho ... aur phir apne mahalon mein behet karke janta ki khoon ki holi ka tamesha dekhte ho

Maut ho aaisi jisse sara zamana yaad kare ... yun toh aate hai sabhi is duniya mein marne ke liye

Insaaf bik raha hai, emaan bik raha hai ... bazar sa laga hai, samaan bik raha hai ... is Ram ki dharti par Ravan ka raj hai ... kanoon thak chuka hai, napunsak samaaj hai ... har modh par yahan toh insaan bik raha hai ... bazar sa laga hai, samaan bik raha hai ... noton ke naam par, kahin voton ke naam par ... tirthon ke naam par, kahin dharamon ke naam par ... lag rahi hai boliyan, bhagwan bik raha hai ... bazar sa laga hai, samaan bik raha hai ... manavta lut rahi hai, khamosh hai vidhata ... dharti par badte paapon ko mitaane ... janam kyun nahi leta koi mrityudaata

Ek baar ghulami se peecha chhudaya tha hamare buzurgon ne ... toh kya aaj hum phir ghulam ban jayenge? ... chand aaise gaddar netaon ke haathon mein desh ki bhaag-daur ko saunp denge ... jinki gaadiyan bullet-proof, kapde daag-proof, kaan sound-proof aur aankhen sharam-proof? ... bolo, jawaab do!

Ek baar jab rishtey kho jaate hai ... toh woh dhoondne se bhi nahi milte

Jahan kanoon ke haath pahunchne mein der ho jaye ... wahan kanoon ki laat pahunch jaya karti hai

Uthho jawaan-e-watan, bandhe huye sar se kafan ... uthho dakkhan ki aur se, Gang-o-Jaman ki aur se ... Punjab ke dil se uthho, Satluj ke sahil se uthho ... awaaz do hum ek hai, hum ek hai, hum ek hai

Jin musafiron ki manzilein alag alag ho jaye ... woh saath saath nahi chala karte

Sar zameen-e-Hindustan, as-salaam alaykum ... mera naam Badshah Khan hai ... ishq mera mazhab, mohabbat mera imaan ... mohabbat, jiske liye Farhad ne pahadon ka seena cheer kar dhood ka dariya baha diya ... mohabbat, jiske liye Majnu ne seharaon ki khaakh chaani ... ussi mohabbat ke liye Kabul ka yeh pathan sar zameen-e-Hindustan se mohabbat ka khair maangne aaya hai ... aazmayish kadi hai, imtihan mushkil, lekin hausla buland ... jeet hamesha mohabbat ka hua hai ... sadiyon se yehi hota aaya hai, yehi hoga ... khuda gawah hai!

Mere haath lohe ki zanjeer se nahi ... dosti ke dhaage se banda hai

Chuha sher ka mooch ke baal se khelne ka himmat tabhi karta hai ... jab sher lohe ka zanjeer mein jakda hua ho

Jahil ki baaton ka jawaab ... khamoshi hota hai

Itna mat sooch ... sooch gehri ho jaaye ... toh faisle kamzor ho jaate hai