dialogues for cast:

Aayenda kabhi aaisi harkat ki ... toh bina khaal ke gadhe ki tarah saare sansar mein ghoomte hue nazar aaoge

Zulm aur atyachar se tum mere shareer ko khatam kar sakte ho ... lekin insaaf aur nyay ke liye pukarti hui meri aatma ki awaaz nahi daba sakte

Vishvas ek bahut hi nazuk sheesha hota hai ... ek baar toot jaye toh dobara judta nahi

Apradh agar pataal ke andheron mein bhi chup jaye ... toh bhi sazaa peecha karte hue wahan pahunch jaati hai

Police ki naukri karne ke liye jigar ispat ka aur badan faulad ka banana padta hai

Insaan ke bheetar se shaitan janam leta hai ... wafaadar ke khoon se baaghi pehda hota hai

Bachpan ki buri aadatein aur buri baatein insaan ko bura bana deti hai

Ungliyaan kaant dene se haath nahi kat jaata

Kachre ke keede ko maarne ke liye Flit bazaar mein milta hai ... magar paap ke keede ko maarne waala Flit saala bana hi nahi hai aaj tak

Aaisi maut marenge ... ki ek baar maut ko bhi paseena aa jayega

Is duniya mein do tarah ka keeda hota hai ... ek woh joh kachre se uthta hai ... aur doosra woh joh paap ki gandhgi se uthta hai ... kachre waala keeda insaan ko beemar kar deta hai ... magar paap ki gandhgi ka keeda saare samaaj ko beemar kar deta hai

Mamta ki koi zaban nahi hoti ... naa hi pyar ki koi tasveer hoti hai

Aainda kisi gareeb par haath uthane ki koshish ki ... toh tumhare haathon ko bhik mangne ke kabil bhi nahi chhodunga

Uparwaala kisi ko sazaa dene ke liye khud chalkar neeche nahi aata ... ussike kehane se koi insaan zulm aur sitam ka muqabla karne ke liye uthta hai ... aur aaj main zulm ko khatam karke hi rahoonga

Is duniya mein zinda rehne ke liye ... bhigda hua hona bahut zaroori hai

Yeh che foot ka body ludkane ke liye char inch ka goli kam pad gaya malum?

Aaj shaam che bajhe maut ke saath apna appointment hai

Idhar har taqatwar apne se kam ko maarkar jeeta hai malum? ... maarkar

Waqt pe pahunchneka apna purana aadat hai

Kehne ko yeh shehar hai, sirf kehne ko ... par idhar jungle ka kanoon chalta hai

Galat cheez banaya telephone ... udhar se aadmi soochta kuch hai, bolta kuch hai, karta kuch hai

Sawaal jis zabaan mein kiya jaye ... jawaab us hi zabaan mein dena chahiye

Vijay Dinanath Chauhan ... poora naam

Dushman se agar fayda ho ... toh usko apna dost banalo

Is duniya mein tarakki karne ke liye ... na bolna bahut zaroori hai

Maut ke baad maut ... tumhe kai mauten maroonga

Jiske sar par kafan banda ho ... uske sar par sehra nahi bandh sakta

Mohabbat ki maar ka bada meetha meetha dard hota hai

Jab jab zulm ki aandhi badti hai ... usse rokne ke liye ek toofan aata hai

Tum is samaaj ke liye sivah maut aur andhere ke kuch nahi ho

Raat ke sannate mein jab kisi bhooke bachche ke rone ki awaaz aati hai ... toh raat bahut kaali lagti hai

Itne baazu itne sar, ginle dushman dhyan se ... harega woh har baazi, jab khelein hum jee jaan se