Dialogues from Movies for Parties

Jhamela char din ka tha, hawali they mawali they ... Sikandar jab gaya duniya se, dono haath khali they

Woh kaali kaali botalein joh hai sharaab ki ... arre raatein hai in mein band hamare shabaab ki

Kahin bhi apna thikana nahi is zamane mein ... na aashiyane ke bahar, na aashiyane mein

Duniya bhi kitni ajeeb jagah hai ... jinhe hum chor, gunda aur badmaash kehte hai ... woh insaaniyat ke liye daulat ko thukra dete hai ... aur jinhe hum nek, shareef aur baizzat kehte hai ... woh daulat ke liye ek bachche ko apne baap se alag kar dete hai

Kali dekhi thi, ab gulzar hai tu ... churi dekhi thi, ab talwar hai tu

Tum gham-e-beti mein dubli na hui ... main bekaari mein mota ho gaya ... tum balti se ho gayi drum ... main glass se lota ho gaya

Jeevan ka matlab toh aana aur jaana hai

Tu Bombay ki public ko nahi jaanti ... khush hai toh khush, bhigdi toh thopda bhigad ke rakh deti hai

Log London se degree ke alava aur kabhi kabhi degree ke bajai ... mem lekar aa jaate hai

Agar kisi nek kaam ke liye jhoot bolna padhe ... toh woh jhoot sau sach ke barabar hai

Har insaan joh paap se, zulm se ladta hai ... woh bhagwan ka hi toh roop hota hai

Bhagwan jab apni mutthi mein chand ko chupata hai ... toh suraj nikalta hai

Dum par kabhi zor se jhatka diya hota ... toh dum toh kya kuttiya bhi seedhi ho jaati hai

Ab na ye haath chhodenge, na mooh modhenge, na dil todhenge

Main bhi tumhari khoobsurati ki ek zamane se puja kar raha tha ... tumhari surat apni umeedon ki tasveer se mila milake dekh raha tha

Yeh Hindustani ladkiyon ka khaas andaz hota hai ... yeh haan bhi na ki tarah karti hai ... aur na haan ki tarah

Mere jaal mein aayi hui chidiya udh nahi sakti ... kyun ki main uske par katar deta hoon

Aashiq ko apni mehbooba ki sab adayein pasand hoti hai ... aur mard ko apni biwi ki saadgi

Jeene ke liye phool hi nahi chunne padte hai ... balki kaante bhi hatane padte hai

Gham ka ilaaj gham se nahi ... balki himmat se hota hai

Joh kabhi nahi hota ... wohi ek din zaroor hota hai

Virodh se kabhi virodh nahi mitt sakta ... apnepan ke khrod, apne ahankar ko maarkar, apne pyar se hi jag ka virodh mitta sakte hai

Sagad Singh dushman ke dost ko bhi apna dushman manta hai

Main tujhe aaisi maut maroonga ... joh maut kisi dushman ne kisi dushman ko bhi na di hogi

Joh veer Rajput apna sar jhukakar dushman ka dil jeet le ... woh sar uthakar jag jeetega

Jiski maut jis ghadi likhi hoti hai ... ussi ghadi aati hai

Pyar ka samay kam hai jahan ... ladte hai log kaise wahan

Joota kitna bhi keemti ho paon mein hi pehna jaata hai ... sar pe nahi

Kaisa re baandha prem ka bandhan ... loot liya mera komal tann mann ... jaa ghar jaa tu dekh le darpan ... lagti hai burman ki lotan ... tu mera jogi main teri jogan ... main teri Rati tu mera Madan ... na main jogi na main Madan ... main toh hoon Raampur ka Lakshman

Likhna padhna toh school mein sikhaya jaata hai ... lekin insaaniyat school mein nahi, sanskaron se aati hai

Kadve sach se meetha jhoot kabhi kabhi achcha hota hai

Main paidahishi imaandar hoon ... baimaan ki maut marna mere liye beizzati hai