Dialogues from Movies for Parties

Akhiyan bhool gayi hai sona ... dil par hua hai jadoo tona

Sangeet cheez hi aaisi hai ... joh us mein kho nahi jaata woh usse paa bhi nahi sakta

Jinka intezar hota hai woh kahan milte hai ... aur jinko khawab mein bhi na socha ho woh baar baar milte hai

Tum aa rahi ho zamane ki aankh se bachkar ... nazar jhukaye hue aur badan churaye hue ... khud apne kadamon ki aahat se jhebti, darti ... khud apne saaye ki jumbish se khauf khaye hue

Achcha dost aur achchi patni ... kismat waalon ko hi milti hai

Yahi hai zindagi apni, yahi hai bandagi apni ... ki unka naam aaya aur gardan jhuk gayi apni ... na bhut khane ko jaate hai, na kaabe mein bhatakte hai ... jahan tum paon rakhte ho, vahan hum sar patakte hai ... hum ishq ke maaron ka itna hi fasana hai ... rone ko nahi koi, hasne ko zamana hai

Jis insaan ko maa ki mamta naseeb nahi hui ... us jaisa koi badnaseeb nahi

Marzi ho toh sooli par chadana ya rab ... sau baar jahannam mein jalana ya rab ... lekin mashooq kahen aap hamare hai buzurg ... na cheez ko yeh din na dikhana ya rab

Achcha dost aur achcha pati ... kismat waalon ko hi milta hai

Aaj ka kaam kal karo, kal ka kaam parso ... itni jaldi kya hai, jab jeena hai barso

Tum chokri log ka yahi toh musibat hai ... haar shringaar mein aadhi zindagi apni aur intezar mein aadhi zindagi doosre ka barbaad kar deta hai

Jise paala tha khoon-e-dil se zaar aur nathavan hokar ... khabar kya thi wohi degi daga ek din jawan hokar

Nikal chalne ki yeh hasrat badi mushkil se nikalegi ... kaleja cheer degi baddua joh dil se nikalegi

Hamari adalat ka hukum maana nahi ... manvaya jaata hai

Aye khuda tu jis haal mein rakhega khush rahenge ... teri khushi mein khush tera khidmat guzar hai ... banda hoon tera tu mera parvardigar hai

Roman kanoon faulad ki tarah sakht aur waqt ki tarah atal hai

Na ched ab mujhko, rehne de yahin tak dastan meri ... kahunga sach toh jal jayega dil tera, zabaan meri

Doob maro is insaaf par, aasun bahao is kanoon par ... joh kamzoron ke liye talwar ki dhaar, aur zabardast ke liye bank-e-bahar hai ... joh apne liye nagme-e-saaz, aur hamare liye maut ki awaaz hai

Tareef us khuda ki jisne jahan banaya ... unko haseen banakar mujhko jawan banaya

Tumhare hi liye paida hue duniya ke nazare ... chamakte hai tumhari roshni se chand aur taare ... tumhara gham hai gham, auron ka gham khawab-o-kahani hai ... tumhara khoon hai khoon, hamara khoon pani hai

Hum dono ek doosre ke itna nazdeek hote huye bhi, kitni door hai ... shayad issi ko naseeb kehte hai

Chori ka kapda laathiyon ke gaj napta hai

Aapse bichad raha hoon iska mujhe bada dukh hai ... lekin is haseen dukh ki wajah se, ab zindagi se pyar ho jayega

Tera milna khushi ki baat sahi ... tujhse milkar udaas rehta hoon

Tumhare khoon tak mein paap mila hua hai

Main marr jaungi tab bhi tumhare paas hi rahungi ... hasoge toh saath hasungi ... rohoge toh saath hi rohungi

Main tum bin adhoora, jaise namak bin daal ... daal bin bhat, bhat bin Bengal

Kab tak bolo chupi rahogi oh meri Asha ... maine padh li aaj tumhare naino ki basha

Is waqt agar duniya bhar ki sab khoobsurat ladkiyan milkar bulaye ... toh bhi main tumhe chhodkar jaane ke liye tayaar nahi hoon

Daulat waalon ko hi daulat ki zaroorat hoti hai

Mujhe kisi insaan se koi shikayat nahi hai ... mujhe shikayat hai samaaj ke us dhanche se joh insaan se uski insaaniyat cheen leta hai ... matlab ke liye apne bhai ko beghana banata hai ... dost ko dushman banata hai ... mujhe shikayat hai us tehzeeb se, us sanskriti se jahan murdon ko puja jaata hai ... aur zinda insaan ko pairon tale raunda jaata hai ... jahan kisi ke dukh dard pe do aansoon bahana buzdili samjha jaata hai ... chupke milna ek kamzori samjha jaata hai ... aaise maahaul mein mujhe kabhi shanti nahi milegi, kabhi shanti nahi milegi

Jab hum chale toh saaya bhi apna na saath de ... jab tum chalo zameen chale, aasmaan chale ... jab hum ruke toh saath ruke shaam-e-bekasi ... jab tum ruko bahaar ruke, chandni ruke