Dialogues from Movies for Parties

Garmi chahe mausam ki ho ya daulat ki ... sirf gadhe hi magan rehte hai us mein

Gham is kadar badhe ke main ghabra ke pee gaya ... is dil ki bebasi pe taras khake pee gaya ... thukra raha tha mujhko badhi der se jahaan ... main aaj sab jahaan ko thukra ke pee gaya

Tang aa chuke hai kashmakash-e-zindagi se hum ... thukra dein jahaan ko kahin bedili se hum ... hum ghamzada hai laaye kahan se khushi ke geet ... denge wohi joh paayenge is zindagi se hum ... ubhrenge ek baar abhi dil ke valvale ... maana ke dab gaye hai gham-e-zindagi se hum ... lo aaj humne todh diya rishta-e-umeed ... lo ab kabhi gilaa na karenge kisi se hum

Zindagi ki asli khushi doosron ko khush rakhke haasil ki jaati hai

Jab amir ka dil kharab hota hai na ... toh gareeb ka dimaag kharab hota hai

Aaj ki duniya mein machine ne tarakki nahi ki hai, aadmi ne tarakki ki hai ... aaj tak aadmi machine banate aaye hai ... machine ne kabhi kisi aadmi ko nahi banaya hai

Jiske dil mein daga aa jaati hai na ... uski aankhon mein daya kabhi nahi aati

Jab pet ki roti aur jeb ka paisa chin jaata hai na ... toh koi samajh wamajh nahi reh jaati hai aadmi ke paas

Bina murga bane vidhya nahi aati

Raasta dikhana sehel hai, par raaste par chalna bahut kathin

Tumhari chhaya mein main kadi se kadi dhoop sehan kar loongi

Main beta de sakti hoon, laaj nahi de sakti

Aasoon ki buniyad par khushi ka mahal khada nahi ho sakta

Mujhe yeh aalishan makaan nahi, ghar chahiye ... mujhe daulat aur shohrat nahi, sukh chahiye ... mujhe logon ki tareef nahi, tumhari mohabbat chahiye

Bhagwan ne tumhe overtime karke banaya hai

Ghar ki shobha toh ghar mein rehne waalon se hoti hai

Aurat zindagi mein ek hi baar, ek hi mard ko apna kehti hai

Duniya bahut bada hai ghera ... kahin na kahin toh hoga mera

Joota khane ke baad garam chai penicillin ka kaam deti hai

Yahan ka har sauda raat ke andhere mein hota hai

Ek peshawar mujrim jab yeh kehta hai ki usse sharafat ki talash hai ... toh usse badkar koi zaleel nahi hota hai

Zindagi ki har ghadi aakhri ghadi hoti hai ... aur har saans aakhri saans hota hai

Har khel mein ek ki jeet aur doosre ki haar hoti hai

Kambakht dil nahi badalta ... magar dil ke tukde badal jaate hai

Mere piya ka laal kabootar parbat parbat udta hai ... pooch lo usse sara naksha saanj bhay woh udta hai

Mohabbat ki ek manzil nahi hoti

Tere golden face ki beauty ne mere gentle heart ko loot liya ... teri zulfon ke net mein faskar maine night sleeping chhod diya

Prithvi ka dil hai aur sanjogta ka pyar hai ... bas yahi tareekh hai, baki toh sab bekaar hai

Zindagi milti hai kaanton se guzarne ke liye ... phool khilte hai gulistan ke savarne ke liye

Tarakki karne waala ek hota hai aur uske dushman hazaar hote hai

Uda de neend aankhon ki kahani usko kehte hai ... jalakar khaak kar dale jawani usse kehte hai

Duniya mein tumhe sab kuch mil jayega ... lekin mohabbat bhara dil nahi milega