dialogues for cast:

Maangne waala maangkar dene waale ko maan hi toh deta hai

Bahar se dikhne mein toh hum jagmaga rahe hai ek deep ki tarah ... lekin andar se sirf ek jali hui kaali baati ki tarah hai

Hum vyapar aur pyar ko kabhi ek saath nahi milate

Duniya ek bahut badi mandi hai, bazar hai ... jahan pe har cheez ka bhaav hai, mol hai ... jahan pe har cheez ek bikau maal hai

Kisi kisi dukh ke peeche ek bada sukh chupa hota hai

Pyar toh na bikne ki cheez hai, na khareedne ki cheez hai ... pyar toh sirf karne ki cheez hai

Aadmi har darr se bhaag sakta hai ... lekin apne aap se nahi

Insaan marta aur jeeta sirf apne khayalon mein hai ... varna maut jaisi toh koi cheez hi nahi hai

Waqt padne par aadmi jhoot bhi sach ki tarah bolta hai

Purani zameen, purana makaan aur purana dost ... jitna zyada purana ho jaye ... utna hi zyada yaad aata hai

Khuda meherban toh gadha pehelwan ... sambhal meri jaan ... ek hi vaar mein dikhaon Hindustan

Yeh haath bada ziddi hai ... gardan pakad le toh dum nikaal ke chhodta hai ... aur haath pakad le toh apna ke chhodta

Goli ke bagair pistol bekaar hai ... aur akal ke bagair dono bekaar hai

Malik ne hamari mitti kuch special kisam ki banai hai ... ki jis saanche mein dalo wohi roop dharan kar leta hai ... agar tange mein behta do toh tangewaala ban jata hoon, agar hawaijahaz mein behta do toh pilot ban jata hoon ... masjid mein mulla, mandir mein pandit ... aur agar dil mein behta do toh dilwaala

Is duniya mein apne zakhm dikhane nahi chahiye ... varna yeh log marham ki jagah usse namak se bhar dete hai

Aapke anurodh pe main yeh geet sunata hoon ... apne dil ki baaton se aapka dil behlata hoon

Na tera koi dharam hai, na tera koi karam hai ... tu bada besharam hai

Insaan ki do maayen hoti hai ... ek maa joh insaan ko janam deti hai aur doosri us desh ki dharti jahan pe woh janam leta hai

Mere sapne ka sambandh aankhon se nahi hai, dil se hai ... jise mehsoos kiya ja sakta hai, dekha nahi ja sakta

Sangeet cheez hi aaisi hai ... saaz ho ya awaaz, kaano mein padte hi dil ke taar jhun-jhuna uthte hai ... aur chanchal mann ko shanti mil jaati hai

Insaan ka charitra uske safed kapdon se hai ... safed kapda subah pehna, agar shaam tak vaise hi rahe ... toh insaan ka dil sacha hai ... woh aadmi saaf hai ... bolo kya khayal hai

Kasoor mera nahi roti ki kasam ... bhook ki duniya mein imaan badal jaate hai

Roti roti mein bhi farak hota hai mere dost ... ek roti woh hoti hai joh cheenke khai jaati hai jis mein kisi ke khoon ki boo aati hai ... lekin mujhe woh roti chahiye jis mein kisi ke khoon ki boo nahi, balki mere paseene ki mehak aati ho

Agar is samaaj aur society se paap aur gunaah ko hamesha ke liye khatam karna hai ... toh un shaitano ko khatam karna hoga joh chand sikkon ki khatir gareebon ki sharafat aur insaaniyat khareedkar unke dilon mein gunaah ka bheej bohte hai ... paap ke saaye mein unki parvarish karte hai ... logon ka khoon pilakar unhe badne par majboor karte hai

(Kaun ho tum?) ... Kahi naam hai mere ... gareeb maa baap mujhe apna beta kehte hai, mazloom ladkiyan apna bhai ... besahare yateemon ka dost hoon aur zalimon ka dushman

Insaan ko dil de, jism de, dimaag de lekin yeh kambakht pet mat de ... usse pet deta hai toh usse bhook mat de ... usse bhook deta hai toh do waqt ki roti ka intezam karke bhej ... varna tujhe insaan ko paida karne ka koi haq nahi hai

Jahan yaar nahi wahan pyar nahi ... jahan pyar nahi wahan yaar nahi

Jis din ek mazdoor kaam pe nahi jaata ... uske ghar par chula nahi balki uska pet jalta hai

Akal se sirf nakshe ban sakte hai ... imaaratein nahi

Baarish ki boondon se darne waale toofan ka muqabla nahi kar sakte

Nadiya se dariya, dariya se sagar, sagar se gehra hai jaam ... jaam mein doob gayi hai yaaron, mere jeevan ki har shyam

Dil hi toh ek aisi cheez hai insaan ke paas jiska sauda nahi kiya ja sakta