dialogues for cast:

MLA janta ka pratineedhi hai, uske sukh dukh ka saathi ... lekin aapne toh un teeno aksharon ka matlab hi badal diya ... "M" for murder, "L" for loot, "A" for Atrocities ... yani atyachar

Aaj raajneeti woh vaishya hai jiski kamai bazar ke sab log khana chahte hai ... aur neta ki kursi kutton ke beech padi hui haddi ki tarah hai ... ab is desh ka vatavaran do hi sooraton mein badla ja sakta hai ... ya toh sare netaon ko bhrashtachar ki kanooni azaadi di jaye, ya kisi bhi bhrasht neta ko zinda na chhoda jaye

Is duniya mein kisi bhi cheez ko haasil karne ke liye teen tarike ki power chahiye ... money power, political power, muscle power

Aasoon kamzor logon ke zevar hote hai

Joh chala gaya usse bhool ja ... joh aa raha hai usse pyar kar

Kal shyam aur thi, aaj shyam aur hai ... kal thikaane aur the, aaj manzil aur hai

Aadmi zabaan se kuch kehta hai ... dimaag se kuch aur sochta hai ... aur dil kuch aur hi chahta hai

Baap ke kandhe ke barabar jab bete ka kandha ho jaata hai ... toh woh baap ki zimmedari aur jawabdari dono ka bhoj uthane ke kabil ho jaata hai

Hum toh gulaab lene gaye the ... yahan toh guldasta hi haath mein aa gaya

Supari ka paisa kha jaane wale ko ... Shiva supari ki tarah kha jaata hai

Main apne shikaar ko kabhi sote hue nahi maarta ... jagakar maarta hoon ... taki marte waqt usse shikayat na rahe ke maine usse apni zindagi bachane ka mauka nahi diya

Kriya karam ka samaan koi bhi khareed ke laye ... magar kaam uske aata hai jiska waqt aaya ho

Janam ka pata nau mahine pehle chal jaata hai ... magar marne ka pata nau second pehle bhi nahi chalta

Phir kabhi tune mere ghar ke andhar jhanke ki koshish ki ... toh main apne darwaze par limbu mirchi ki jagah ... teri mundi kaatkar latka doonga

Aatma ek magar naam do, Kishen Kanhaiya ... ab dekhna main kaise bajata hoon inka band bhaiya

Ek ek do do peg toh do do takke ke log peete hai ... hum toh poori botal peene waalon mein se hai

Hum toh kalakar hai ... hamari kala ki taqdeer mein car likhi hi nahi hai ... yeh kalakar bekaar sadakon par dhukaar ki tarah ghoom raha hai, dhukaar ki tarah

Mere paas woh kuch bhi nahi joh aapke paas hai ... lekin itna paisa hai ki ek mangalsutra khareed sakta hoon ... itni taqat hai ki kamakar khila sakta hoon ... aur itni mardangi hai ki bachche pehda karke aapko nani bana sakta hoon

Dil daulat se zyada taqatwar hota hai

Joh mard apne pyar ke bandhan ki hifazat nahi kar sakta, woh mard nahi ... joh aurat apne pyar ke bandhan ko todna chahti hai, woh aurat nahi

Main tera Yamraj hoon

Do premiyon ko milane ke liye hazaar jhoot bhi bolne pade ... toh bolna chahiye

Asli daulat gadiyaan, bungley, bank balance, kutte, billiyaan nahi hote ... asli daulat woh hamare apne hote hai

Insaan toh is duniya mein ek doosre ki hamdardi ke liye hi paida hua hai

Bhagwan ka banaya hua sansar ek aisa bazaar hai ... jahan insaan ka kiya hua hisaab usse yahin chutta karke jaana padta hai

Jis ghar mein naari jaati ko maan diya jaata hai, izzat di jaati hai ... us ghar mein devta baste hai ... aur jis ghar mein naari jaati ka apmaan hota hai ... us ghar mein rakshash rehte hai

Bade ghar ka damaad banna, jaise topi ko sar se utaar ke pairo mein pehenna

Ho jaye tayaar, jaana hai bahaar, waqt hai kam, manzil hai door ... lekin jaana hai zaroor

Dhande aur career ke bare mein bhai, bhai se jal sakta hai

Jis tarah tumne doosron ka khoon bahaya hai ... waise hi ek din tumhare apno ka khoon bahega ... kyun ki woh saari goliyaan joh tumne doosron ke seeno par chalayi hai ... koi ek din tumhare apno ke seene par chalayega

Joh aadmi ek lakh rupaiy mein tujhe yeh khabar de sakta hai ... woh aadmi paanch lakh rupaiy mein tujhe yahan laakar bech bhi sakta hai

Dukh ke andhere ka seena cheerne ke liye ... mann mein vishvas ke suraj ka hona bahut zaroori hai