dialogues for Tag:

Johny bure kaam toh karta hai lekin imaan ke saath

Jism-e-nazuk mein jaan khuda ki hai, mooh ke andhar zubaan khuda ki hai ... jab bhi bologe sach hi bologe, varna hargiz zubaan nahi khologe

Jhoot bolkar khud pachtane waala ... sach bolkar kabhi kisi ko pachtane nahi deta

Main jhoot bolkar bhi pachtai ... aur sach bolkar bhi pachtati rahoongi

Sachai se kahin zyada kabhi kabhi masoom sa jhoot dil ko bada baahta hai

Jis desh mein humne janam liya hai ... us desh mein sachai ki puja hoti hai ... sach ke sivah zubaan par kuch nahi aa sakta

Jis tarah jhoot jhoot chilakar sach ko jhoot nahi banaya ja sakta ... us hi tarah sach sach chilakar jhoot ko sach nahi banaya ja sakta

Aatma aur parmatma, tapasya aur vardaan, dharm aur satya ke beech bahut kam antar hai ... phir bhi usse paar karne ka maarg bahut lamba hai

Apne aap ko dokha dekar, jhooth, dikhava, in sabke sahare jeene se kahin acha hai mar jaana ... us sach ko apna kar joh mann ka sach hai

Sach joh kisi ki jaan lele ... usse kahin achcha hai woh jhoot joh kisi ko maut ke mooh se bacha le

Prem ki pukaar agar sau-fi-sadi sach nahi hai ... toh isse bada jhooth duniya mein koi nahi ho sakta hai

Duniya abhi tak woh bandook nahi bana saki joh sachai ka khoon kar sake, nekki ko khatam kar sake

Raat mein soote hue joh sapne aate hai, woh sache nahi hote ... lekin din mein jaagte hue joh sapne dekhe jaate hai, woh hamesha sache hote hai ... kyun ki unka doosra naam hai irrada

Aaj tak mujh mein sach kehne ki shakti nahi thi ... aur aaj tum mein sach sunne ki shakti nahi hai

Jeet inki nahi hogi, jeet janta ki hogi ... jeet is jhoot ki nahi hogi, jeet sachai ki hogi ... jeet in khooniyon ki nahi hogi, jeet hum begunahon ke khoon ki hogi

Insaan ki izzat jab jaati hai jab woh sachai aur imaan ka daaman chhod deta hai ... insaan ki izzat jab jaati hai jab woh apne zameer ko bech deta hai, insaaniyat ko bech deta hai, sharafat ko bech deta hai ... eent aur patthar ke bane huye makaano ke bikne se insaan ki izzat nahi jaati

Woh jhooth sach se hazar gunah bada hai ... joh kisi dukhi ko shanti de, sukh pahunchaye

Cash ke maamle mein tajurbe se zyada imaandari ki zaroorat hoti hai

Pyar duniya ki sabse khoobsurat sachai hai

Baimaani ke chocolate se imaandari ki chane hazar gunah zyada achche hai

Na ched ab mujhko, rehne de yahin tak dastan meri ... kahunga sach toh jal jayega dil tera, zabaan meri

Ek peshawar mujrim jab yeh kehta hai ki usse sharafat ki talash hai ... toh usse badkar koi zaleel nahi hota hai

Adalat sachai ki jaanch partaal karti hai ... wahan dilon ki gawaiyan pesh nahi hoti

Yeh Bambai hai mere bhai Bambai ... yahan sach bolkar pet bharne ka raasta dhoondne se nahi milta ... aur jhoot bolkar paise banane ke raaste hai 420

Sharifon ki aulad hamesha sharif hoti hai ... aur chor daaku ki aulad hamesha chor daaku hoti hai

Bas yahi toh hamare naye samaaj ka kamaal hai ... joh chor ho, doosron ke jeb kaatte hai, public ki aankhon mein dhool daalte hai, mere jaisa patla suit pant pehente hai ... unhe hum sharif samajhte hai ... aur joh imandaari se, mehnat mazdoori karke pet paalte hai, phate purane kapde pehente hai ... unhe chor daaku awaara samajhkar dhar liya jaata hai