dialogues for Tag: Inspiration

Insaan yaadon ke sahare nahi, umeedon ke sahare jeeta hai ... log mitt jaate hai, zindagi nahi mitati ... woh hamesha aage badti rehti hai, kisi naye sahare ke umeed mein

Jawani ka mausam zindagi bhar nahi rehta ... jab tak hai aao dhoom machate hai

Zindagi ki asli khushi doosron ko khush karke haasil ki jaati hai

Zindagi ki khushi duniya ko pa lene mein nahi ... apne aap ko kho dene mein hai

Shehar mein rehkar, nayi roshni mein palkar ... hamara libaas badal sakta hai ... hamari sabhyata toh nahi

Duniya mein bahut si aaisi baatein hoti hai joh namumkin nazar aati hai ... lekin agar insaan himaat se kaam kare aur woh sachcha hai ... toh jeet ussi ki hoti hai

Jiske paas hunar ki daulat ho woh kisi daulat ka bhookha nahi hota

Daulat kabiliyat nahi paida kar sakti ... magar kabiliyat daulat pehda kar sakti hai

Kismat hatheli mein nahi ... insaan ke baazuon mein hoti hai

Joh insaan ki maut marna nahi jaanta ... yeh duniya usse insaan ki zindagi jeene nahi deti

Duniya ke barbaadi ki jadh hai ... ek insaan ka doosre insaan pe hukumat karne ka shauk

Duniya abhi tak woh bandook nahi bana saki joh sachai ka khoon kar sake, nekki ko khatam kar sake

Raat mein soote hue joh sapne aate hai, woh sache nahi hote ... lekin din mein jaagte hue joh sapne dekhe jaate hai, woh hamesha sache hote hai ... kyun ki unka doosra naam hai irrada

Jis jagah ko dekh kar parmatma ki yaad aaye ... woh tirth kehlata hai ... aur jis aadmi ke darshan se parmatma mein bhakti jage ... woh Mahatma kehlata hai

Jab tak mehnat karne waale haath aur sapna dekhne waala dimaag ek nahi ho jaate ... ek hi manzil par pahunchne ke liye hum sab mein se koi aage nahi badh sakta

Doobti hui kashti mein bhaagne waale kabhi sahil ka mooh tak nahi dekhte

Zindagi ke safar mein ek aaisa muqaam bhi aata hai ... jab insaan kuch kho ke bahut kuch paata hai

Insaan ki izzat jab jaati hai jab woh sachai aur imaan ka daaman chhod deta hai ... insaan ki izzat jab jaati hai jab woh apne zameer ko bech deta hai, insaaniyat ko bech deta hai, sharafat ko bech deta hai ... eent aur patthar ke bane huye makaano ke bikne se insaan ki izzat nahi jaati

Joh marr jaate hai woh sitare ban jaate hai ... taaki unke bachche unko roz dekh sake

Insaan jab rota hai na toh akela rota hai ... aur jab hasta hai toh sari duniya uske saath hasti hai

Mera jism zaroor zakhmi hai ... lekin meri himmat zakhmi nahi

Jeet gaye toh kya kehna ... haare bhi toh baazi maat nahin

Kisi insaan ka yun khatam hona achcha nahi ... khatam toh honi chahiye uski burai, uska chotapan, uski khudgarzi

Rupaiya kya hai? ... mitti ki tarah ek bejaan aur bekaar cheez hai ... lekin jis tarah mitti mein mehnat ka beejh ugaye bagair paidawar nahi ho sakti ... ussi tarah rupaiya ke saath jab tak mehnat ka mel nahi hoga ... duniya mein kabhi koi tarakki nahi kar sakega

Agar aaj hum sab aapas mein milkar aur apne kaam ko apna dharam samajhkar kare ... toh kal hamara desh bhi duniya ke sare mulkon ke aage apna sar ooncha karke khada ho sakega

Joh insaan kamzori ka shikaar hoke gir jaye ... woh insaan, insaan nahi rehta

Mujhe kisi insaan se koi shikayat nahi hai ... mujhe shikayat hai samaaj ke us dhanche se joh insaan se uski insaaniyat cheen leta hai ... matlab ke liye apne bhai ko beghana banata hai ... dost ko dushman banata hai ... mujhe shikayat hai us tehzeeb se, us sanskriti se jahan murdon ko puja jaata hai ... aur zinda insaan ko pairon tale raunda jaata hai ... jahan kisi ke dukh dard pe do aansoon bahana buzdili samjha jaata hai ... chupke milna ek kamzori samjha jaata hai ... aaise maahaul mein mujhe kabhi shanti nahi milegi, kabhi shanti nahi milegi

Zindagi ki asli khushi doosron ko khush rakhke haasil ki jaati hai

Aaj ki duniya mein machine ne tarakki nahi ki hai, aadmi ne tarakki ki hai ... aaj tak aadmi machine banate aaye hai ... machine ne kabhi kisi aadmi ko nahi banaya hai

Zindagi ek khoobsurat khilona hai ... isse darna nahi, khelna seekho

Lehron se darne waale kinare reh jaate hai ... aur sagar mein faandne waale moti le aate hai

Aag se aag thandi nahi hoti, pani se hoti hai ... andhere se andhera door nahi hota, ujaale se hota hai ... bhair, bhair se nahi mitta, prem se mitta hai