Dialogues from Movies for Parties

Pyar ek imtihaan hai ... aur nateeje se darne waalo ka pyar jhoota hota hai

Nazuk ladkiyan dadagiri karte huye achchi nahi lagti

Jaise ki rahi bina rasta suna, sindoor bina maang suni, aur pyar bina jeevan suna hota hai ... vaise hi seeshay ke bina khidki suni hoti hai

Hamare khoon ka katra katra aapke namak ka ehsaanmand hai

Tumhe toh woh takleefen deke maaronga ... jinke bare mein tumne na kabhi kitaabon mein padha hoga ... na kahaniyon mein suna hoga

Husn ka raaz zamane se chupaye rakhiye ... dil mein jalta hua ek shola dabaye rakhiye

Khuda ke bhi ajeeb khel hai ... kahi bichadkar mil jaate hai, kahi milkar bichad jaate hai

Jin takleefon se log marte hai un takleefon ne hum mein paala hai ... humne maa ki godh mein nahi, chaku ki nok par parvarish payi hai

Tumhari zindagi chaku ke dhaar se khelti hai ... aur tumhare pankh gundagardi ke dal-dal mein dhasse hai ... jitna nikalne ki koshish karoge, utna hi dhasste jaoge

Ghodi aur jawan ladki ki lagaam zara kaske rakhni chahiye

Tum khud ek aaisi churi ho ... jiski dhaar par katne waala kat bhi jaye par uff na kare

Ek hum hai joh dushman ke khoon se mohabbat karte hai ... aur ek tum ho joh apne hi khoon ke dushman ban gaye ho

Hum mein bhi aa padha hai doston se kaam kuch yaani ... hamare doston ke bewafaa hone ka waqt aaya

Woh chalti toh zameen par hai ... lekin uske kadmo ke nishaan hamare dil par padte hai

Bade gaur se sun raha tha zamana ... tum hi so gaye dastan kehte kehte

Jiske seene mein dil nahi usse dil ki bemaari kaise ho sakti hai?

Ameeron ne toh joh kuch bhi banaya hai woh rishvat ya rishvat ke balbute par banaya hai ... koi dus rupaiya mein vote khareed leta hai ... sau rupaiya mein koi apni arzi pass karva leta hai ... hazar rupaiya dekar koi apna imteham pass kar leta hai ... lakhon rupaiya dekar yeh log apna tender pass karva lete hai ... arre main toh kehta hoon sabse pehle in rishvatkhoron ko fail karo ... tab ja karke yeh mulk pass hoga

Koi mai ka laal kisi ko do waqt ki roti nahi dila sakta ... kyun ki roti dilane waala woh malik hai ... jisne har insaan ko do haath diye hai aur kaha hai ki ... cheer de zameen ka seena aur nikaal le apne hisse ki roti

Mazdoor ka paseena sookhne se pehle, uski mazdoori mil jani chahiye janaab

Tere haath mein maut ka samaan hai toh ... mere seene pe khuda ka naam hai

Aadmi ko khwab dekhne chahiye apni aukaad aur haisiyat ke hisaab se

Kuch baatein kehne aur sunne mein utni achchi nahi lagti ... lekin phir bhi woh sach hoti hai

Agar amiri insaan ko wahi bana deti hai joh aap ban gaye hai ... toh bhagwan ka shukar hai ki hum amir nahi rahe

Sirf saanson ke aane jaane ka naam hi toh zindagi nahi ... saans toot bhi jaye toh kya, saans kho bhi jaye toh kya?

Jise humdum banaya ho, jise humkadam banaya ho ... usse humraaz nahi banaya ja sakta

Sneh aasman se tapki hui sharaab ki ek boond hai ... joh insaani jism mein dhalkar zameen ka sabse khoobsurat phool ban gayi

Tumhare pyar ka kya sila doon yeh nahi malum ... umar mil saki agar kuch aur toh yeh bhi seekh loongi main tumse

Har din ki kismat mein aftab nahi hota ... lekin phir bhi har din zindagi ka ek naya daur shuru hota hai

Samundar tabhi tak samundar hai jab tak woh khamosh rehta hai ... aur jab uski khamoshi tootti hai toh woh toofan ban jaata hai

Log toh ghar basakar, tamaam rishtey naate banakar bhi pyar ke chand lamhe nahi jee paate aksar ... lekin maine toh chand lamhon mein pyar ki mukammal zindagi ko paa liya hai tumse

Adhoore sapne chubte bahut hai ... bahut teekhi hoti hai unki chuban

Khamoshi mein udasi ab rahi kahan ... tumhe dekh liya phir se toh sari udasiyan khamosh ho gayi hai ab toh jaise