Dialogues from Movies for Parties

IPS ka exam dekar police ban jaunga aur bina koi exam diye neta ... vikas karne par majboor mat kar beta ... aav jo

Ajeeb bimaari hai yeh ... jab yaad nahi rehta hai tab doosron ko dard dete ho ... aur jab woh yaad aata hai toh khud ko dard hota hai

Joh gaane dil ko chhute hai woh aise hi thodi likhe jaate hai ... unke peeche ek special moment hota hai ... us moment mein joh feel hota hai uske shabdh hote hai ... woh shabdh safed panno par utarte hai ... phir woh music humein time travel karata hai, kabhi bachpan mein le jaata hai, kabhi pehle pyar ke paas, ya kabhi pehli barsaat mein ... and you know what, yeh joh saari memories hoti hai na ... yeh hamare dil ke kisi kone mein hi rehti hai, dil ke andar hi rehti hai ... aur woh gaana hota hai, woh humein in memories ke beech mein laake khada kar deta hai, unko vapis leke aata hai ... kyun ki dimaag bhool jaata hai, lekin dil nahi bhoolta hai na

Mujhe tasalli de de joh, woh shabd udhaara dhoondh raha hai ... ek sitaara dhoondh raha hai .. dil saiyaara dhoondh raha hai

Saiyaara matlab taaron mein ek tanha taara ... khud jalke joh roshan karde jag yeh saara

Problem kahin nahi hai ... yehi sabse badi problem hai

Jab khud barbaad ho chuke ho na ... tab doosre ki barbaadi dekhne mein bada anand aata hai

Makhan lagane wale haathon mein chhuri zaroor hoti hai

Ek khuddar aadmi ke liye jail se badi saza hoti hai sasural ki roti todna

Is shehar tak pahunchne ke liye meri baimaani aapne pakad li ... lekin ab aap tak pahunchne ke liye joh baimaani main karunga, woh aap pakad nahi payenge

Imaandari ka shringaar acha lagta hai, na ki ghamand

Your heart is dhak-dhak ... my heart is also dhak-dhak ... why waste the time with bak-bak

Main azaadi mein believe karta hoon ... kyun ki jitna tum cheezon ko pakad ke rakhoge na, utna unhe khone ka darr rahega

Music ki koi language nahi hoti hai ... music ek ehsaas hai, ek feeling hai, ek emotion hai

Sach ko samjha nahi, mehsoos kiya jaata hai

Aisi koi bhi problem nahi hai joh ek Mohanlal ka gaana aur ek kadak cup chai solve nahi kar sakti

Magic dekhne wale ke nazariye mein hota hai ... dil se dhundoge toh har cheez mein dikh jayegi

App ne bola toh soulmate ... app nahi toh checkmate

Hamari generation ko khud ki intelligence se zyada artificial intelligence pe bharosa hai ... kyun, kyun ki data kabhi galat nahi hota hai

Dil jaanta hai usse kya chahiye ... ishaare bhi karta hai ... par humein sun'na nahi aata

Hum yunhi zindagi bhar udna chahte the bharpoor ... par ghar walo ko hamari azaadi kahan thi manzoor

Yahan kisi ka kisi pe haq nahi hota ... jahan mohabbat hoti hai wahan shaq nahi hota

Kisi ke saath poori zindagi guzaarne ke liye baar baar pyar mein padna padta hai ... us hi ek insaan ke saath

Yeh sala shehar jitna humein deta hai, usse kahin zyada hamari leta hai

Aaj kal ka pyar confusing hai ... it's like a cheese chinese schezwan masala dosa

Shaadi kuch sikhaye na sikhaye, acting karna zaroor sikha deti hai

Pyar shabd jive marzi boliya jave ... sunan vich unha hi sona lagda hai

Jab dekho mooh utha ke shaadi karne nikal padta hai tu ... meri advice maan koi aashiqon wali harkatein karle ... phool leja, chocolate hai ... koi baat, koi mulaqat ... seedhe suhagraat

Agar har rishtey ki ek umar hoti ... toh hamare rishtey ki umar humse thodi si zyada hoti

Bandi tere past mein itna interest tabhi dikhayegi jab woh tere future mein interested hogi

Dosti aur pyar ka farak pata hai tujhe ... hum doston ko dil mein bithate hai aur pyar ko singhasan pe

Bande ki zindagi mein na woh ek bhayanak pal hota hai ... jis mein uska mann kar jaata hai ki shaadi kar loon ... agar woh us ek pal ko bina kuch kiye guzar jaane de na ... life set ho jaati hai