Dialogues from Movies for Parties

Angdaai bhi woh lene na paaye utha ke haath ... dekha mujhe toh chhod diye muskurake haath

Daaman uska aaya purze hokar haath mein ... udh gayi sone ki chidiya, reh gaye par haath mein

Likh kar zameen pe naam hamara mitta diya ... unka tha khel khaak mein humko mila diya

Tu khoyi hai jiske liye is tarah ... bhool jaye tujhe is tarah, jis tarah bhool jaati hai subah gayi raat ko ... bhool jaata hai pagal kahi baat ko

Mutthi uthayi khaak ki aur dil bana diya ... pagal ko tumne pyar ke kabil bana diya

Nasha-e-meh maange ki cheez, iski bhi koi hasti hai ... josh-e-jawani kya kehna, masti apni masti hai

Tere toh dhang hai yehi apna banake chhod de ... woh bhi bada hai baawla tujhko joh paake chhod de

Bhagwan ki kaisi anokhi leela hai ... kabhi sab kuch cheen leta hai ... kabhi bahut kuch de deta hai

Jab ghar ki jawaan bahu bahar rang raliyan manati phire ... toh budhe sasur ko neend kaise aa sakti hai

Ghar mein devi jaisi bahu hai, toh phir tirth yatra ki kya zaroorat?

Kailash khud nahi sochta ... doosro ko majboor karta hai sochne ke liye

Main joh aag lagata hoon ... usse bhujana bhi jaanta hoon

Aandhi mein udhte hue patte ko kya malum ... usse kahan se kahan bhatakna hoga

Pyar apni jagah hai, daulat apni jagah hai ... zindagi ke liye dono zaroori hai

Kavita se mann ko behlaya ja sakta hai ... samjhaya nahi ja sakta

Agar sharaab dukhon ko mitta sakti ... toh har aadmi sharaabi ban jata

Apnepan ke liye kisiko apna banana zaroori nahi ... jisse bhi apnapan mil jaye wohi apna hai

Na koi tarang hai, na koi umang hai ... meri zindagi bhi kya ek kati patang hai

Insaan sirf ek hadh tak bardaash karne ki taqat rakhta hai ... aur takleef hadh se bahar ho jaaye ... toh uska har ussool sheshay ki tarah toot tootkar girne lagta hai

Woh ladki, ladki kya ... joh bade se bade aadmi ki neeyat ko dolne pe majboor na kar de

Woh aadmi pehda nahin hua ... kabhi na kabhi jiski neeyat na doli ho

Tumhare liye chaand bech sakta hoon ... lekin imaan nahi

Aadmi ke jab burre din aate hai ... toh uski akal maari jaati hai

Jawani ayaashi ka ek khoobsurat mauka hai

Jis roz ek chor doosre chor pe bharosa nahi karega ... uss roz bhagwan bhi Allah miya pe bharosa nahi karenge

Insaan badi cheez ke liye kisi waqt bhi choti cheez ko chhod sakta hai

Bure kaam karte karte buri aadatein padh hi jaati hain

Johny bure kaam toh karta hai lekin imaan ke saath

Izzat ke bagair insaan ka jeevan, mrityu samaan hai

Sui ke is chote se chhed mein se oont jaisa bhari bharkam janwar guzar sakta hai ... magar ishwar ke raj mein daulat ka pujari kabhi nahi ja sakta ... kyun ki wahan daulat ka koi mol nahi

Izzat hamare jeevan ka updesh hai ... daulat toh sirf jeene ka sadhan hai

Paisa insaan ko woh cheez nahi de sakta joh usse shiksha se milti hai ... izzat ... shiksha insaan ko izzat ke saath jeena sikhati hai