Dialogues from Movies for Parties

In logon ko mujhpe vishwas hai ... aur ab mujhe inke vishwas pe vishwas hone laga hai

Kaam uska, naam tera

Maut ek khayal hai jaise zindagi ek khayal hai

Joh aadmi apne naseeb ko kosta rehta hai ... uska naseeb bhi usko kosne lagte hai

Yaad mein nasha karta hoon aur nashe mein yaad karta hoon

Jab matlab se pyar hota hai ... toh pyar se matlab nahi rehta

Jis jagah ko dekh kar parmatma ki yaad aaye ... woh tirth kehlata hai ... aur jis aadmi ke darshan se parmatma mein bhakti jage ... woh Mahatma kehlata hai

Lagta hai aaj har ichcha poori hogi ... par mazaa dekho ... aaj koi ichcha hi nahi rahi

Na sukh hai, na dukh hai, na deen hai, na duniya, na insaan, na bhagwan ... sirf main hoon, main hoon, main hoon, main ... sirf main

Musibat aur zindagi ka kehte hai chitta tak ka saath rehta hai

Daulat jahan nehmat hai ... wahan ek bahut badi laanat bhi hai

Aap log kaun hai, kyun hai, kahan se aaye hai, kyun aaye hai, kisse milna hai, kyun milna hai ... agar is waqt nahi aate toh kya bighad jaata?

Ek din sabko marna hai ... nahi marta toh do cheez ... life aur death

Jab tak mehnat karne waale haath aur sapna dekhne waala dimaag ek nahi ho jaate ... ek hi manzil par pahunchne ke liye hum sab mein se koi aage nahi badh sakta

Mujhe khoon acha lagta hai

Ab hamare darmiyan sirf ek parda hai joh saaya banke haqeeqat ko chupaye huye hai ... aur woh parda tum ho ... tum ho, tum ho, tum ho

Sab cheezein intezaar kar sakti hai ... magar ek khoobsurat ladki ko kisi ka intezaar nahi karna chahiye

Marne wale ke saath koi mar toh nahi jaata

Aaj tak mujh mein sach kehne ki shakti nahi thi ... aur aaj tum mein sach sunne ki shakti nahi hai

Sangam toh woh hai jahan dil, dil se milta hai ... atma, atma se milke paramatma ho jati hai

Hum toh dil ke saudagar hai ... dil khareedte hai ... dil bechte hai

Roye toh yaar ke kandhe par ... jaaye toh yaar ke kandhe par

Sab kuch khuda se mang liya tujhko mangkar ... uthte nahi hai haath mere is dua ke baad

Aaj itni derr ho gayi ... kabhi darwaze ko dekhte the kabhi waqt ko ... na tum aate the na waqt jata tha

Dukh tumne mujhe nahi diya hai ... maine apne aap ko dukh diya hai

Zindagi ka kya bharosa hai ... kaun jaanta hai kab maut kis darwaze se dhakil hoti hai ... kab in chalti hui saanson ka silsila toot jaata hai

Aye haseen aasman ki malika, mera dildar mujhko lauta de ... tujhko apni nazakaton ki kasam, tu mera pyar mujhko lauta de

Meri haseen mehfil mein, ishq patthar hai aur kuch bhi nahi ... apne nagamo se zindagi de isse, ya mitta apni zindagi bhi yaheen

Charon taraf dekhte hai toh har baat mein khot aur milavat ... nal ka pani pejiye toh us mein dawai ki milavat hai, saans lijiye toh hawa mein millon ke dhuan ki milavat hai, agar khana khaiye toh roti ke aate mein mitti ki milavat hai ... charon taraf har baat mein jhoot hai ... dua mein, salaam mein, pyar mein, nafrat mein, gusse mein ... sab mein jhoot hai

Doobti hui kashti mein bhaagne waale kabhi sahil ka mooh tak nahi dekhte

Jeet inki nahi hogi, jeet janta ki hogi ... jeet is jhoot ki nahi hogi, jeet sachai ki hogi ... jeet in khooniyon ki nahi hogi, jeet hum begunahon ke khoon ki hogi

Tum kahan se aaye ho aur kahan chale jaaoge, mujhe malum nahi ... tumhara yakeen karun ya na karun, mujhe malum nahi ... par dil kehta hai ke jab tum paas ho ... toh aur kuch nahi, koi nahi chahiye