Dialogues from Movies for Parties

Kaam ki na kaaj ki ... dushman meri jaan ki

Dono jahaan teri mohabbat mein haarke ... woh chal diya bechara baithakke maar maarke

Kele ka chilka pair ke neeche joh aa gaya ... jalwe bhi unke saath saath par phisal gaya

Zindagi bhagwan ki di hui daulat hai ... usse apne hi haathon gavana insaan ki kamzori ke saath saath jurm hai

Rishtey naate ke liye khazana nahi ... gharana dekha jaata hai

Aatma woh vastu hai ... jise na talwar kaat sakti hai na aag jala sakti hai

Pati patni ghar banate hai ... bache us hi ghar ko swarg bana dete hai

Sookha jungle, geela parbat, jadugar ki kasam ... ek kadam bhi aage aaya, ho jayega bhasam

Moti chachi, lamba chacha jab aayenge home ... patthar jaisa dil dono ka ban jayega maum

Moochein toh mard ki zevar hoti hai

Khoobsurati kapde ko char chaand laga deti hai ... toh kapda bhi ussi khoobsurati ko aasman pe uchaal deta hai

Hamare mulk mein ladke umar se pehle hi jawaan ho jaate hai ... aur ladkiyan pehda hone se pehle

Haqeeqat mein hum sab andar se skeleton yane panjar hi toh hai ... farak sirf itna hai ki kisi panjar par makhan si chikni aur mulayam coating hai ... aur kisi panjar par gendhe jaisi moti khaal chadi hui hai

Aankhon ke andhere se main nahi ghabrata ... mann ke andhere se darr lag raha hai

Nazuki tere lab ki kya kahiye ... pankhadi ek gulaab ki si hai

Saawan ki raaton mein aaisa bhi hota hai ... raahi koi bhoola hua, toofano mein khoya hua, raah pe aa jaata hai ... aaisa bhi hota hai

Joh marr jaate hai woh sitare ban jaate hai ... taaki unke bachche unko roz dekh sake

Lipat jaate hai woh bijli ki darr se ... ilahi yeh ghata do din toh barse

Mohabbat ki raah par chalne waalo ki taqdeer mein pyar ki hariyali nahi ... kaanto bhara raasta hota hai

Mazhab aur karobar do alag alag cheezein hai ... inko mix karne waala hamesha bhookha marta hai

Kyun aag lagati phirti ho, jab garam hawa se darti ho ... dil pehle jalakar khaak kiya, ab thandi saansein bharti ho

Insaan duniya ki har cheez bhool sakta hai ... magar apni biwi ko nahi bhool sakta, apne ghar ko nahi bhool sakta ... un cheezon ko kabhi nahi bhool sakta jinpar uski zindagi ka daromadar hai

Baat nazaron ki hai, baat kuch bhi nahi ... jisko dil chahe duniya mein hai woh haseen

Ishq, mushq, khassi aur khushi ... chupane pe bhi nahi chup sakte

Kuch adayein ho, kuch tevar ho, kuch jalwe ho, kuch toofan ho ... jis mein tum ho aur hum ho, hum ho aur tum ho

Main tumhe itni aasani se nahi marne doonga ... main tumhare khoon ke ek ek katre se ... police ke har us zulm ka badla loonga joh mujhpar hua hai

Ameer hai na, apni ameeri baant nahi sakte bechare ... lekin hum gareeb hai, apni gareebi baant lenge

Anyay karne wale se anyay sehne wala zyada paapi hota hai

Paise ki duniya badi matlabi duniya hai ... wahan har cheez, daya, maya, pyar, har cheez swaarth ke tarazu pe toli jaati hai

Woh jhooth sach se hazar gunah bada hai ... joh kisi dukhi ko shanti de, sukh pahunchaye

Cash ke maamle mein tajurbe se zyada imaandari ki zaroorat hoti hai

Insaan jab rota hai na toh akela rota hai ... aur jab hasta hai toh sari duniya uske saath hasti hai