Dialogues from Movies for Parties

Jesus Christ ne hum sabko is dharti par apne koi kaam ke liye bheja hai ... jab tak woh kaam poora nahi hota, tab tak maut hamara kuch nahi bhigaad sakti ... aur ek baar woh kaam poora ho jaaye toh phir kitni bhi koshish kar lo, zindagi humein rok nahi sakti

Maut aaye na toh woh pariyon ki tarah aani chahiye ... lekin zindagi mein joh karna chahiye ... woh sab kar liya ho toh hi pari aati hai

Thakela, pakela, boring, nirutsahi log ... cigarette se bhi zyada hanikarak hote hai

Aulaad nalayak nikle toh usse bhool jaana chahiye ... sirf uska bachpan yaad rakhna chahiye

Bhudha samajhte hai na aap ... woh aadmi joh zindagi se bhi darta hai aur maut se bhi

Shaq kabhi marta nahi

Jab kisi ko jaan'na hai, kisi ki chahat ko pechaan'na hai ... zaroori hai ki pehle khud ko pehchaano ... varna chalte raho zindagi bhar rail ki patri ki tarah ... milne ki koi gunjaish hi nahi

Kisi ka dost, kisi ka raazdaar, kisi ka humdard ... duniya mein har koi kisi na kisi ka kuch hota hi hai

Zindagi barsaat ki sadak ki tarah hoti hai ... kabhi phislan, kabhi thokar

Hamare bhoot ka koi bhavishya nahi hota ... lekin woh bhoot hamare vartamaan mein zinda rehta hai

Phool kabhi bhawron se, kinare kabhi leharon se, aur patte kabhi hawa ko dawat nahi dete ... unka toh choli daaman ka saath rehta hai

Darr ko apna bana lo ... dost ban jaata hai

Hamare beete huye kal ka koi shareer nahi hota ... lekin uski maujoodgi ka ehsaas hamare aaj ko jinjhoor deta hai

Nobody is virgin in this world ... yahan tak ki kudrat bhi virgin nahi hai ... updar baadal ek doosre se chhedkhani karte hai ... neeche hum bheeg jaate hai ... kehte hai baarish ho gayi

Shareer ki seemayein hoti hai, beemaar hota hai, thak jaata hai, bhook lagti hai, sota hai ... janam leta hai, kuch pal yahan guzarta hai ... mar jaata hai ... chahat ka in cheezon se koi rishta nahi, koi sambandh nahi ... chahat ki na umar hoti hai, na maut ... passion is immortal

Raah kaunsi jaaun main ... chaurahe pe lut'ta cheer ... pyaade se pitt gaya wazir, pyaade se pitt gaya wazir ... chalo aakhri chaal ke chaal koi bichaun main ... sapna janama aur mar gaya ... basant ritu main baagh jadh gaya ... do din mile udhaar mein ... ghaate ke vyapar mein ... chaurahe pe lut'ta cheer ... pyaade se pitt gaya wazir

Sarphire hi itihaas likhte hai ... samajhdar usse padhte hai

Bade khudgarz hote hai hum ... jisse pasand karte hai uski buraiyan bhool jaate hai ... jisse nafrat karte hai uski achaiyan bhool jaate hai

Aaj kal ke rishtey is ice cube ki tarah hai ... paani mein gire aur apna wajood kho behte

Bheek mein mila pyar dard zyada deta hai ... khushi kam

Corporate companies ka toh bas ek hi aim hai ... nichhod dalo sabko ... pachees saal ki umar se khoon choosna shuru karti hai yeh companies ... bas market aur target ... shubah utho toh market, sone jaao toh target ... screen taakte taakte umar guzar rahi hai ... zindagi ke khoobsurat lamhe guzre jaa rahe hai ... na koi rishta, na koi apna ... dost hai toh bas tension

Zindagi ka har pal aakhri samajhkar jeena chahiye ... tab zindagi ka asli maza aata hai

Kafan mein jeb nahi hoti, kabar mein safe nahi hoti aur maut ke farishtey rishwat nahi lete

Maa kehti thi ... English tubelight jaisi English khopdi hai meri ... joh aayega, dhere dhere aayega ... magar aayega pakka, bharpoor

Kisi bhi insaan ke prati dushmani, khud ke prati dushmani hoti hai ... is liye dushman ko bhi apna dost maan lo

Agar insaan ke dil mein yakeen ho ... toh woh chataan bhi hila sakta hai

Yakeen ek tubelight ki tarah hota hai ... der se jalta hai ... lekin jab jalta hai, toh full light kar deta hai

Aspatal mein pade mareez ko aur pyar mein pade aashiq ko, kabhi akela na chhodna chahiye

Apni policy hai parayi TV aur parayi biwi on na karo bhaiya ... current lagega

Kis kis ka dukh manaiye, kis kisko roiye ... Kanhaiya ji ki chaddar hai, mooh dak ke soiye

Seedhe chalogi ya jump marogi

If you change nothing, nothing will change