Dialogues from Movies for Parties

Mera lehja cactus sa khurdura ... teri baatein raat rani ki tarah

Bade ehtiyaad se rafta-rafta nikaalna hai ... bacha hai joh tujh mein mera hissa nikaalna hai ... nikaal laya hoon pinjre se ek parinda ... ab us parinde ke dil se pinjra nikaalna hai

Yeh khoon, yeh wafa, yeh dua khandaan ki ... keemat bahut badi hai purane makaan ki

Daur-e-ishq mein judaai ka gumaan bhi na tha ... uske haath ki mere paas koi tehreer bhi na thi ... sab poochte hai ke dikhne mein kaisi lagti hai woh ... uske saath meri koi tasveer bhi na thi

Gham koi dena hai toh dede mujhe ... dil mein rakh loonga nishani ki tarah

Yeh joh zameer hai na, yeh kaanpta zaroor hai ... kabhi gunaah se pehle, kabhi gunaah ke baad

Main samundaron ka mijaaz hoon ... abhi us nadi ko pata nahi ... sabhi mujhse aake lipat gayi ... main kisi se jaake mila nahi

Jeb mein kalam rakhne se shayar nahi banoge ... kalam zakhmon pe rakhni padti hai

Bichad gaye toh yeh dil umr bhar lagega nahi ... lagega lagne laga hai, magar lagega nahi ... nahi lageya usse dekh kar, magar woh khush hai ... main khush nahi hoon, magar dekh kar lagega nahi

Kabhi kabaar chupne ke liye sabse achi jagah bheed hoti hai

Jab pet khali ho na toh dimaag sahi aur galat ka farak karna band kar deta hai

Agar aaj hum log risk nahi lenge, toh kal sabke liye risky ho jayega

Agli baar kirdaar imaandar rakhna ... janazah shandaar niklega

Haisiyat bhi aasmaan jaisi honi chahiye ... kyun ki zameen kitni bhi mehengi ho, koi na koi khareed hi leta hai

Kutti cheez hoti hai bhai emotion ... hadhein paar kar deti hai

Bahut kam log jaante hai ki woh bahut kam jaante hai

Kayi baar sahi manzil tak pahunchne ke liye galat raasta chunna padta hai

To bring someone down ... pehle usse mashoor karna padta hai

Insaan samajhta apni samajh ke hisaab se hi hai

Koi acha bura nahi hota ... hote hai sirf badkismat log

Rab apne bandhon ko bure waqt mein kabhi akela nahi chhodta ... himmat banke saath mein khada rehta hai

Zindagi mein na sapne upload karna bada easy hota hai ... aur download karne mein poori zindagi nikal jaati hai

Har ek ki zindagi mein ek samay aata hai jab usse faisla karna padta hai ki panna palatna hai ya kitaab band karni hai

India is Indira ... and Indira is India

Sampoorna vyavastha badalne ka ek hi raasta hai ... sampoorna kranti

Indira can go ... but India must go on

Humein lagta hai kuch paana hi hamari jeet hai ... ek baar is mahaan desh ki liye apna sab kuch khokar dekho ... usse badi koi jeet nahi hai

Neeche girne ka sabse aasaan rasta pata hai kya hai ... jinhone bachpan se saath diya ho, unka haath chhodna

Pashchataap ki aag se jalkar nikle huye insaan ka jeevan kisi punarjanam se kam nahi hota

Jab khud ki taarif jhooth lagne lage ... toh sach ki khoj mein nikal padna chahiye

You have weaponry, we have courage ... that's all it takes

Aadhi roti khayenge, Indira ko layenge