dialogues for Tag:

Yun toh duniya ne bhi teer maare bahut ... yaad aayenge ehsaan tumhare bahut

Basakar dilon ko mittati hai duniya ... hasakar hamesha rulati hai duniya

Main maut se nahi darti ... maut se usse darr lagta hai jise zindagi se pyar ho ... aur zindagi se usse pyar hota hai jise zindagi ne kuch diya ho

Main janta hoon joh kuch bhi isne kiya usse koi maaf nahi kar sakta ... bhagwan bhi nahi ... lekin ek maa maaf kar sakti hai

Is waqt meri maa, mera dharam, mera bhagwan ... joh kuch hai paisa hai

Jhoot bolkar khud pachtane waala ... sach bolkar kabhi kisi ko pachtane nahi deta

Main jhoot bolkar bhi pachtai ... aur sach bolkar bhi pachtati rahoongi

Zameen toh kisi ke baap ki nahi hai ... zameen toh bhagwan ki hai, mehnat kisaan ki aur anaaj saare desh ka hai

Agar duniya mein maut se badi sachai koi nahi ... toh sach maniye aapko dhoka dekar meri zindagi bhi maut se kam nahi

Anyay ki kaali raat khatam ho rahi hai ... aur nyay ka suraj nikalne waala hai

Talwar ka zakhm bhar jaata hai ... lekin zubaan ka zakhm nahi bharta

Zevar utaarkar phir se pehne ja sakte hai ... lekin ghar ki izzat woh zevar hai joh ek baar utar gayi toh phir nahi pehni ja sakti

Main ek aurat hoon mitti ka dher nahi ... jiski joh chahe shakal bana li, jahan jee chahe rakh diya

Jinka dil maila hota hai, unhe har baat maili nazar aati hai

Aaj main sari duniya ke samne sar uthake keh sakta hoon ... najane kitne janam lene ke baad, najane kitni tapasya ke baad ... tum jaisi maa, tum jaisi devi ka beta ban saka

Apne bachchon ke khatir kabhi na kabhi har maa ko rona padta hai ... koi aasoon bahakar roti hai aur koi aasoon peekar

Hamare haath se naseeb waale hi marte hai

Hamara khoon ka rishta zaroor hai ... magar ab nibhane ka nahi ... sirf khoon bahane ka rishta reh gaya hai

Birha ki aag mein jalte hue purush ki hridaya ki jwala ... updesh ke ghee se nahi bhujti ... usse prem, daya, mamta ke gangajal se hi shaant kiya ja sakta hai

Is duniya mein jiske haath mein talwar hai ... wohi jee sakta hai

Ankahi bahut si baatein hai ... kuch keh lenge, shayad kuch reh jayengi

Raakh ko koi kitna bhi dehkai ... woh aag nahi ban sakti

Aatma aur parmatma, tapasya aur vardaan, dharm aur satya ke beech bahut kam antar hai ... phir bhi usse paar karne ka maarg bahut lamba hai

Joh kho diya uska gila nahi mujhe ... joh kabhi pa saka tha bas uska naaz hai

Jab jab jo jo hona hai, tab tab so so hota hai

Chinta mat karo ... chinta karna bhagwan ka bharosa khona hai

Apni aankh ka shateer bhi tinka nazar aata hai ... aur doosron ki aankh ka tinka shateer nazar aata hai

Koi sau baar milkar bhi paraya hi rehta hai ... aur koi pehli hi baar milkar apna ho jaata hai

Yeh dharti ek aaisi hatheli hai ... jis par kisaan hal chalakar, insaan ke taqdeer ki lakeerein kheenchta hai

Aap hamare paseene se logon ka khoon chooste hai

Vishvas toh ek aaisa bandhan hai ... joh ek insaan ko doosre insaan ke kareeb lata hai

Sabse bhayanak janwar aadmi hota hai ... bas usse darna chahiye