dialogues for Tag: Romance

Teri kainath mein aye khuda, mere dil kahin bhi laga nahi ... joh tasalliyan mere dil ko de, mujhe aaisa koi mila nahi

Mohabbat mein hum jeeye hai jeeyenge ... woh honge koi aur marr jaane waale

Agar tumhara pyar jaana chahe toh usse jaane do ... agar woh laut kar aaye toh woh tumhara hai

Yeh kaisi hai majboori ... hoon bin tumhare adhoori ... yeh sadiyon ki doori ... kya hogi ichcha poori ... jab pyar kiya toh darna kya ... hum mein hoga karna kya ... bhaag chalogi mere saath ... jab tum kaho din ho ya raat ... duniya se darr nahi jaogi ... bin tumhare mar nahi jaongi

Dil ka rishta zabardasti se joda nahi jaata ... bas ban jaata hai, yun hi apne aap

Jab dil se dil ki raah milti hai ... toh ek doosre ki pasand napasand sab pata chalta hai

Sab kuch jhoot ho sakta hai ... lekin mera pyar jhoota nahi hai

Dil ki lagi mein dhadkano pe ikhtiyar nahi hota ... ishq woh jalwa hai joh pardanasheen nahi hota

Mujhe nahi malum business kaise hota hai ... magar pyar toh aaise hi hota hai

Mujhe andhar aane ke liye mat kehna ... tumhe na nahi keh paonga ... andhar bhi nahi aa paonga

Agar main uthata toh tum jaag jaati ... agar tum jaag jaati toh chali jaati ... aur agar chali jaati toh main itna kareeb se tumhe kab dekhta

Yaad rakhna ki duniya ke kisi kone mein ek aadmi hai joh bahut khush hai ... kyun ki tum khush ho

Aap ghanti bajaye na bajaye ... aapke kadmo ki aahat se mere dil ki ghanti pehle se baj jati hai

Tumhari aankhon se tumhara dil dikhta hai ... jis mein meri tasveer chupi hui hai

Tumhare bagair toh hum sirf jee rahe the ... dil ne dhadakna toh uss din shuru kiya jis din aap hum mein mili

Pyar hi toh woh jaado hai ... joh umar bhar jawan banaye rakhta hai

Tum ho toh hum hai ... hum hai toh sab kuch hai ... varna kuch nahi, kuch bhi nahi

Tum aur main alag kahan hai ... dil bhi ek hai, dhadkan bhi ek hai aur awaaz bhi ek hai

Hum toh ek katra hai maum ka ... hum mein khud mein shamil karlo ... aag banado, apni saanson ki garmi se hamare jism ko bhar do ... hum mein rooh tak jala do ... is kadar barso aaj humpar ... hamari barso ki pyaas bhuja do

Us intezaar se kya gila joh tere deedar pe khatam ho

Yeh meri himmat kahan ki main aapse shikva karoon ... aap hona chahte hai bewafaa, ho jahiye ... aapke kadamon par laakar rakh di hai dil aur jaan ... meri mohabbat ki duniya ke khuda ho jahiye

The idea of making love to you is something so beautiful ... ki main zindagi bhar tak tumhara intezar kar sakta hoon

Sabak wafaa ka sikhaya bhi ja nahi sakta ... joh seekh lo toh bhulaya bhi ja nahi sakta .. yeh haseen dard dil mein chupaya bhi ja nahi sakta ... aur koi pooche toh bataya bhi ja nahi sakta

Distance always makes the heart grow fonder

In do minute ke liye toh main do janamon tak bhi intezaar kar sakta hoon

Pyar jaate jaate jaata hai

Dil ke faasle ehsaas se kam hote hai

Faasla shiddat-e-ehsaas se kam hota hai ... ek zara haath bada do toh chu loon tumhe

Aaj ki raat tarasne ki nahi, barasne ki raat hai

Shaam hai, baarish hai, pyar ka mausam hai ... sun lene de hawa mein faile hue sangeet ko ... aag hai, tadap hai, bebasi ka aalam hai ... keh lene de aaj kuch bichre hue meet ko

Saare jahan ka dard sametkar, jab kudrat se kuch na ban saka ... toh usne tumhari yeh do aankhen bana di

Garmi-e-hasratein nakaam se jal jaate hai ... hum chiragon ki tarah shaam se jal jaate hai ... shama jis aag mein jalti hai numaish ke liye ... hum ussi aag mein gumnaam se jal jaate hai ... jab bhi aata hai tera naam mere naam ke saath ... jaane kyun log mere naam se jal jaate hai