dialogues for Tag: Romance

Pyar ki taqat daulat ki taqat se oonchi hoti hai

Pyar toh zindagi hai, ek ehsaas hai ... jis mann ko chu jaata hai us mann mein bas jaata hai ... hamesha ke liye, zindagi bhar ke liye

Is duniya mein chahe woh insaan ho yah makaan ho ... ek din mitt hi jaata hai ... nahi mitta hai toh woh hai pyar

Woh joh bachchon jaisi bholi ho ... par samajhdari us mein badhon jaisi ho ... joh itni khoobsurat ho, ke usse jitni baar dekho kam lage ... jiski muskurahat sabko musrane par majboor karde ... aur jiski aankhen aaisi ho, ke usse jhoot kehne ka mann hi na kare ... aaisi hogi woh

Pyar toh bas ho jaata hai, kaise? ... na tum jaano na hum

Kabhi kabhi koi dhun sunne ke liye kisi saaz ki zaroorat nahi hoti ... phoolon ke khilne ke liye baarish ki zaroorat nahi hoti ... dil ki awaaz sunne ke liye lafzon ki zaroorat nahi hoti

Woh wahi hai joh kabhi kabhi mere khayalon mein aata hai ... jise soochkar hi muskurane ka mann karta hai ... jiski awaaz meri har saans pehchaanti hai ... dil ko ussi ka intezaar hai ... jise meri tarah pyar se pyar hai

Mera ek vishvas hai ... mujhe lagta hai ki bhagwan ne hum sabke liye kuch na kuch tay kar rakha hai ... wohi jaanta hai aur wohi faisla karta hai ki hum kab, kahan, kisse aur kaise milenge

Jab ladkiyan mujhse dosti karti hai ... toh unki dosti aksar pyar mein badal jati hai

Toh kya hua ki agar hum saath nahi ho sake ... pyar bina saath rahe bhi ... pyar hi rahega

Pyar ka matlab sirf pyar ka izhaar karna nahi hota ... pyar bina kuch kahe bhi, pyar hi hai ... pyar qurbani bhi hai ... pyar ek doosre ke liye chup rehna bhi hai ... pyar ka matlab sirf pyar ko pana nahi hai ... pyar kisi aur ki khushi ke liye, apni khushi mitana bhi hai

Kabhi nahi socha tumne ki saari umar jhule par tumhara haath thaame joh ladki baithi hai ... uska is poore jahan mein le deke bas ek dost hi kyun hai ... kabhi nahi socha ki jis ladki ne ek ladke ke saath bachpan se jawani tak ka safar tay kiya ... usse apni baki zindagi ke liye kisi aur ki zaroorat kyun hoti ... kabhi nahi socha ki us pagli ke liye uska woh ek hi dost kaafi tha ... woh ek hi ladka ... tum

Kya kare pyar ishq mohabbat mein kehna padta hai ... kabhi khushi kabhi gham sehna padta hai ... khullam khulla pyar karenge kehna padta hai

Kuch bhi nahi kuch nahi hai ... bin tere kuch nahi hai

Baahon mein Tina, kamar mein Meena, kandhon mein Leena aur sar par Henna ... yaar tune toh apne pyar ka ek Jumbo circus banakar rakha hai

Is duniya ke safar mein doston ke saath saath ... ek humsafar ki bhi zaroorat hoti hai

Pyar karna, izhaar karna bahut hi aasaan hai ... lekin usko nibhana bahut mushkil

(Tum kya tofha dogi mujhe?) ... Delhi ka dil, Mumbai ki mohabbat, Chennai ki chahat aur Punjab ka pyar

Hawaon mein ab toh kiss karta hoon ... har taraf tujhko miss karta hoon

Tanhai, aasoon, udasi ... baat hai zara si ... aur tum itni khafa si

Tumhara pyar night long hai ... aur mera pyar life long hai

Chandni mein nahaye nadi ki tarah hai woh ... swarg se utari apsara hai woh

Pyar kisi ke dil mein pehda nahi kiya ja sakta ... pyar ho jaata hai

Pyar ko jaane bina mar jaane se toh behtar hai ... ke hum us pyar ko jaankar usse bhool jaye

Pyar aadmi ko pagal bana deta hai, deewana bana deta hai, khooni bana deta hai ... magar issi pyar ne mujh jaise pagal ko ek insaan bana diya

Pyar amrit hota hai agar safal hua toh ... nahi toh wohi pyar zehar ban jaata hai

Jab mujhe pyar se pyar tha, tab tum bahut pasand thi ... ab jab mujhe pyar hi pasand nahi, toh tum kaise pasand aaogi?

Tum ek aaisa buth ho ... jiske kadmo mein sipahi apni talwar, shahenshah apna taj aur insaan apna dil nikaal ke rakh de

Apni aankhen dekhi hai? ... jidhar bhi dekhti hai ek rishta kayam kar deti hai

Climax ke pehle hi meri love story ka end ho gaya hai

Pyar ka davaa karna bahut aasaan hota hai ... lekin usko nibhana utna hi mushkil

Dilon ke mamle hote hi aaise hai ... yeh kab apne paas se doosre ke paas chala jaye ... pata hi nahi chalta