Dialogues from Movies for Parties

Bharatiya naari ke jeevan mein talaak ya divorce nahi hota ... usse toh apne pati se sirf maut hi alag kar sakti hai ... divorce nahi

Jis tarah cigarette peene ke baad tukde ko phek diya jaata hai ... uss hi tarah kaam khatam ho jaane ke baad chamcho ko khatam kar deta hai Shera

Joh bhi apni zubaan nahi kholta hai ... main uske bheje ka dhakan khol deta hoon

Papaya jaisa chehra, chikoo jaisi aankhen, tarbuj jaisa badan ... ladki hai yah fruit ki tokri?

Is aadmi ki parchai bhi kisi pe padh jaye na ... toh wahi marr jaye ... itna zehareela hai yeh

Apun bhi apni marzi ka maalik hai ... apne mood ka badshah hai

Pichle janam mein tum zaroor maachis ki dibiya rahe hoge ... is liye is janam mein baatein kam aur mooh se chingaariya zyada nikalte ho

Jab khud ke latakne ki baari aati hai na ... toh chehra khud-ba-khud latak jaata hai

Zameen aur aasman ke beech jitni bhi cheezein hai ... mujhe dekh kar unki rooh fanaa ho jaati hai ... aag ghabrakar baraf ho jaati hai ... aur baraf ghabrakar pani

Kyun meri Kashmir jaisi zindagi ko Kurukshetra banane pe tuli ho?

Shera ki suvar ki khopdi mein lomdi ki tarah chalaak dimag hai ... pahad khodkar chuha nikaal leta hai ... kabar khodkar murda nikaal leta hai ... aur aatma ka gala dabakar parmatma ka pata nikaal leta hai

Jab aulaad jawaan ho jaati hai na ... tab naukrani ki nahi ... bahurani ki zaroorat hoti hai

Tum jaisi auraton ke pair ke neeche swarg hota hai ... aur aaj kal ki auraton ke pair ke neeche sandal ... joh sadak pe kam aur mardon ke sarr pe zyada chalti hai

Goli maar maarke ek ek aadmi ki laash ko sadak pe us tarah phekenge ... jaise juari jua khelte table pe taash ke patte phekta hai

Mera kaam tumhe sarkari mehmaan banana hai

Waqt, mauka, nazaqat, halat ... kuch toh dekh kar aaya karo?

Kabab mein haddi toh suna tha ... yeh saala poora bakra kahan ghus aaya

Zulm aur anyay ke khilaaf pehle hamesha ek hi awaaz uthti hai, ek hi haath uthta hai ... aur phir dheere dheere sarfaroshon ka caravan tayaar ho jaata hai

Woh log mujhe toh maar sakte hai lekin meri awaaz ko nahi kuchal sakte ... meri awaaz croreon mazdooron ki awaaz bankar un zalimon ke kaano se takrayegi ... mere khoon ke ek ek boond se hazaron lakhon croreon Kranti Kumar pehda honge ... joh is dharti se zulm, anyay aur baimaani ke rakshas ko hamesha hamesha ke liye khatam kar denge ... kranti hogi, poorn kranti, sampoorn kranti!

Hamare desh mein samajwad kahan hai ... hamare desh mein toh afsarwad hai, jaat-paatwad hai, kursiwad hai ... arre samajwad toh tab aayega jab aap apne vote ki taqat mehsoos karenge

Jab raajneeti pesha ban jaati hai, vyapar ban jaati hai ... toh kursi desh se badi ho jaati hai

Agar usne apna rasta nahi badla toh majboor hokar hum mein apna rasta badalna hoga ... aur woh rasta khoon ke darya se hoke guzrega

Yeh joh vote hai na yeh kagaz ka tukda nahi hai ... ki dabbe mein daala aur chal diye ... yeh vote tumhare parivar, tumhare desh, uski unnati ki parchi hai ... yeh toh do dhaari talwar hai joh dono taraf se kaatti hai ... theek jagah pade toh desh khushal aur galat jagah pade toh desh ka satyanash

Meri premika kisi ki patni bhale hi ban jaye ... kisi ki patni meri premika kabhi nahi ban sakti

Duniya mein jitne type ka bhook hota hai na ... utne hich type ka bhook maarne ka tarkeeb bhi hota hai

Tere bina main nahi, mere bina tu nahi ... hamare bina prem nahi, prem bina hum nahi

Bin byahi ladki ka dil toh hota hi hai aaine ki tarah hai ... joh bhi samne padh jaata hai, ussi ki parchai us mein dikhne lagti hai ... lekin shaadi ke baad woh parchai tasveer mein badal jaati hai ... pati ki tasveer

Nange halaat ko alfaazo ki poshaak se dhakne ki koshish mat karo

Jab tum tana maarte ho ... toh teer ki tarah aar paar ho jaata hai

Tumhari khushi ke liye ... jeena hi meri zindagi hai

Pati ke liye patni punya ka saathi hoti hai

Doosro ki daulat ke pankh logon ko gharon se dur le jaate hai ... aur yeh pankh jinhe lag jaate hai ... woh wapis ghar lautkar kabhi nahi aate