Dialogues from Movies for Parties

Duniya mein saare rishte mohabbat ke rishte hote hai ... agar mohabbat hai toh paraye bhi apne ho jaate hai ... agar mohabbat nahi toh khoon bhi khoon ko nahi pehchanta

Anaaj toh bahut pehda hota hai seth ... magar usse gareebon ke pet nahi tum logon ke godaam bhare jaate hai ... tabhi toh tum logon ki tijori mein rakha hua paisa nahi gina ja sakta ... magar gareebon ke jism ki pasliyan zaroor gini ja sakti hai

Shehar kitna bhi ajnabee kyun na ho ... koi na koi toh apna mil hi jaata hai

Aapke anurodh pe main yeh geet sunata hoon ... apne dil ki baaton se aapka dil behlata hoon

Marte marte main itna mar chuka hoon ... ki mujhe toh apne jeene par bhi shaq hone laga hai

Apun bahut famous aadmi ... bada bada paper mein apun ka chota chota photo chapta hai

Hindu Muslim Sikh Isai ... sabhi toh hai bhai bhai

Aaisa toh aadmi life mein do-heech time bhaagta hai ... Olympic ka race ho yah police ka case ho ... tum kahe mein bhaagta hai bhai?

Zinda rehne ke liye apne sivah kisi aur ka hona bilkul zaroori nahi hai ... aadmi jinke saath jeena chahta hai woh unke bagair bhi jee sakta hai

Yeh toh anyay hai, ghor anyay ... aur main har anyay ka virodh karunga

Bus mein tel jalta hai aur taange mein janavar ka khoon jalta hai

Kanoon kehta hai ki karz agar purana ho jaye ... toh usse chukane ki koi zaroorat nahi

Pyar ka mazaa saath marne mein nahi ... saath jeene mein hai

Na tera koi dharam hai, na tera koi karam hai ... tu bada besharam hai

Daulat se bhi badkar koi cheez hai aur woh hai pyar ... pyar se bhi ooncha kuch hai aur woh hai aadmi ka apna usool

Insaan ki do maayen hoti hai ... ek maa joh insaan ko janam deti hai aur doosri us desh ki dharti jahan pe woh janam leta hai

Yeh aasoon bhi bade baimaan hote hai ... na gham chupane dete hai, na khushi

Zabaan aadmi ko neecha dikha deti hai ... usse zyada nahi chalana chahiye

Sukh na rahe toh dukh apas mein milkar baant lena chahiye

Stree ka bhagya muskurata hai toh tum jaisa pati milta hai

Andhe paramatma ko pehchante hai ... aur aankhon waale aadhe ko bhi nahi pehchante

Tum jaisi patni pakar apni taqdeer ki aarti utaarne ko dil chahta hai

Zindagi bhi ajeeb hai ... koi kisi ke itna kareeb hote huye bhi kabhi kabhi kitna door nazar aane lagta hai

Woh pyar hi kya joh samay ke parivartan ke saath badal jaye

Aadmi ki achchai, uska character tab puja jaata hai jab uske paas rupaiya ho ... jab rupaiya paas na rahe toh aam logon ki nazar badal jaati hai

Jise mile qadardan aaisi sundar ... woh prani hai naseeb ka sikandar

Insaan ki sabse badi daulat hai uski insaaniyat, uska character

Dhan daulat ko chalti phirti chaya kaha gaya hai ... aaj hai toh kal nahi ... fakr toh us daulat pe kiya jaye joh kabhi insaan ka saath na chhode ... aur woh hai sachai aur imaan ki daulat ... insaaniyat, daya aur dharam ki daulat

Yeh duniya than-than gopal ki hai ... jiske paas rupaiya nahi woh kuch nahi

Dharam ki aag se dil ke chirag jalte hai ... bhatakne waale issi roshni mein jalte hai

Mard do zaat ke hote hai ... ek joh bewakoof pehda hote hai ... doosre joh bewakoof banaye jaate hai

Nagin ka nasha sharaab aur aurat ke nashe se zyada hota hai