dialogues for Tag: Romance

Pyar apni jagah hai, daulat apni jagah hai ... zindagi ke liye dono zaroori hai

Kavita se mann ko behlaya ja sakta hai ... samjhaya nahi ja sakta

Duniya mein har insaan ko do cheez ki bhook hoti hai ... ek daulat ki aur doosri mohabbat ki

Aapke chehre par aaya hua gussa, jaise chand pe chahe huye chote se badal ki tarah ... aapka mann jal ki tarah nirmal ... aapka dil phool ki tarah komal ... aur aapka swabhav "aaahhhh"

Ek umeed kahi rang se lehrai hai ... dil mein aayi hai toh duniya mein bahaar aayi hai

Raah ke kaanton se bhi ab ishq ghabrata nahi ... kya qayamat hai kahin dil ko karaar aata nahi

Meri nazar ne husn ka jadoo jaga diya ... tujhko sajaake aur bhi katil bana diya

Chandni aanchal mein bhar layi hai tu ... raat yeh chamki hai jab aayi hai tu

Doori kabhi palbhar ko gawara na karenge ... agar jee na sake saath toh hum saath marenge

Doli se main jab utroongi hairan na hona ... mar jaon khushi se toh pareshan na hona

Mohabbat ka tamasha ishq ki taseer dekhoge ... mere seene mein dil mein Heer ki tasveer dekhoge

Milke tanhai ka ehsaas usne doona kar diya ... dil kiya aabad kuch aaise, ki soona kar diya

Baarat mein halki si jhalak apni dikhake ... chhoda mujhe is husn ne deewana banake ... doori na hui dil ko kisi tarah gawara ... chhod aaya hamesha ke liye takht hazara

Usse kehna ke tum mera ek khwab ho, joh chamakta hai dil mein woh mahatab ho ... usse kehna ke gehuyon ke kheton ka rang, tilmilati hui titliyon ki umang ... usse kehna ke jharnon ka chanchal shabaab, ghat ki taazgi, aabroo-e-janab ... usse kehna ke jhoolon ki angdaiyan aur udhte dupatton ki shenaiyan ... usse kehna ki chakki ke geeton ki aag, ladkhadati jawaani, machalta suhaag ... usse kehna ke dulhanon ke kajal ki pyaas, pehle bhose ki garm aur thandi mithaas ... itni ranginiyon ko jab ikhja kiya, Heer kudrat ne tab tujhko pehda kiya

Sharmati hai kyun aaj meri baahon mein aake ... le jaonga ek din tujhe doli mein bithake

Tu jab aa jaati hai paas ... bhook mar jaati hai, jaag uthti hai pyaas

Ishq jis mein basa nahi rehta ... aaise dil mein khuda nahi rehta

Layega mere dil ki tadap, koi kahan se ... sunna hai mera haal, sunno meri zabaan se

Tune sab paaya hai, aashiq ki nazar paayi nahi ... jabse dekha tujhko duniya ki taraf dekha nahi ... jabse chaha tujhko apni yaad bhi aayi nahi ... tukhjo paana zindagi hai, tujhko khona maut hai ... aur kuch iske sivah mere fasaane mein nahi ... maang loonga mein khuda se yah chura loonga tujhe ... tujhsa moti doosra uske khazane mein nahi

Wahan ka zarra zarra apni halat par salamat hai ... tumhare ek na hone se wahan lekin qayamat hai

Aye meri sundar aankhon waali mehbooba ... apni lambi kaali zulfein mat bikhra ... kyun ki in mein hazaron kaale naag bandhe hai ... in zulfon ke jaal mein mujhko mat uljha

Har khoobsurat ladki pehle se hi apne aap par aashiq hoti hai ... jab koi ladka sahi tareeke se tareef karta hai, toh woh ussi par aashiq ho jaati hai

Tu mere samne hai ... teri zulfein hai khuli, tera aanchal hai dhala ... main bhala hosh mein kaise rahoon, kaise rahoon

Tera haath, haath mein aa gaya ... ke chirag raah mein jal gaye

Ek sharif aurat zindagi mein ek hi baar pyar karti hai ... yeh kali ek hi baar khilti hai ... ek baar nigahen milti hai ... ek baar mohabbat hoti hai

Kuch din pehle hum ek doosre ko jaante tak nahi the ... aur kuch hi dino mein do se ek ho gaye ... aur ab kuch hi dino mein teen

Yakeen nahi aata toh poocho in barfilay pahadon se, in nadi ki leharon se, in baharon se ... hum dono ke dilon ki awaaz ek hai, joh saath saath milkar in vaadiyon mein goonj uthegi

Ek chota sa zakhm bahut gehra daag ban sakta hai ... aur ek choti si mulaqat jeevan bhar ka saath ban sakti hai

Prem mein mazaa hi tab aata hai jab ladki gusse waali ho

Prem ka khel do dhaari talwar hai ... iska khiladi kabhi khud bhi ghayal ho jaata hai

Jab tumhari soorat aankhon mein lekar aankhen band karti hoon na ... toh phir kholte hue dar lagta hai ... kahin tum ojhal na ho jao

Pyar maangne ki cheez nahi hai ji ... dene ki cheez hai