dialogues for Tag: Politics

Neta logon ki aadat hi hai ... jab soote hai toh soote rehte hai ... aur jab jagenge toh cheenkhne chilaane lagte hai

Main un netaon mein se nahi hoon joh vote lene ke liye note baantte hai ... aur vote mil jaane ke baad noton mein ulajh jaate hai

Aadmi ke do haath toh hote hai magar neta banane ke baad ... ek haath ekdum lamba aur ek haath ekdum chota ho jaata hai ... woh lambe haath se vote kheenchta hai aur chote haath se note deta hai

Jeevan mein teen cheezon se hamesha parez rakhiye ... shakkar, namak aur neta

Neta jab tak giraftar nahi hota usse naam nahi milta ... logon ki humdardiyan nahi milti

Siyasat ki duniya mein maa, baap, bhai, behen, beti, damad koi kuch nahi hota ... kyun ki aadmi jab upar uthna chahta hai, tab yeh sab rishtey aur jazbaat bojh bankar usse neeche ghaseet lete hai

Hamare desh mein samajwad kahan hai ... hamare desh mein toh afsarwad hai, jaat-paatwad hai, kursiwad hai ... arre samajwad toh tab aayega jab aap apne vote ki taqat mehsoos karenge

Jab raajneeti pesha ban jaati hai, vyapar ban jaati hai ... toh kursi desh se badi ho jaati hai

Yeh joh vote hai na yeh kagaz ka tukda nahi hai ... ki dabbe mein daala aur chal diye ... yeh vote tumhare parivar, tumhare desh, uski unnati ki parchi hai ... yeh toh do dhaari talwar hai joh dono taraf se kaatti hai ... theek jagah pade toh desh khushal aur galat jagah pade toh desh ka satyanash

Logon ki kismat mein toh lutna hi likha hai ... amir gareebon ko lootte hai, vyapari grahakon ko lootte hai aur neta janta ko lootti hai ... sabhi toh sabko lootte hai ... kalyug mein yahi hota raha hai aur yahi hota rahega

Chunaav aur politics akal ka khel hai ... umeedvaar chahe koi bhi ho ... agar uske peeche akal hai, organization hai, planning hai toh woh zaroor jeetta hai

Politics mein right aur wrong nahi hota ... politics mein manzil hi sab kuch hai ... rasta chahe koi bhi ho

Rajneeti ke vachan samay ki zaroorat dekhkar diye jaate hai ... aur ussi tarah samay ki zaroorat dekhkar todh diye jaate hai

Yeh raajneeti ke chakkar toh bas do kisam ke logon ko raas aate hai ... ek toh woh jinke ghar khane peene ki fikar na ho ... aur doosre woh jinke ghar khane peene ko kuch na ho