dialogues for Tag: money

Zyada paisa aaye toh neend nahi aati ... neend aaye toh zyada paisa nahi aata

Main aaj bhi phenke hue paise nahin uthata

Agar is samaaj aur society se paap aur gunaah ko hamesha ke liye khatam karna hai ... toh un shaitano ko khatam karna hoga joh chand sikkon ki khatir gareebon ki sharafat aur insaaniyat khareedkar unke dilon mein gunaah ka bheej bohte hai ... paap ke saaye mein unki parvarish karte hai ... logon ka khoon pilakar unhe badne par majboor karte hai

Petrol ka bhav badh gaya ... tarkaari ka bhav badh gaya ... tera bhav bhi badh gaya kya?

Kamana, kharch karna ... aur kamana, aur kharch karna ... bas issi mein zindagi guzar jaati hai ... saaye ke peeche bhaagte rehte hai hum aur zindagi ki asliyat kho behette hai

Paise ka koi rang nahi, roop nahi ... koi dharam nahi, imaan nahi ... koi punya nahi, paap nahi

Aapki sampati hai dhan daulat, jisse aapne doosron ki mehnat se jama kiya hai ... meri sampati hai ilm, jisse maine apni mehnat se jama kiya hai ... aur hamesha karta rahunga

Hum aaya tha karza lene ke liye ... par tumne Sher Khan ko khareed liya

Aaj ke samaaj mein imaandar hokar koi bhi crorepati nahi ho sakta

Main rupaiya ginkar kabhi nahi rakhta

Baatein karodo ki aur dakshina kaudiyo ki

Duniya bhi kitni ajeeb jagah hai ... jinhe hum chor, gunda aur badmaash kehte hai ... woh insaaniyat ke liye daulat ko thukra dete hai ... aur jinhe hum nek, shareef aur baizzat kehte hai ... woh daulat ke liye ek bachche ko apne baap se alag kar dete hai

Dil aur daulat ka mel kabhi nahi hota hai

Is duniya mein jab tak bhalai rupai aur paison se na tauli jaye ... woh bhalai nahin kehlati

Jab jeb thandi hoti hai toh dimaag garam ho jaata hai

Main jin logon se kamata hoon ... pehle unke dil ko tatollta hoon aur bad mein unki jeb ko

Ek aurat ki zindagi mein motor, banglay, dhan, daulat, in sab cheezon ki koi keemat nahi ... usse sirf ek acha pati chahiye joh usse pyar kare ... aur jiske kadamon mein woh apni duniya rakh de

Pyar apni jagah hai, daulat apni jagah hai ... zindagi ke liye dono zaroori hai

Sui ke is chote se chhed mein se oont jaisa bhari bharkam janwar guzar sakta hai ... magar ishwar ke raj mein daulat ka pujari kabhi nahi ja sakta ... kyun ki wahan daulat ka koi mol nahi

Izzat hamare jeevan ka updesh hai ... daulat toh sirf jeene ka sadhan hai

Paisa insaan ko woh cheez nahi de sakta joh usse shiksha se milti hai ... izzat ... shiksha insaan ko izzat ke saath jeena sikhati hai

Duniya mein har insaan ko do cheez ki bhook hoti hai ... ek daulat ki aur doosri mohabbat ki

Is waqt meri maa, mera dharam, mera bhagwan ... joh kuch hai paisa hai

Zindagi mein jis cheez ki tamanna ho usse logon mein baant do ... dhan chahiye dhan do, sukh chahiye sukh do, pyar chahiye pyar do ... sirf do aur dete raho ... kabhi kisi se kuch maango mat bas aankh bandh karke diye jao, diye jao

Duniya mein do cheezein aaisi hai jinhe koi bhi nahi chupa sakta ... ek husn aur doosri daulat

Daulat dekar insaan khareede jaate hai, imaan khareede jaate hai ... magar kisi ke mann mandir mein base hue bhagwan nahi khareede jaa sakte

Daulat kabiliyat nahi paida kar sakti ... magar kabiliyat daulat pehda kar sakti hai

Na jaane log lakhpati crorepati kaise ban jaate hai ... apna toh pati banana mushkil ho raha hai

Ameer se uski daulat aur gareeb se uski izzat cheen lo ... toh hamesha hamesha ke liye mar jayega

Daulat jahan nehmat hai ... wahan ek bahut badi laanat bhi hai

Dhobi ki dhulai, darzi ki silai, Roopraja ki padai, us par itni mehangai ... aur sirf do sau ki kamai ... duhai hai duhai

Daulat gareebi ki taraf dosti ka haath toh bada sakti hai ... magar usse gale lagate hue hich-kichati hai