Dialogues from Movies for Parties

Insaan ki sabse badi taqat apni kalpana hoti hai

Joh khoya hai woh ek khwaab hai ... aur joh paaya hai woh lajawab hai

Musafira sa dil mera ... tu mili tham gaya ... meharbaan joh tu hua ... khushi mili, gham gaya ... pehle sa kuch bhi hai nahi ... lagun main khud ko ajnabi ... tere kareeb hoon ... naseeb yoon dhadke hai abhi

Hum sab ke andar do shaksh hote hai ... ek shareef, jisse hum duniya se milate hai ... aur doosra badmash, jisse chupate hai

Yeh karza joh hai na kutte paalne jaisa hai ... kehne ke liye suraksha karta hai ... par roz bow-bow karke roti maangega ... aur joh ek din roti na do na toh kaat dega yeh

Suna hai sach aur jhooth ki jung mein jeet hamesha sach ki hoti hai ... aur apne desh ka sach toh yeh hai ... ki jeet ussi ki hoti hai jiske paksh mein kaagaz hota hai ... itni taqat hai apne system mein kaagaz ki ... aur kaagaz ki is taqat se takrana na toh koi mamooli kaam hai aur na hi kisi mamooli aadmi ka kaam hai

Galati sudaarne ka matlab hota hai galati sweekarna ... hamare system ka masla galati sudaarne ka nahi, galati sweekarne ka hai

Ramji ke liye aasaan tha Ravan ko maarna ... uska dus maatha tha par dikhta tha ... yahan system ke Ravan ka naa jaane kitna maatha hai, kitna munh hai, kitna aankh hai ... aur jab bhi koi munh kholta hai toh gareeb ki bali maangta hai ... uska adhikaar cheenta hai ... kaise lade is system se

Agar insaan haare bhi na ... toh uh kaam karke jisse woh dil se karna chahe

Jiske haath mein nyay dene ka aadhikar ho aur nyay na de ... woh hoth hai asal mritak

Kabhi akhbaar, kabhi khat kaagaz ... rozmarra ki zaroorat kaagaz ... aane jaane ki sahulat kaagaz ... jeene marne ki izazat kaagaz ... pyar ki chittiyan bhi kaagaz ki ... kaam ki arziyan bhi kaagaz ki ... jashan mein jhandiyan bhi kaagaz ki ... jism ki mandiyan bhi kaagaz ki ... bane naaton ka bhi gawah kaagaz ... kahin shaadi, kahin nikah kaagaz ... kahin talaak ka gunah kaagaz ... banaye aur kare tabah kaagaz ... cheen le khet, ghar, zameen, kaagaz ... poche aankhon ki bhi nammi kaagaz ... har jagah yoon hai laazmi kaagaz ... jaise ghar ka hai aadmi kaagaz ... kuch nahi hai, magar hai sab kuch bhi ... kya ajab cheez hai yeh kaagaz bhi

Yeh duniya ek akhada hai ... jhe ma sach aur jhooth naam ke dui pehalwan lad rahe hai ... aur jab tak sach naam ka pehalwan jhooth naam ke pehalwan ko pachaad nahi deta ... tab tak yeh ladai jaari rahegi

Kisaan beejh issi liye boohta hai taaki ek din fasal kaat sake ... aur rajneeti mein bhi bakra issi liye paala jaata hai taaki samay aane par uski qurbaani di jaa sake

Kuch nahi hai magar hai sab kuch bhi ... kya ajab cheez hai yeh kaagaz bhi ... baarishon mein hai naav kaagaz ki ... sardiyon mein alaav kaagaz ki ... aasman mein patang kaagaz ki ... saari duniya mein jung kaagaz ki

Yeh rishtey bahut nazuk hote hai ... unhe jhooth ki buniyaad pe nahi banana chahiye ... ek baar toot jaye toh phir jodna bahut mushkil hota hai

Ghar khareedne se pehle na do baar dekh lena chahiye ... ek baar din mein, ek baar raat mein ... din mein joh hai na woh ghar samajh aata hai ... aur raat mein mohalla samajh aata hai

Har ek vyakti ko apna jeevan saathi, apna khana aur apni sharaab chun'ne ka poora adhikaar hona chahiye

Yeh zindagi ke highway pe bahut sari gaadiyan daudti rehti hai ... tu kisi ko rokega toh ruk jayegi ... lift maangega toh mil jayegi ... aur jagah nahi hogi na toh bhi adjust karke bhita denge ... lekin yeh joh family wali gaadiyan hoti hai na ... woh saale rokte nahi hai ... lift bhi nahi milti hai ... jagah hogi toh bhi andar behetne nahi denge

Yeh joh miya biwi ka rishta hota hai na, yeh Allah miya ne kache dhaage se baanda hai ... gaant baand baand ke chaloge toh reh jaata hai ... aur jahan gaant khuli toh baat khatam

Yehi toh problem hai arranged marriage ki ... love marriage mein mehnat karni padti hai na ... arranged marriage mein pakki-pakai parosi huyi ladki samne mil jaati hai na

Amar prem wohi hai jispe khoon ke halke halke se cheente ho ... taaki usse buri nazar na lage

Har kahani ke na bahut pehlu hote hai ... farak bas yeh hota hai ke kahani suna kaun raha hai

Pagalpan ki hadh se na guzre, woh pyar hi kaisa

Hona ek din sabka hisaab hai ... zindagi karamo si likhi ek kitaab hai

Nyay agar jeevan ka adarsh hai ... insaaf agar hamare samvidhan ka maulik adhikar hai ... toh phir usse vyavastha, parampara aur paristithiyon ka ghulam mat banaiye

Har ghadi chashm-e-kharidaar mein rehne ke liye ... kuch hunar chahiye bazaar mein rehne ke liye ... badnaami se shohrat ka woh rishta hai ke log ... nange ho jaate hai akhbaar mein rehne ke liye

Insaaf kagaz ke tukdon par nahi hota hai ... aapke kitaabon mein nahi hota hai ... adalati kalam ki siyahi se woh nahi hota hai ... insaaf hota hai insaano ke dil par, unke zehan par, unki rooh par

Is duniya mein koi bhi banda aisa nahi hai ... jisne apni life mein koi apradh nahi kiya ho

Kanoon sirf kanoon hai ... ya toh toda jayega, ya paala jayega ... lekin har surat mein maana jayega

Mehfil mein jalate hai diya doosre log ... lete hai ujalon ka maza doosre log ... mujrim kabhi pakde nahi jaate ... lekin paate hai adalat se saza doosre log

Imaandaar woh hai jisse baimaani karne ka mauka na mila ... aur begunah woh hai jisse jurm karne ka mauka na mila

Gunah jitna bhi sangeen ho, saza bhi utni hi sangeen honi chahiye ... gunehgar jitna bereham ho, insaaf bhi utna hi bereham hona chahiye