dialogues for Tag: Life

Zindagi mein ek hoti hai haqeeqat aur ek hoti hai kapol kalpana

Film hit ho ya flop ho, zindagi super-hit honi chahiye boss ... aur zindagi tab super-hit hoti hai jab aapko woh hasil ho jaye joh aapne apne dil se chaha ho

Itihaas gawah hai ... taash ho ya zindagi ... begum ke chakkar mein badshah aur ghulam dono joker bane hai

Zaroori nahi hai zindagi mein sab kuch seekhna ... sirf ek baat seekh lo sab kuch aa jayega ... aur woh hai mathrubhumi se niswarth prem

Yeh zindagi kya hai, yeh duniya kya hai ... ek bahut bada WhatsApp group hai aur jiska admin kaun hai ... uparwala ... toh khushiyon ko forward karte rahiye ... zindagi ka data unlimited rahega

Life mein pehda hona, pyar karna aur mar jaana ... yeh 10% moments sabse important hote hai ... baaki 90% are just reactions to them

Woh jaa rahi thi humse door kuch is qadar ... jaise saansein chhodkar zindagi jaa rahi ho

Main har cheez dobara kar lunga ... har jagah dobara chal lunga ... har galati dobara kar lunga ... har ladai dobara ladh lunga ... dobara mana lunga ... dobara our song chhun lunga ... dobara pet name bhi soch lunga ... har jhooth dobara bol lunga ... har taana dobara sun lunga ... har hasi dobara has lunga ... har aansun dobara roh lunga ... tere bina life badi jee huyi baasi si lagti hai ... mujhe ek baar phir apne saath dobara jeene de na

Hum haar jeet, success failure mein itna ulajh gaye hai ... ki zindagi jeena bhool gaye hai ... zindagi mein agar kuch sabse zyada important hai ... toh woh hai khud zindagi

Tum bas woh dekh rahe ho joh tumhe dekhna hai ... zindagi tumhe kya dikhana chahti hai woh dekho

Zindagi aur raste ek jaise hote hai ... kis modh pe badal jaaye, pata nahi chalta

Jitne safed baal mere sar aur daari mein hai ... usse kahin zyada rangeen meri zindagi rahi hai

Life mein haan ya na ki probability 50-50 ki hoti hai ... aur mujhe lagta hai ki haan wala 50 bahut hota hai

Hum jiske peeche lag jaate hai ... life bana dete hai

Zindagi kaatni kise thi ... humein toh jeeni thi

Zindagi mein khoob galatiyan karni chahiye aur unki saza bhi paani chahiye ... magar apni, kisi aur ki nahi ... jab tak galatiyan nahi karoge toh apni kahani kaise likhoge

Ab zindagi ki cycle pe toh maarna padega pedal ... chahe mile ya na mile medal

Apna life full saanp seedi ka board hai ... kabhi up toh kabhi down

Zindagi ka maza humne bahut kam liya hai ... ab vapas lauta hoon zindagi bhar ka maza loonga

I believe only three things can change our lives ... dreams, suffering and love ... pareshaniyon se main nikalke aaya hoon ... sapna main dekh raha hoon ... aur pyar mujhe aksar ho jaata hai

Yeh zindagi ki race ke jhatke hai ... yeh pehda hone se pehle shuru hote hai ... aur na marne ke baad khatam hote hai

Yeh race zindagi ki race hai ... kisi ki zindagi leke hi khatam hogi

Self-respect ke bagair zindagi aur dahi ke bagair parathe ... achhe nahi lagte

Duniya mein sab kehte hai ki paise ke bina chain se jee nahi sakte ... lekin yeh koi nahi kehta ki bina paise ke chain se mar bhi nahi sakte

School ke bahar jab zindagi imtihaan leti hai ... toh subject wise nahi leti

Kahani bilkul zindagi ki tarah hoti hai ... shuru hoti hai aakhir mein khatam hone ke liye ... aur dono ke anth ka faisla shuruvat mein hi taiy hota hai

Mohabbat mein jaan dene ke vaade hote hai ... lekin nafrat mein jaan lene ke iraade hote hai

Jis tarah khel mein ball ko pass kiya jaata hai ... kabhi kabhi zindagi mein apne sapno ko pass karna padta hai

Jaan dene ki cheez nahi hai ... lene ki hoti hai

Genius toh woh hota hai jiske paas character ho ... genius toh woh hota hai joh har paristithi mein zindagi ki ladai ladta hai aur jeet'ta hai ... woh genius hai

Filmon mein zindagi kitni hi super-hit kyun na dikhe ... real life mein sab kuch ulta-phulta hota hai na

Jesus Christ ne hum sabko is dharti par apne koi kaam ke liye bheja hai ... jab tak woh kaam poora nahi hota, tab tak maut hamara kuch nahi bhigaad sakti ... aur ek baar woh kaam poora ho jaaye toh phir kitni bhi koshish kar lo, zindagi humein rok nahi sakti