dialogues for Tag: Romance

Bachpan ki mohabbat ko dil se na juda karna ... jab yaad meri aaye milne ki dua karna

Hum chahe bandhan mein bandhe na bandhe ... jazbaat ka rishta toh dil se hai

Shaadi sirf jism ka rishta nahi hai ... mann ka milan hai, aatma ka rishta hai

Qurbani hi sachche pyar ka aadhaar hai

Uski ek muskurahat mere saare gham mitta degi

Pyar apni khushi mein nahi ... balki jinhe tum pyar karte ho, unki khushi mein hai

Chahane aur haasil karne mein bahut phark hai ... pyar sirf haasil karna nahi ... pyar dene ka naam hai

Agar tum mujhe yun hi dekhti rahi ... toh tumhe mujhse pyar ho jayega

Woh toh meri saanson mein hai, meri dhadkanon mein hai, meri aankhon mein hai, mere khwabon mein hai ... sach toh yeh hai ke mera dil unke paas hai aur unka dil mere paas

Jab tak tum hum mein apna nahi manogi hum yunhi aadhi raat ko aate rahenge ... hum tumhare dil par apne pyar ka chewing gum chipkakar rahenge ... prem patra ke patthar maarte rahenge

Yeh meri Laila hai ... hum inke Majnu hai ... yeh choli hai toh hum inke daaman hai ... yeh phool hai toh hum aangan hai

Pyar doosro ki jaan lena nahi hota ... pyar doosro ko jeene dena hota hai ... zindagi hota hai pyar, doosro ko khushi dena hota hai pyar

Main tumhe bahut pyar karta hoon ... itna jitna suraj karta hai apni kiranon se, chand karta hai apni chandni se, phool karte hai apni khushboo se

Jab mohabbat ki aag dahek uthti hai na toh woh mandir aur masjid ki taraf nahi dekhta hai ... un aankhon mein sirf dekhta hai jinhe woh pyar karta hai

Tumko kya malum Shabnam guzarti kaisi hai meri raatein ... teri tasveer aankhon mein basaye bhatakta rehta hoon, karta hoon bas tumhari baatein ... tum shama ho Shabnam aur Manzoor parwana ... tumse lipatkar jalne ko tayaar hai deewana

Tum saans leti ho, toh mera dil dhadakta hai

Kabhi kabhi dil jodne ke liye dil todna padta hai ... aur dil todkar jodne waale ko ... pata nahi kya kehte hai

Kaise bataon main tumhe mere liye tum kaun ho ... kaise bataon main tumhe mere liye tum dharam ho, mere liye imaan ho ... tum hi ibaadat ho meri, tum hi to chaahat ho meri ... tum hi mera armaan ho, takta hoon main har pal jisse tum hi to voh tasveer ho, tum hi meri taqdeer ho ... tum hi sitaara ho mera, tum hi nazaara ho mera ... yudhyan mein mere ho tum, jaise mujhe ghere ho tum ... purab mein tum, paschim mein tum, uttar mein tum, dakshin mein tum, saare mere jeevan mein tum, har pal mein tum, har chin mein tum ... mere liye rasta bhi tum, mere liye manzil bhi tum, mere liye saagar bhi tum, mere liye saahil bhi tum ... main dekhta bas tumko hoon, main sochta bas tumko hoon, main jaanta bas tumko hoon, main maanta bas tumko hoon, tum hi meri pehchaan ho ... kaise bataon main tumhe, devi ho tum mere liye, mere liye bhagwaan ho ... kaise bataon main tumhe mere liye tum kaun ho

Chal lekar apni naav chale, chandan chandani ke gaon chale ... indradhanush ki behti dhara, uske paar teesra kinara ... is safar mein aur koi nahi, yeh safar hai bas mera tumhara ... ab kis dastak ka hai intezar, jab tumhe pukarta ho pyar aur samne ho sapnon ka sansar ... chal lekar sapnon ki naav chale, chandan chandani ke gaon chale

Kaise bataon main tumhe mere liye tum kaun ho ... yeh joh tumhara roop hai, yeh zindagi ki dhoop hai ... chandan se tarsha hai badan, behti hai jis mein ek agan ... yeh shokhiyan, yeh mastiyan, tumko hawaon se mili, zulfein ghataon se mili ... hooton mein kaliyan khil gayi, aankhon ko jheele mil gayi ... chehre mein simti chandni, awaaz mein hai ragini ... sheeshe ke jaisa ang hai, phoolon ke jaisa rang hai, nadiyon ke jaisi chaal hai, kya husn hai, kya haal hai ... yeh jism ki rangeeniyan, jaise hazaaron titliyan, baahon ki yeh golaiyan, aanchal mein yeh parchaiyan ... yeh nagriyan hai khwaab ki, kaise bataon main tumhe haalat dil-e-betaab ki ... kaise bataon main tumhe mere liye tum kaun ho

Kaise bataon main tumhe mere liye tum kaun ho ... kaise bataon main tumhe tum dhadkanon ka geet ho, jeevan ka tum sangeet ho, tum zindagi, tum bandagi, tum roshni, tum taazgi, tum har khushi, tum pyar ho, tum preet ho, manmeet ho ... aankhon mein tum, yaadon mein tum, saanson mein tum, aahon mein tum, neendon mein tum, khwaabon mein tum ... tum ho meri har baat mein, tum ho mere din raat mein, tum subaah mein, tum shyaam mein, tum soch mein, tum kaam mein ... mere liye paana bhi tum, mere liye khona bhi tum, mere liye hasna bhi tum, mere liye rona bhi tum aur jaagna sona bhi tum ... jaaon kahin, dekhon kahin, tum ho wahan, tum ho wahin ... kaise bataon main tumhe tum bin toh main kuch bhi nahi ... kaise bataon main tumhe mere liye tum kaun ho

Manaa ki aap humse khafa hai ... magar phir bhi tasdeeqein wafa hai

Mehfil mein baithkar bhi nigaahen darwaze par tiki ho ... toh samjho kisi ka intezar hai

Tumhare seene mein joh dil hai woh Hindustani hai ... aur Hindustani dil awaara nahi hota ... yeh chahta toh sari duniya ko hai, lekin mitta kisi Hindustani par hai

Har insaan ko zindagi mein ek baar pyar zaroor karna chahiye ... pyar insaan ko bahut achcha bana deta hai

Woh log bahut badnaseeb hote hai jinhe pyar nahi milta ... lekin unse bhi zyada badnaseeb woh log hote hai jinhe pyar milta toh hai ... magar woh log usse pehchaan nahi paate aur usse kho dete hai

Mohabbat ko daulat aur rutbe ke tarazu mein nahi tola jata

Raftaar aur pyar ki koi hadh nahi hoti

Hamari mohabbat mein itni taqat zaroor hai ki maut ka chehra dekhkar ... hum duniya ko apni dastaan sunane ke liye zinda rahenge

Daurate raho jisko ban jaati hai aadat woh ... chahe woh ibaadat ho, chahe woh mohabbat ho

Handsome aur beautiful mil jaye ... toh samajho phool ko khushboo mil gayi aur khushboo ko phool

Jab do jism milte hai toh jazbaat ki aag se ... mohabbat ke sholay uthkar aasmaan ko chu lete hai